ງາມບໍ່ເຄີຍປ່ຽນເປີດເຜີຍຮູບພາບຄິມແທຮີ ຫຼັງຈາກຖືພາລູກຄົນທີ 2

ຫາຍໜ້າຫາຍຕາຈາກສື່ໄປເລີຍນັບຕັ້ງແຕ່ມີຂ່າວວ່າຖືພາລູກ ຄົນທີ່ 2 ສຳລັບນາງເອກສາວຄົນ ງາມຄິມແທຮີ ແຕ່ຫຼ້າສຸດຜະລິດຕະພັນເບີ່ງແຍງຜີວພັນເຊລທຣີ ອອນສະກິດຄີວຄື່ອງສຳອາງດັງຂອງ ສ ເກົາຫຼີ ເປີດເຜີຍຄລິບວີ ດີໂອໂຄສະນາຜະລິດຕະພັນໃໝ່ ຂອງຕົນເອງທີ່ມີຄິມແທຮີ ນາງ ເອກຄົນງາມຮັບໜ້າທີ່ເປັນນາງ ແບບຜ່ານທາງຢູທູບເມື່ອບໍ່ດົນມານີ້ ຖືໄດ້ວ່າເປັນຮູບພາບທຳອິດຂອງລາວທີ່ມີການເຜີຍແຜ່ຜ່ານສື່ພາຍຫຼັງປະກາດຂ່າວຖືພາລູກຄົນທີ່ 2 ຂອງລາວເລີຍ.

ເຣນ (ຊອງຈີຮຸນ) ກັບຄິມແທຮີຄູ່ຮັກຄົນດັງແຫ່ງແວດວົງເຄປ໋ອບທີ່ຫາກໍ່ປະກາດຂ່າວດີດັ່ງ ກ່າວໃນວັນທີ 26 ກຸມພາຜ່ານມາ ໂດຍລາວມີກຳນົດເກີດລູກໃນ ເດືອນກັນຍາຂອງປີນີ້ຫຼັງຈາກທີ່ ທັງສອງຄົນມີລູກສາວຄົນທຳອິດ ໄປແລ້ວໃນເດືອນຕຸລາ ປີ 2017, ຊຶ່ງໂຄສະນາດັ່ງກ່າວຖ່າຍທຳໃນ ໄລຍະກາງເດືອນກຸມພາ ທີ່ຜ່ານມາຊຶ່ງໝາຍຄວາມວ່າດາລາສາວ ອາຍຸ 38 ປີ ຖືພາລູກຄົນທີ 2 ແລ້ວ ໂດຍຊາວເນັດຈຳນວນຫຼາຍຕ່າງພາກັນສະແດງຄວາມປະທັບໃຈກັບຄວາມງາມທີ່ບໍ່ປ່ຽນແປງ, ຕະຫຼອດຮອດຜີວພັນຂາວໄສບໍ່ມີທີ່ ຕິຂອງລາວ ທັ້ງໆທີ່ກຳລັງຖືພາ ລູກຄົນທີສອງຢູ່.

 ນສພ ເສດຖະກິດ-ສັງຄົມ

• 03/04/2019