ແຂ່ງຂັນກ໊ອບ ຄາຣສະເບີກ ຄລາສສິກ

 

 ວັນທີ 30 ມີນາ 2019 ບໍລິສັດເບຍລາວໄດ້ຈັດການແຂ່ງ ຂັນກີລາກ໊ອບລາຍການຄາຣສະ ເບີກກ໊ອບ ຄລາສສິກ 2019 ທີ່ສະໜາມກີລາກ໊ອບຊີເກມນະຄອນ ຫຼວງວຽງຈັນ ໂດຍການເຂົ້າຮ່ວມຂອງທ່ານ ມິເກລ ໂອເລີມານ ຜູ້ ອໍານວຍການດ້ານການຂາຍ ແລະ ການຈັດຈໍາໜ່າຍບໍລິສັດເບຍລາວ, ທ່ານ ວິກເຕີ ຊ໋ອງ ຜູ້ອໍານວຍຝ່າຍ ການຕະຫຼາດບໍລິສັດເບຍລາວ, ທ່ານ ຈັນສະໝອນ ຜອງຈັນທາ ຜູ້ຈັດການຕະຫຼາດບໍລິສັດເບຍລາວ ບັນດານັກກີລາກ໊ອບລະດັບມືອາ ຊີບ, ສະມັກຫຼິ້ນລວມທັງລາວຕ່າງປະເທດເຂົ້າຮ່ວມ.

  ການແຂ່ງຂັນກີລາກ໊ອບຄັ້ງນີ້ ມີສອງລາຍການຄື: ບໍ່ມີແຮນດີ ແຄັບ (Gross) ແລະມີແຮນດີແຄັບ (Handicap) ໂດຍຜະລິດ ຕະພັນເບຍຄາຣສະເບີກເປັນຜູ້ສະໜັບສະໜູນຂອງລາງວັນຕ່າງໆທີ່ຜ່ານມາກີລາດັ່ງກ່າວໄດ້ແຂ່ງຂັນກັນສໍາເລັດຫຼາຍໃນປະເທດມາເລເຊຍເປັນການແຂ່ງຕໍ່ເນື່ອງມາແຕ່ປີ 1988 ໂດຍມີຈຸດປະສົງເພື່ອພັດທະນາ ແລະເປັນການມອບປະສົບການດີໆໃຫ້ແກ່ນັກກີລາກ໊ອບທັງ ເປັນການແລກປ່ຽນປະສົບການ ແລະເສີມສ້າງຄວາມສາມັກຄີລະຫວ່າງນັກກີລາກ໊ອບລາວ ແລະ ຕ່າງປະເທດໃຫ້ມີຄວາມສາມາດ, ມີທັກສະໃຫ້ມີສີມືດີຂຶ້ນເລື້ອຍໆ.

ຜ່ານການແຂ່ງຂັນຜູ້ທີ່ຊະນະ ເລີດລາຍການບໍ່ມີແຮນດີແຄັບ (Gross) ໄດ້ແກ້ທ່ານ Choi Jong Sik ຄະແນນລວມ 74, ຮອງຊະນະເລີດອັນດັບໜຶ່ງທ່ານ ລັງສີ ອະ ຍະ ບັນດິດ ຄະແນນລວມ 75, ອັນດັບ 3 ທ່ານ ຄິດລັງ ສິນໄຊ ຄະແນນລວມ 76  ສຳລັບລາຍການ ມີແຮນດີແຄັບ (Handicap) ຜູ້ຊະນະເລີດໄດ້ແກ່ທ່ານ ສຸລະເພັດ ແກ້ວວຽງຄໍາ  ຮດຄ: 19 ຄະແນນ ລວມ 83 Net 64, ອັນດັບ 2 ທ່ານ ສາຍຄໍາ ສຸລິນທອນ ຮດຄ 22 ຄະແນນລວມ 87 Net 64, ອັນດັບ 3 ທ່ານ ສີພະໄຕ ພັນແພງ ດີຮດຄ ຄະແນນລວມ 81 Net 65 ນອກນີ້ຍັງມີລາງວັນພິເສດຄື: ລາງວັນຕີໃກ້ມີສອງລາງວັນ, ລາງວັນຕີໄກໜຶ່ງລາງວັນ, ລາງວັນ HOLE IN ONE ມີສອງລາງວັນ, ລາງວັນກິດຈະກຳຈັບສະຫຼາກໄດ້ໄປທ່ອງທ່ຽວທີ່ປະເທດເກົາຫຼີ ແລະລາງວັນອື່ນໆ  ຊຶ່ງລວມມູນຄ່າ ທັງໝົດ 200 ລ້ານກວ່າກີບ.

­

­¨­­ໂດຍ: ແພງຕາ

­

แชร์