ສຳຫຼວດແຫຼ່ງທ່ອງທ່ຽວນ້ຳຕົກຕາດ ຫ້ວຍລະລາບ ເມືອງນອງ

ເພື່ອເປັນການຫ້າງຫາກະກຽມໃນການຕ້ອນຮັບນັກທ່ອງທ່ຽວທີ່ຈະໄປທ່ຽວຊົນໃນຊ່ວງປີໃໝ່ລາວປີນີ້ດັ່ງນັ້ນ, ມາໃນວັນທີ 22 ມີນາ 2019, ທາງຄະນະຫ້ອງການຖະ ແຫຼງຂ່າວ, ວັດທະນະທໍາ ແລະທ່ອງ ທ່ຽວເມືອງນອງພ້ອມດ້ວຍຄະນະໂດຍສົມທົບກັບຫົວໜ້າຈຸດສຸມແດນວິໄລ ແລະອໍານາດການປົກຄອງບ້ານໂອຍຕານຕີບໄດ້ລົງສໍາຫຼວດນໍ້າຕົກຕາດຫ້ວຍລະລາບເພື່ອກຳນົດເຂດແດນບໍ່ໃຫ້ບຸກຄົນ, ນິຕິບຸກຄົນ, ບໍລິສັດມາຈັບຈອງເປັນເຈົ້າຂອງສ່ວນຕົວພ້ອມນີ້, ກໍ່ໄດ້ມີການປຶກສາຫາລືໃນວຽກງານທີ່ກ່ຽວຂ້ອງຮ່ວມກັນໃນນີ້ໄດ້ເຫັນດີໃຫ້ສະຫງວນເຂດແດນແຄມຫ້ວຍລະລາບເບື້ອງລະ100 ແມັດ, ໄລຍະທາງແຕ່ເທິງ ຕາດ ແລະລຸ່ມຕາດເບື້ອງລະ 2 ພັນ ແມັດ ທັງນີ້ກໍ່ເພື່ອຮັກສາຄວາມຊຸ່ມຊື່ນໃຫ້ມີນໍ້າໄຫຼຕະຫຼອດປີຄາດວ່າໃນປີຂ້າງໜ້ານໍ້າຕົກຕາດຫ້ວຍລະ ລາບຢູ່ບ້ານໂອ໋ຍ-ຕານຕີບ ເມືອງ ນອງ ຈະມີນັກທ່ອງທ່ຽວເຂົ້າມາທ່ຽວຊົມເປັນຈຳນວນຫຼວງຫຼາຍ ຢ່າງແນ່ນອນເພາະເປັນນໍ້າຕົກທີ່ສວຍສົດງົດງາມເພາະມີຄວາມສູງ ປະມານ 40 ກວ່າແມັດ, ມີ 7 ຊັ້ນ, ມີນ້ຳໄຫຼຕະຫຼອດປີເໝາະສໍາລັບການໄປພັກຜ່ອນຢ່ອນກາຍອາບນໍ້າໃສເຢັນ, ທ່ຽວຊົມທໍາມະຊາດທີ່ສວຍສົດງົດງາມ, ຊຶ່ງຕາດນີ້ຫ່າງ ຈາກເສັ້ນທາງບ້ານດົງ ເມືອງນອງນັບແຕ່ບ້ານນາລົງ ເກົ່າໄປທາງຈຸດສຸມແດນວິໄລເຖິງຕາດຫ້ວຍລະລາບດ້ວຍໄລຍະທາງ 32 ກິໂລແມັດ. 

­

­ 

• 03/04/2019