ເຊັນສັນຍາສຳຫລວດແຮ່ທາດຢູ່ແຂວງຫົວພັນ

ວັນທີ 2 ພະຈິກ 2022 ຢູ່ທີ່ຫ້ອງປະຊຸມຂອງກະຊວງແຜນການ ແລະການລົງທືນໄດ້ມີພິທີເຊັນສັນຍາສຳຫລວດ ແຮ່ທອງແດງ ແຮ່ຄຳ ແຮ່ເງີນ ແຮ່ເຫຼັກ ແລະແຮ່ສັ່ງກະສີ ແຂວງຫົວພັນໃນເນື້ອທີ່ 34,36 ກມ 2 ລະຫວ່າງ ລັດຖະບານແຫ່ງ ສປປ ລາວ ກັບ ບໍລິສັດ ນິກສັນ ພັດທະນາບໍ່ແຮ່ ຈຳກັດຜູ້ດຽວ ໃຫ້ກຽດເຂົ້າຮ່ວມທ່ານ ວັນໄຊ ແພງຊຸມມາ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຫົວພັນ, ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ລັດຖະມົນຕີກະຊວງແຜນການ ແລະລົງທືນ. ທ່ານ ນາງ ຈັນສະຫວາດ ບຸກຜາ ຮອງລັດຖະມົນຕີກະຊວງພະຫລັງງານ, ຫົວຫນ້າກົມ, ຫົວໜ້າຫ້ອງການ, ກະຊວງທີ່ກ້ຽວຂ້ອງ.

ທ່ານ ນິກສັນ ພົມມະວິຈິດ ປະທານກຸ່ມບໍລິສັດ ນິກສັນ ພັດທະນາບໍ່ແຮ່ ຈຳກັດຜູ້ດຽວ ໄດ້ລາຍງານຫຍໍ້ສະພາບຂອງໂຄງການສຳຫລວດ ແຮ່ທອງແດງ ແຮ່ຄຳ ແຮ່ເງີນ ແຮເຫຼັກແລະ ແຮ່ສັງກະສີ ບ້ານຖໍ້າລາໃຕ້ ບ້ານຖຳເຫນືອ ແລະບ້ານນາກູດ ເມືອງຮ້ຽມ ແຂວງຫົວພັນໃນເນື້ອທີ່ 34,36 ກມ 2 ພ້ອດຽວກັນນັ້ນ ບໍລິສັດ ນິກສັນ ຍັງມີສ່ວນຮ່ວມໃນການພັດທະນາ ທາງດ້ານພື້ນຖານໂຄງລ່າງ ຂອງພໍ່ແມ່ປະຊາຊົນໃນເຂດດັ່ງກ່າວໃຫ້ມີວຽກເຮັດງານທຳເພື່ອເປັນການປະຕິບັດຕາມແນວທາງນະໂຍບາຍຂອງລັດຖະບານວາລະແຫ່ງຊາດ, ເປັນການຊຸກຍູ້ເສດຖະກິດແຫ່ງຊາດໃຫ້ມີການຂະຫຍາຍຕົວສ້າງລາຍຮັບໃຫ້ລັດຖະບານ ແລະເພື່ອເປັນການສົ່ງເສີມໃຫ້ປະຊາຊົນລຸດພົ້ນຈາກຄວາມທຸກຍາກ.

แชร์