ຍທຂ ໄຊສົມບູນ ປະເມີນຜົນງານ ປະຈຳປີ 2022 ໃຫ້ພະນັກງານ-ລັດຖະກອນ

ໃນຕອນເຊົ້າ ຂອງວັນທີ 9 ພະຈິກ 2022 ພະແນກໂຍທາທິການ ແລະຂົນສົ່ງ ໄດ້ຈັດກອງປະຊຸມປະເມີນຜົນງານຂອງພະນັກງານ-ລັດຖະກອນ ປະຈຳປີ 2022 ຢູ່ທີ່ຫ້ອງປະຊຸມຂອງ ພະແນກໂຍທາທິການ ແລະຂົນສົ່ງ ແຂວງໄຊສົມບູນ ໂດຍການເປັນປະທານຂອງທ່ານ ຄຳພຸດ ແກ້ວວົງພອນ ຮອງຫົວໜ້າພະແນກໂຍທາທິການ ແລະຂົນສົ່ງແຂວງ ໄຊສົມບູນ, ມີບັນດາຫົວໜ້າ, ຄະນະແຕ່ລະຂະແໜງ, ພ້ອມດ້ວຍພະນັກງານ-ລັດຖະກອນ ຂອງພະແນກເຂົ້າຮ່ວມ.

ໃນກອງປະຊຸມ ທ່ານ ຄຳພຸດ ແກ້ວວົງພອນ ຮອງຫົວໜ້າພະແນກໂຍທາທິການ ແລະຂົນສົ່ງແຂວງໄຊສົມບູນກໍ່ໄດ້ຂື້ຜ່ານດຳລັດຂອງນາຍົກລັດຖະມົນຕີ ສະບັບເລກທີ 300/ລບ. ລົງວັນທີ 30 ກັນຍາ 2017 ກ່ຽວກັບການປະເມີນຜົນງານຂອງການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ໃນໜືງປີຜ່ານມາ. ຈາກນັ້ນກໍໄດ້ຜ່ານໃບເກັບກ່ຽວຂອງແຕ່ລະສະຫາຍພ້ອມທັງ ແລກປ່ຽນຄຳຄິດຄຳເຫັນຕໍ່ຜົນງານຂອງພະນັກງານ-ລັດຖະກອນ ແຕ່ລະສະຫາຍ. ໂດຍແນໃສ່ການເຄືອນໄຫວຈັດຕັ້ງປະຕິບັດວຽກງານວີຊາສະເພາະໃນຂອບເຂບ. ຄວາມຮັບຜິດຊອບຂອງແຕ່ລະຂະແໜງການ, ແຕລະຄົນໃນໄລະຍະຜານມາຕາມແຕ່ລະດ້ານເນຶ້ອໃນຄື: ດ້ານຄຸນທາດການເມືອງ, ດ້ານຄຸນສົມບັດສິດທຳປະຕີວັດ, ດ້ານຄວາມຮູ້ຄວາມສາມາດ ແລະ ປະສົບການ ເພື່ອມາເປັນບ່ອນອິງໃນການຕີລາຄາຜົນງານຂອງແຕ່ລະສະຫາຍທີ່ມີຜົນງານດີເດັ່ນໃນການເຮັດສຳເລັດໜ້າທີວຽກງານທີຂັ້ນເທິ່ງມອບໝາຍໃຫ້ຕົນເອງຮັບຜິດຊອບ. ລວມທັງຈຸດດີ ແລະ ຈຸດອອ່ນ, ຂໍ້ຄົງຄ້າງຕ່າງໆ ເພື່ອໃຫ້ໝູ່ຄະນະໄດ້ຕີລາຄາ ແລະປັບປຸງຊ່ວຍເຫຼືອເຊິ່ງກັນ ແລະກັນ ຕໍ່ໄປໄດ້ການຈັດຕັ້ງປະຕິດບັດວຽກງານໄດ້ຮັບຜົນງານດີກວ່າເກົ່າ. ໃນການປະເມີນຜົນງານຂອງແຕ່ລະສະຫາຍໃນຄັ້ງນີ້ ເຫັນໄດ້ວ່າບັນດາ ພະນັກງານ-ລັດຖະກອນ ພາຍໃນພະແນກໂຍທາທິການ ແລະຂົນສົ່ງແຂວງໄຊສົມບູນ ແມ່ນຈັດຢູ່ໃນປະເພດດີໝົດທຸກທ່ານບໍ່ມີຜູ້ອອ່ນ ແລະ ເສຍທາດ, ຂາດຄຸນ. ກອງປະຊຸມໄດ້ດຳເນີນມາເປັນເວລາໜື່ງຕອນດຽວກັນນັ້ນຈື່ງໄດ້ສີ້ນສຸດລົງຢ່າງຈົບງານ.

ບກ: ຄຳສາວ ເລືອງຄຳທິບ
ພາບ-ຂ່າວ: ແກ່ນຈັນ ຄຳມະນີວົງ

แชร์