ປະທານປະເທດ ຕ້ອນຮັບທູດຕ່າງປະເທດປະຈຳລາວ 15 ປະເທດ ເຂົ້າຢື່ນສານຕາຕັ້ງ

ໃນວັນທີ 10 ພະຈິກ 2022 ຢູ່ນະຄອນຫລວງວຽງຈັນ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບທູດບັນດາປະເທດເພື່ອນມິດເຂົ້າຍື່ນສານຕາຕັ້ງເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມຄົນໃໜ່ປະຈໍາ ສປປ ລາວ ຈຳນວນ 15 ປະເທດ ຕາມລໍາດັບດັ່ງນີ້:

ທ່ານ ທອງລຸນ ສີສຸລິດ ໄດ້ຕ້ອນຮັບ ທ່ານ ALEIANDRO NEGRIN MUNOZ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງສະຫະລັດ ເມັກຊິກ ປະຈຳ ສປປ ລາວ ຊຶ່ງມີສຳນັກງານສະຖານທູດຕັ້ງຢູ່ ຮ່າໂນ້ຍ, ສສ ຫວຽດນາມ; ທ່ານ ນາງ Colonne Appuhamillage Chaminda Lnoka Colonne, ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສີລັງກາ ປະຈຳ ສປປ ລາວ ຊຶ່ງມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ;

ທ່ານ Ahmed Ali A. J. AI-Tamimi, ເອກອັກຄະຣາຊະທູດ ວິສາມັນ ຜູ້ມີອໍານາດເຕັມ ແຫ່ງ ລັດກາຕາ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ; ທ່ານ Paolo DIONISI ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອີຕາລີ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກ ໄທ; ທ່ານ Abdelhamid BOUBAZINE ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອານເຊຣີ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ຮ່າໂນ້ຍ, ສສ ຫວຽດນາມ; ທ່ານ Yaron Mayer ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອິດສະຣາແອນ ປະຈຳ ສປປ ລາວ ມີສຳນັກງານສະຖານທູດຕັ້ງຢູ່ ຮ່າໂນ້ຍ, ສສ ຫວຽດນາມ; ທ່ານ ນາງ Hilde Solbakken, ເອກອັກຄະຣາຊະທູດ ວິສາມັນ ຜູ້ມີອໍານາດເຕັມ ແຫ່ງ ຣາຊະອານາຈັກ ນອກແວ ປະຈຳ ສປປ ລາວ ມີສຳນັກງານສະຖານທູດຕັ້ງຢູ່ ຮ່າໂນ້ຍ, ສສ ຫວຽດ ນາມ; ທ່ານ Mohammed Jina, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສ ມານດິວ ປະຈຳ ສປປ ລາວ ຄົນໃໝ່ ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ; ທ່ານ

Felipe DE LA MORENA CASADO,ເອກອັກຄະຣາຊະທູດ ວິສາມັນ ຜູ້ມີອໍານາດເຕັມແຫ່ງ ຣາຊະອານາຈັກ ແອັດສະປາຍ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກ ໄທ; ທ່ານ Seyed Reza Nobakhti, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອີຣານ ປະຈຳ ສປປ ລາວ ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ; ທ່ານ Patrick Hemmer, ເອກອັກຄະຣາຊະທູດ ວິສາມັນ ຜູ້ມີອໍານາດເຕັມ ແຫ່ງ ຣາຊະອານາຈັກລູກຊຳບວກ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ; ທ່ານ ນາງ Muna Abbas Mahmood Radhi,ເອກອັກຄະຣາຊະທູດ ວິສາມັນຜູ້ມີອຳນາດເຕັມ ແຫ່ງຣາຊະອານາຈັກ ບາເຣນ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ບາງກອກ, ຣາຊະອານາຈັກໄທ;ທ່ານ ນາງ Sibille de Cartier d Yves,ເອກອັກຄະຣາຊະທູດ ວິສາມັນ ຜູ້ມີອໍານາດເຕັມ ແຫ່ງຣາຊະອານາຈັກ ແບນຊິກ ປະຈຳ ສປປ ລາວ ມີສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ; ທ່ານ ນາງ ຕາເຕຍນາ ໂຈເຊຟີນາ ປັກໂມລິໂນ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ເວເນຊູເອລາ ປະຈຳ ສປປ ລາວ, ມີສຳນັກງານສະຖານທູດຕັ້ງຢູ່ ຮ່າໂນ້ຍ, ສສ ຫວຽດນາມ; ທ່ານ Wihelm Maximiliam DONKO, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງສາທາລະນະລັດ ໂອຕຣິດ ປະຈຳ ສປປ ລາວ, ສຳນັກງານສະຖານທູດຕັ້ງຢູ່ ບາງກອກ, ຣາຊະອານາຈັກໄທ.

ໃນໂອກາດນີ້, ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບ ແລະຕີລາຄາສູງຕໍ່ບັນດາທູດທີ່ໄດ້ຖືກແຕ່ງຕັ້ງມາດໍາລົງຕໍາແໜ່ງເປັນເອກອັກຄະລັດຖະທູດປະຈໍາຢູ່ສາທາລະນະລັດ ປະຊາທິປະໄຕ ປະຊາຊົນລາວ ໃນຄັ້ງນີ້,ພ້ອມທັງສະແດງຄວາມຫວັງວ່າໃນຕະຫລອດໄລຍະການປະຕິບັດໜ້າທີ່ການທູດຢູ່ລາວບັນດາທູດຈະປະກອບສ່ວນເສີມສ້າງສາຍພົວພັນ ແລະ ການຮ່ວມມືທີ່ມີມາແລ້ວ ໃຫ້ນັບມື້ຂະຫຍາຍຕົວຂຶ້ນເລື້ອຍໆ, ລັດຖະບານລາວພ້ອມໃຫ້ການຮ່ວມມື ແລະອໍານວຍຄວາມສະດວກໃນການປະຕິບັດໜ້າທີ່ໃຫ້ປະສົບຜົນສໍາເລັດເພື່ອເພີ່ມພູນຄູນສ້າງສາຍພົວພັນ ແລະການຮ່ວມມືລະຫວ່າງປະເທດທີ່ມີມາແຕ່ດົນນານແລ້ວໃຫ້ແໜ້ນແຟ້ນຍິ່ງຂຶ້ນ.
ຂ່າວ: ກິດຕາ
ຮູບ: ຂັນໄຊ

แชร์