2 ພາກສ່ວນ ມອບເງິນຊ່ວຍເຫຼືອນ້ອງນັກຮຽນ ແລະປະຊາຊົນຜູ້ທຸກຍາກສອງແຂວງພາກເໜືອ

ທ່ານ ບຸນມີ ຫຼ່ຽມໄຊຍະຈັກ ປະທານສະໂມສອນຟຸດຊໍ ເບ ປີ້ງແບ້ ສະຫວັນ ມອບເງິນ 5 ລ້ານກີບ ແລະທ່ານ ໄພລະຄອນ ບຸນວິຊຽນ ເຈົ້າຂອງຮ້ານຂາຍເຄື່ອງກິລາ ຍີ່ຫໍ້ ໄອ-ສະປອດ ມອບເງິນ 1 ລ້ານກີບ ໃຫ້ແກ່ສະຫະພັນກິລາແລ່ນ-ລານຄົນພິການແຫ່ງຊາດລາວ ແລະຈິດອາສາສະມາຄົມມັງກອນທອງທີ່ຮ່ວມມືກັບຄອບຄົວຢາທໍ່ຕູ້, ກະຊວງສຶກສາທິການ ແລະກິລາ ຫຼື ສສກ, ສູນກາງແນວລາວສ້າງຊາດນຳໄປຊ່ວຍເຫຼືອໃຫ້ນ້ອງນ້ອຍນັກຮຽນ,ພໍ່ແມ່ປະຊາຊົນບັນດາເຜົ່າທີ່ຢູ່ຫ່າງໄກສອກຫຼີກຈາກສອງແຂວງເຂດພາກເໜືອຄືແຂວງຊຽງຂວາງ ແລະແຂວງຫົວພັນ ພາຍໃຕ້ໂຄງການ “ຮ່ວມໃຈຊ່ວຍເຫຼືອຕ້ານໄພໜາວ ປະຈຳປີ 2022”.

ພິທີມອບ-ຮັບເງິນຊຸກຍູ້ໃນຄັ້ງນີ້ໄດ້ມີຂຶ້ນເມື່ອວັນທີ 6 ພະຈິກຜ່ານມາທີ່ຮ້ານບັນເທີງຟິນິກ (ຫຼັກ3) ເມືອງສີສັດຕະນາກ ນະຄອນຫຼວງວຽງຈັນ, ເປັນການກ່າວຂອງ ທ່ານ ບຸນມີ ຫຼ່ຽມໄຊຍະຈັກ ປະທານສະໂມສອນກິລາຟຸດຊໍ ເບ ປີ້ງແບ້ ສະຫວັນ ແລະກ່າວຮັບແມ່ນທ່ານ ວັດທະນາໄຊ ລາດສະວົງສິງ ປະທານສະຫະພັນກິລາແລ່ນ-ລານຄົນພິການແຫ່ງຊາດລາວ, ມີບັນດາສະມາຊິກ ແລະພະນັກງານທັງສອງພາກສ່ວນເຂົ້າຮ່ວມເປັນສັກຂີພິຍານ.

ສຳລັບໂຄງການ “ຮ່ວມໃຈຊ່ວຍເຫຼືອຕ້ານໄພໜາວ ປະຈຳປີ 2022” ໂດຍເປັນການຮ່ວມມືກັນລະຫວ່າງສະຫະພັນກິລາແລ່ນ-ລານຄົນພິການແຫ່ງຊາດລາວ ແລະ ຈິດອາສາສະມາຄົມ ມັງກອນທອງ, ຄອບຄົວຢາທໍ່ຕູ້, ກະຊວງສຶກສາທິການ ແລະ ກິລາ, ສູນກາງແນວລາວສ້າງຊາດເພື່ອຊ່ວຍເຫຼືອນ້ອງນ້ອຍນັກຮຽນທີ່ຄອບຄົວທຸຍາກ ຢູ່ໂຮງຮຽນ ມສ ຕູ້ຢາ ເມືອງໜອງແຮດ ແຂວງຊຽງຂວາງ ແລະ ມສ ເມືອງຊືມ, ມສ ເມືອງແອດ, ມສ ເມືອງຫົວເມືອງ ແຂວງຫົວພັນ ຊຶ່ງການເດີນທາງໄປຊ່ວຍເຫຼືອໃນຄັ້ງນີ້ແມ່ນລະຫວ່າງວັນທີ 8-19 ພະຈິກ 2022 ຈຶ່ງຈະສໍາເລັດ.

ການເຄື່ອນໄຫວໄປຊ່ວຍເຫຼືອຫຼານນ້ອຍນັກຮຽນ ແລະພໍ່ແມ່ປະຊາຊົນສອງແຂວງພາກເໜືອໃນຄັ້ງນີ້ກໍຈະໄດ້ມີການຕິດຕາມ ແລະເກັບກຳຂໍ້ມູນການປຸກສ້າງຫໍພັກຄູ-ອາຈານ ແລະ ນັກຮຽນ ແລະ ມອບອຸປະກອນການຮຽນ, ອາຫານ ແລະ ເຄື່ອງກັນໜາວຈຳນວນໜຶ່ງໃຫ້ນັກຮຽນ ມສ ເມືອງຊືມ ແລະ ມສ ເມືອງແອດ ສະຖານທີ່ຫ້ອງການສຶກສາທິການ ແລະ ກິລາເມືອງ ຫຼື ສກມ ແອດ. ຫຼັງນັ້ນ, ກໍໄດ້ເຮັດວຽກກັບຄະນະຮັບຜິດຊອບວຽກງານ 3 ສ້າງຂອງພະແນກສຶກສາທິການ ແລະ ກິລາແຂວງ ເພື່ອຕິດຕາມ, ຊຸກຍູ້ການຈັດຕັ້ງປະຕິບັດໂຄງການຍົກສູງຄຸນນະພາບການສຶກສາ ແລະ ກິລາ, ການຈັດຕັ້ງປະຕິບັດ ແລະປະເມີນມາດຕະຖານ 3 ສ້າງ ຂອງຂະແໜງການສຶກສາ ແລະກິລາ, ສືບຕໍ່ເຮັດວຽກກັບຄະນະຮັບຜິດຊອບວຽກງານ 3 ສ້າງຂອງພະແນກສຶກສາທິການ ແລະກິລາແຂວງ ເພື່ອຕິດຕາມ, ຊຸກຍູ້ການຈັດຕັ້ງປະຕິບັດໂຄງການຍົກສູງຄຸນນພາບການສຶກສາ ແລະ ກິລາ, ການຈັດຕັ້ງປະຕິບັດ ແລະ ປະເມີນມາດຕະຖານ 3 ສ້າງ ຂອງຂະແໜງການສຶກສາ ແລະກິລາ ກ່ອນຈະເດີນທາງໄປເມືອງຫົວເມືອງເພື່ອຕິດຕາມ ແລະຊຸກຍູ້ພະນັກງານລົງກໍ່ສ້າງຮາກຖານຂັ້ນເມືອງ ແລະກຸ່ມໂຮງຮຽນ, ຊຸກຍູ້ການຈັດການຮຽນການສອນພາຍຫຼັງໄຂສົກຮຽນໃໝ່ ແລະ ມອບເຄື່ອງອຸປະກອນການຮຽນ, ອາຫານ ແລະເຄື່ອງກັນໜາວຈຳນວນໜຶ່ງຈາກນັ້ນກໍເດີນທາງໄປເມືອງວຽງໄຊເພື່ອຢ້ຽມຢາມຖໍ້າຜູ້ນໍາ ແລະຢ້ຽມຢາມສ່ວນສະກຸຣະລາວ-ຍີ່ປຸ່ນ ກ່ອນເດີນທາງກັບນະຄອນຫຼວງວຽງຈັນ.

แชร์