ຕາມຂ່າວຈາກ ວິທະຍຸ ສາກົນ ແຫ່ງ ສປ ຈີນ, ພິທີເປີດ ການແຂ່ງຂັນເຕະບານຊີງຂັນໂລກ ກາຕາ ປີ 2022 ໄດ້ຈັດຂຶ້ນຢ່າງຍິງໃຫຍ່ຊຶ່ງໄດ້ເລີ່ມແຕ່ວັນທີ 20 ພະຈິກ ຈົນເຖິງວັນ ທີ 18 ທັນວາ 2022 ! ຢູ່ນະຄອນຫຼວງ ໂດຮາ ຂອງປະເທດກາຕາໂດຍມີການສະແດງ ສິນລະປະຂອງອ່າວເປີເຊຍຈາກສິລະປິນທ້ອງຖິ່ນຂອງກາຕາ ແລະຍັງໄດ້ເຊື້ອເຊີນ ນັກຮ້ອງດັງຈາກ 5 ທະວີບ ຮ່ວມກັນຮ້ອງເພງພິທີເປີດ ການແຂ່ງຂັນເຕະບານໂລກຢ່າງຄຶກຄື້ນ ແລະໂຄສະນາເຜີຍແຜ່ອີກຫຼາຍເພງ. ສຳລັບການແຂ່ງຂັນໃນຄັ້ງນີ້ມີທັງໝົດ 32 ທີມ ຈາກທົ່ວໂລກທີ່ຜ່ານເຂົ້າຮອບຄັດເລືອກຊຶ່ງຮອບທຳອິດ ຂອງການ ແຂ່ງຂັນ ແມ່ນທີມຊາດ ກາຕາທີ່ເປັນເຈົ້າພາບພົບກັບທີມຊາດເອກວາດໍເປັນມື້ເປີດສະໜາມການແຂ່ງຂັນຢ່າງເປັນທາງການ.

ຮຽບຮຽງຂ່າວໂດຍ: ສະໄຫວ ລາດປາກດີ