ໜ່ວຍພັກໂຄງການເກັບກູ້ລະເບີດ ດຳເນີນກອງປະຊຸມກາງສະໄໝທີ I

ໃນວັນທີ 22 ພະຈິກ 2022 ໜ່ວຍພັກໂຄງການເກັບກູ້ລະເບີດ ແຂວງສາລະວັນ ຈັດກອງປະຊຸມກາງສະໄໝ ທີ I ທີ່ຫ້ອງປະຊຸມຂອງຕົນ, ໂດຍການເປັນປະທານຂອງ ທ່ານ ທອງເບີຍ ສິງຂາວເພັດ ເລຂາໜ່ວຍພັກ ໂຄງການເກັບກູ້ລະເບີດແຂວງ, ໃຫ້ກຽດເຂົ້າຮ່ວມຂອງ ທ່ານ ສຸດດາໄລ ອິນດາວົງ ຮອງເລຂາຄະນະພັກຮາກຖານ ຮັກສາການຫົວໜ້າພະແນກແຮງງານສະຫວັດດີການ ແລະ ສັງຄົມແຂວງ, ມີຄະນະໜ່ວຍພັກ, ກອງເລຂາຂັ້ນແຂວງ, ແຂກຖືກຈາກພາກສ່ວນທີ່ກ່ຽວຂ້ອງ ພ້ອມດ້ວຍສະຫາຍສະມາຊິກພັກສົມບູນເຂົ້າຮ່ວມ.

ໂອກາດນີ້ ທ່ານ ທອງເບີຍ ສິງຂາວເພັດ ໄດ້ກ່າວເປີດກອງປະຊຸມໃນຄັ້ງນີ້ວ່າ: ການດຳເນີນກອງປະຊຸມກາງສະໄໝ ຂອງໜ່ວຍພັກໂຄງການເກັບກູ້ລະເບີດແຂວງ ສະໄໝທີ I ໃນຄັ້ງນີ້ ແມ່ນເປັນການດໍາເນີນຊີວິດການເມືອງພາຍໃນໜວ່ຍພັກ, ເປັນການສຳຫຼວດກວດກາການນຳພາຂອງຄະນະໜວ່ຍພັກໃນໄລຍະຜ່ານມາ ທັງເປັນການທົບທວນຄືນຜົນ ຊຶ່ງຕະຫຼອດໄລຍະເວລາຜ່ານມາການເຄື່ອນໄຫວ ຂອງໜ່ວຍພັກຕົ້ນຕໍແມ່ນຕິດພັນກັບການເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິ IX ຂອງອົງຄະນະພັກແຂວງສາລະວັນ ແລະ ມະຕິກອງປະຊຸມໃຫຍ່ຂອງຕົນ, ໃນໂອກາດນີ້ທ່ານກໍ່ຮຽກຮ້ອງມາຍັງບັນດາສະຫາຍສະມາຊິກພັກ ຈົ່ງໄດ້ສຸມຈິດ ສຸມໃຈ ແລະ ສະຕິປັນຍາເຂົ້າໃນການ ປະກອບຄຳຄິດ ຄຳເຫັນຢ່າງກົງໄປ ກົງມາໃສ່ບົດສະຫຼຸບຕີລາຄາ ແລະ ພາກທິດທາງແຜນການ ທັງດ້ານດີ - ຂໍ້ຄົງຄ້າງ ແລະບົດຮຽນທີ່ຖອດຖອນໄດ້ ຈະຕ້ອງໄດ້ປັບປຸງ ແກ້ໄຂໃນຕໍ່ໜ້າ. ຕະຫຼອດໄລຍະການຈັດຕັ້ງຜ່ານມາໜ່ວຍພັກໂຄງການເກັບກູ້ລະເບີດ ແມ່ນຂຶ້ນກັບການຊີ້ນຳ-ນຳພາຂອງຄະນະພັກຮາກຖານພະແນກ ແຮງງານສະຫວັດດີການ ແລະ ສັງຄົມແຂວງສາລະວັນ ວຽກງານໂຄງການເກັບກູ້ລະເບີດໄດ້ມີການພັດທະນາຂະຫຍາຍຕົວໃນແຕ່ລະດ້ານ ເປັນຕົ້ນ ດ້ານການເມືອງ, ແນວຄິດ, ການຈັດຕັ້ງ ແມ່ນການປະຕິບັດພາລະບົດບາດ, ສິດ ແລະໜ້າທີ່ ໄດ້ຮັບການຍົກສູງຄຸນນະພາບ, ການກໍ່ສ້າງພັກໂດຍສະເພາະແມ່ນ ການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນໄດ້ບັນລຸຕາມແຜນການທີ່ວາງໄວ້.

ຈາກນັ້ນ ກອງປະຊຸມກໍ່ໄດ້ຮັບຟັງການຜ່ານຮ່າງບົດສະຫຼຸບຕີລາຄາການນຳພາລວມຮອບດ້ານຂອງໜ່ວຍພັກ, ຮ່າງບົດສະຫຼຸບຕີລາຄາແຜນການພັດທະນາ ຫ້ອງການ ຄກລ ແຂວງ ແລະ ທິດທາງແຜນການຕໍ່ໜ້າ, ຜ່ານຮ່າງບົດສຳຫຼວດການນຳພາລວມຂອງຄະນະໜ່ວຍພັກ, ຮັບຟັງການຜ່ານເອກະສານຍົກສູງຄວາມສາມາດນຳພາ ແລະຄວາມເປັນແບບຢ່າງນຳໜ້າ. ຈາກນັ້ນກໍ່ຈະໄດ້ມີການແບ່ງຈຸ ສຳຫຼວດ, ກວດກາ, ຕິນຳສົ່ງຂ່າວ ກໍ່ສ້າງຊ່ວຍເຫຼືອເຊິ່ງກັນ ລະກັນ ພ້ອມດຳເນີນການທາບທາມຄວາມໄວ້ວາງໃຈຕໍ່ຄະນະໜ່ວຍພັກ.

ໂດຍ: ກິນດາວັນ ອ້ວນນາຄູ

 

แชร์