ວິທີເຮັດກາວຕິດເກີບອ້າໃຫ້ກັບມາໃຊ້ໄດ້ຄືເກົ່າ

ຫຼາຍໆຄົນມັກພົບກັບບັນຫາເກີບຂາດ, ເກີບອ້າກໍມັກຈະຖີ້ມ ຫຼື ບໍ່ກໍເສຍເງິນເຂົ້າຮ້ານແປງແຕ່ຮູ້ບໍ່ວ່າວິທີແກ້ໄຂບໍ່ຕ້ອງເຂົ້າຮ້ານໃຫ້ເສຍເງິນແຕ່ຢ່າງໃດເພາະເຮົາເອງສາມາດແປງເກີບຄູ່ນັ້ນໃຫ້ກັບມາຄືເກົ່າໄດ້ພຽງຂັ້ນຕອນບໍ່ທໍ່ໃດຂໍ້ກໍ່ສາມາດນໍາມາໃສ່ ໄດ້ຄືເກົ່າ ໂດຍມີ 2 ວິທີ ດັ່ງຕໍ່ໄປນີ້.

ວິທີທີ່1:

ສິ່ງທີ່ຕ້ອງກຽມ: ໂຟມ, ຖ້ວຍ 1 ໃບ, ເບກກິ້ງ ໂຊດາ,  ນໍ້າສະປາຍ, ນໍ້າສົ້ມສາຍຊູ.

ຂັ້ນຕອນການເຮັດ: ຈີກໂຟນອອກເປັນຕ່ອນນ້ອຍທີ່ສຸດ, ໃສ່ໃນຖ້ວຍຈາກນັ້ນໃສ່ເບກກີ້ງໂຊດາ, ສະປາຍ, ນໍ້າສົມສາຍຊູຄົນໃຫ້ທົ່ວປະມານ 1 ນາທີຈາກນັ້ນໂຟມກໍ່ຈະລະລາຍກາຍເປັນເນື້ອດຽວກັນ ແລະໜຽວຂຸ້ນເໝືອນກາວແລ້ວນໍາມາທາບໍລິເວນ ເກີບທີ່ອ້າໄດ້ເລີຍຊຶ່ງການປະສົມແບບນີ້ຈະມີຄວາມໜຽວຂຸ້ນຫຼາຍກວ່າກາວຫຼາຍເທົ່າ.

ວິທີທີ່2:

ສິ່ງທີ່ຕ້ອງກຽມ: ຖ້ວຍ 1 ໃບ, ເບກກິ້ງໂຊດາ, ຢາຖູແຂ້ວ, ນໍ້າຢາລ້າງຖ້ວຍ.

ຂັ້ນຕອນການເຮັດ: ກຽມພາຊະນະໃສ່ເບກກີ້ງໂຊດາ, ຢາສີແຂ້ວ, ນໍ້າຢາລ້າງຖ້ວຍ ຄົນໃຫ້ເຂົ້າກັນຈົນໜຽວພຽງທໍ່ນີ້ກໍ່ສາມາດນໍາມາທາໃນບໍລິເວນເກີບທີ່ອ້າໄດ້ແລ້ວແຕ່ຈຳໄວ້ວ່າຢາທາຫຼາຍຈົນເກີນໄປເພາະຈະເຮັດໃຫ້ແຫ້ງຍາກ, ເມື່ອທາແລ້ວໃຊ້ມື ຫຼື ເຫຼັກໜີບກົດໄວ້ປະມານ 2 ນາທີ ເພື່ອໃຫ້ກາວຕິດຫຼັງຈາກນັ້ນໃຫ້ເອົາເຫຼັກໜີບອອກເກັບໄວ້ໃນຊັ້ນວາງເກີບປະມານ 1 ວັນ ເກີບກໍ່ກັບມາຢູ່ໃນສະພາບເດີມ ແລ້ວຈໍາໄວ້ຖ້າເທື່ອໜ້າພົບເກີບອ້າອີກຢ່າລື່ມໃຊ້ວິທີນີ້ເດີ.

ເຫັນບໍ່ວ່າຂັ້ນຕອນທີ່ນໍາມາຝາກກັນໃນວັນນີ້ເປັນ ຂັ້ນຕອນງ່າຍໆ ແລະສິ່ງທີ່ຕ້ອງກຽມກໍ່ຫາໄດ້ງ່າຍໃນ ເຮືອນຫຼັງຈາກນີ້ໄປເຮົາກໍ່ບໍ່ຕ້ອງເຂົ້າຮ້ານແປງເກີບ ໃຫ້ເສຍເງິນອີກຕໍ່ໄປພຽງເຮັດຕາມຂັ້ນຕອນນີ້ກໍ່ຈະມີເກີບງາມໆໃສ່ເໝືອນເດີມແລ້ວ.

ຮຽບຮຽງໂດຍ: ຟ້າ

• 03/04/2019