ພົບກັບ USB4.0 ຮັບ-ສົ່ງຂໍ້ມູນໄວສູງສຸດເຖິງ 40Gbps

USB Promoter Group ກຸ່ມຜູ້ພັດທະນາພອດ USB ທີ່ເຮົາ ໃຊ້ກັນຢູ່ທຸກວັນນີ້ໄດ້ປະກາດເປີດໂຕມາດຕະຖານໃໝ່ USB 4.0 ຫຼັງຈາກຫາກໍເປີດໂຕ USB3.2 ໄປໃນບໍ່ກີ່ວັນຜ່ານມາ ໂດຍມາດຕະ ຖານ USB4.0 ທີ່ວ່ານີ້ຈະມີ ຄວາມວ່ອງໄວໃນການຮັບສົ່ງຂໍ້ ມູນໄດ້ສູງສຸດເຖິງ 40Gbps ຊຶ່ງ ທຽບເທົ່າກັບ Thunderbolt 3 ເລີຍນັ້ນເອງ USB4.0 ເຖິງແມ່ນວ່າຈະເປັນມາດຕະຖານໃໝ່ທີ່ມີຄວາມໄວສູງກວ່າເກົ່າແຕ່ມັນກໍ ຍັງມີຮູບຮ່າງໜ້າຕາທີ່ເໝືອນກັບ ພອດ USB-C ໃນປະຈຸບັນຊຶ່ງ ແນ່ນອນວ່າມັນຍັງສາມາດໃຊ້ງານ ຮ່ວມກັນໄດ້ຄືເກົ່າ (ໃຊ້ກັບພອດ Thunderbolt ກໍຍັງໄດ້) ແລະມັນຍັງໃຊ້ງານຮ່ວມກັບສາຍ USB-C ປົກກະຕິໄດ້ແຕ່ຖ້າຫາກ ວ່າຕ້ອງການຄວາມໄວແບບສຸດໆ ກໍຕ້ອງປ່ຽນມາໃຊ້ສາຍ USB-C ທີ່ຮອງຮັບ USB4.0  ເທົ່ານັ້ນເຖິງ ຈະເຮັດຄວາມໄວໄດ້ 40Gbps ແລະບໍ່ແມ່ນແຕ່ມັນຈະໃຊ້ງານໄດ້ ພຽງແຕ່ການສົ່ງຂໍ້ມູນເທົ່ານັ້ນແຕ່ມັນຍັງໃຊ້ແທນພອດ HDMI ສຳລັບຕໍ່ອອກຈໍນອກໄດ້ອີກເນື່ອງຈາກ USB4.0 ຮອງຮັບເຊື່ອມຕໍ່ ກັບຈໍທີ່ມີຄວາມລະອຽດ 4K ໄດ້ ພ້ອມກັນເລີຍເຖິງ 2 ຈໍ ຫຼື ຈໍ 5K ໄດ້ 1 ຈໍ ພ້ອມຍັງຮອງຮັບການ ຈ່າຍໄຟໄດ້ເຖິງ 100W (ຊຶ່ງຕ້ອງ ໃຊ້ສາຍທີ່ຮອງຮັບເທົ່ານັ້ນ)  ຊຶ່ງຄວາມໄວໃນລະດັບ 40Gbps  ຂອງ USB4.0 ເຖິງວ່າຈະເປັນ ລະດັບດຽວກັນກັບ Thunderbolt 3 ແຕ່ເນື່ອງຈາກເຕັກໂນໂລຊີດັ່ງ ກ່າວຍັງມີລາຄາແພງຢູ່ (ສັງເກດໄດ້ ຈາກລາຄາຂອງອຸປະກອນຕ່າງໆ ທີ່ຮອງຮັບການໃຊ້ງານ Thunderbolt ຄືຈຳພວກໂນດບຸກ) ເຮັດໃຫ້Thunderbolt 3 ຍັງບໍ່ຄ່ອຍ ໄດ້ຮັບຄວາມນິຍົມໃນວົງກວ້າງພໍປານໃດນັ້ນເອງ.

ແລະໃນອະນາຄົດເຕັກໂນໂລຊີ USB4.0 ຈະກາຍເປັນມາດຕະ ຖານທີ່ໃຊ້ໃນໂນດບຸກ, ມືຖື, ແທບ ເລັດ ແລະອຸປະກອນອື່ນໆເຮັດໃຫ້ ໃນອະນາຄົດເຮົາຈະບໍ່ຕ້ອງວຸ້ນ ວາຍກັບບັນດາສາຍເຄເບິລ ແລະ ພອດຕ່າງໆໃຫ້ຫຍຸ້ງຍາກອີກຕໍ່ໄປ ເພາະມີແຕ່ USB4.0 ພອດດຽວ ກໍສາມາດໃຊ້ງານໄດ້ໝົດທຸກຢ່າງທັງສາກໄຟ, ຮັບສົ່ງຂໍ້ມູນ ແລະຕໍ່ ກັບຈໍພາຍນອກ.

ນສພ ເສດຖະກິດ-ສັງຄົມ

แชร์