ສາລະຄະດີ “ປະເທດຈີນບົນຂະບວນການໃໝ່” ເລີ່ມອອກອາກາດທາງໂທລະພາບແຫ່ງຊາດລາວ

ໃນວັນທີ 14 ພະຈິກທີ່ຜ່ານມາ, ເນື່ອງໃນໂອກາດທ່ານ ສີຈິ້ນຜິງ ປະທານປະເທດຈີນເດີນທາງໄປປະເທດອິນໂດເນເຊຍເພື່ອເຂົ້າຮ່ວມກອງປະຊຸມສຸດຍອດກຸ່ມ G20 ແລະ ເດີນທາງໄປໄທ ເພື່ອເຂົ້າຮ່ວມກອງປະຊຸມຜູ້ນຳເສດຖະກິດຂອງອົງການຮ່ວມມືເສດຖະກິດອາຊີປາຊີຟິກ ແລະຢ້ຽມຢາມປະເທດໄທ. ພິທີອອກອາກາດຂອງຟິມສາລະຄະດີຫົວຂໍ້ສະເພາະ “ສໍານວນເກົ່າທີ່ ທ່ານ ສີຈິ້ນຜິງ ມັກ” ສະບັບພາສາອິນໂດເນເຊຍ, ພາສາໄທ ແລະຟິມສາລະຄະດີບັນທຶກເຫດການ “ປະເທດຈີນບົນຂະບວນການໃໝ່” ທີ່ຖ່າຍທໍາຮ່ວມໂດຍສະຖານີວິທະຍຸໂທລະພາບສູນກາງຈີນ ແລະສື່ມວນຊົນຫຼາຍປະເທດໄດ້ຈັດຂຶ້ນຢູ່ນະຄອນຫຼວງປັກກິ່ງປະເທດຈີນ. ທ່ານ ເຊີ້ນໄຫຊົງ ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນທັງເປັນຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນ,ທ່ານ ອຳຄາ ວົງໝື່ນກ້າ ຜູ້ອຳນວຍການໃຫຍ່ໂທລະພາບແຫ່ງຊາດລາວ ພ້ອມດ້ວຍຜູ້ອຳນວຍການໃຫຍ່ຂອງສະຖານີໂທລະພາບ ແລະ ຜູ້ຮັບຜິດຊອບສື່ມວນຊົນສໍາຄັນຂອງປະເທດທີ່ກ່ຽວຂ້ອງໄດ້ເຂົ້າຮ່ວມ ແລະ ກ່າວຄຳປາໄສຜ່ານທາງອອຟລາຍ ແລະອອນລາຍ.

ນັບແຕ່ວັນທີ 14 ພະຈິກເປັນຕົ້ນໄປ, ຟິມສາລະຄະດີເລື່ອງ “ສໍານວນ ເກົ່າທີ່ທ່ານ ສີຈິ້ນຜິງ ມັກ” ສະບັບພາສາອິນໂດເນເຊຍ, ພາສາໄທຈະໄດ້ອອກອາກາດຢູ່ອິນໂດເນເຊຍ ແລະ ໄທ. ຟິມສາລະຄະດີນີ້ໄດ້ຄັດເລືອກສໍານວນສະໄໝບູຮານ ແລະ ນິທານອໍາມະຕະທີ່ທ່ານປະທານ ສີຈິ້ນຜິງ ເຄີຍໄດ້ນໍາເອົາມາເວົ້າເຖິງ ຊຶ່ງໄດ້ສະແດງໃຫ້ເຫັນເຖິງຄວາມເຂົ້າໃຈອັນເລິກເຊິ່ງຂອງທ່ານປະທານ ສີຈິ້ນຜິງ ທີ່ມີຕໍ່ວັດທະນະທໍາອັນເປັນມູນເຊື້ອອັນດີງາມຂອງຈີນ ແລະ ສະຕິປັນຍາດ້ານການບໍລິຫານປະເທດຂອງ ທ່ານປະທານ ສີ ຈິ້ນຜິງ.

42 ຟິມສາລະຄະດີບັນທຶກເຫດການເລື່ອງ “ປະເທດຈີນບົນຂະບວນການໃໝ່” ຫຼາຍພາສາແມ່ນສະຖານີວິທະຍຸໂທລະພາບສູນກາງຈີນ ແລະສະຖານີໂທລະພາບຂອງ 8 ປະເທດຮ່ວມກັນຖ່າຍທໍາ, ໂດຍຜ່ານເລື່ອງລາວທີ່ມີຊີວິດຊີວາຕ່າງໆ, ສະແດງໃຫ້ເຫັນເຖິງປະເທດຈີນໄດ້ຄົ້ນຄວ້າຢ່າງບໍ່ລົດລະເພື່ອບັນລຸຄວາມທັນສະໄໝແບບຈີນ. ນັບແຕ່ວັນທີ 14 ພະຈິກນີ້ ເປັນຕົ້ນໄປ, ສາລະຄະດີດັ່ງກ່າວຈະເລີ່ມອອກອາກາດທາງໂທລະພາບຂອງປະເທດໄທ, ກໍາປູເຈຍ, ອິນເດຍ, ລາວ, ນີເຊຣີ, ປາກີສະຖານ, ສີລັງກາ ແລະຕູຣາເຄຍ ເປັນຕົ້ນ.
ຂ່າວ: ຊີອາໄອ

แชร์