ປີນີ້ໝູ່ບ້ານເຮືອນລາວ ເນັ້ນຫຼາຍກິດຈະກຳພ້ອມຕົບເເຕ່ງມີສີສັນດຶງດູດນັກທ່ອງທ່ຽວ

ໝູ່ບ້ານເຮືອນລາວຖືເປັນກິດຈະກຳໜຶ່ງທີ່ສຳຄັນທີ່ຄ່ຽງຄູ່ຮັກສາວັດທະນະທຳໃນບຸນນະມັດສະການພະທາດຫຼວງຊຶ່ງປີນີ້ຜູ້ສຳປະທານເພິ່ນເນັ້ນໃຫ້ມີຫຼາຍກິດຈະກຳພ້ອມຕົບແຕ່ງໃຫ້ມີສີສັນແບບໃໝ່ ເພື່ອດຶງດູດນັກທ່ອງທ່ຽວພາຍໃນ ແລະຕ່າງປະເທດເຂົ້າມາທ່ຽວໃຫ້ມີຫຼາຍກິດຈະກຳທ່ຽວມ່ວນຊື່ນ.

ທ່ານ ນາງ ຈັນນະພາ ວົງສະໝໍຣະພູມ ປະທານບໍລິສັດ ຊີເອນພີ ໄດ້ໃຫ້ສຳພາດຕໍ່ສື່ມວນຊົນກ່ຽວກັບຄວາມກຽມພ້ອມຂອງໝູ່ບ້ານເຮືອນລາວສຳລັບພໍ່ແມ່ປະຊາຊົນທີ່ຈະໄປທ່ຽວຊົມງານບຸນນະມັດສະການພະທາດຫລວງວຽງຈັນ ປີ 2020 ນີ້ວ່າ: ໃນບຸນນະມັດສະການພະທາດຫລວງ ບໍລິສັດ ຊີເອນພີ ໄດ້ມີໂອກາດໃນການຮ່ວມຈັດງານຮີດຄອງປະເພນີບຸນນະມັດສະການພະທາດຫລວງວຽງຈັນເຊິ່ງເປັນການປະກອບສ່ວນໃນການອະນຸລັກວັດທະນະທຳລາວຢູ່ໃນໝູ່ບ້ານເຮືອນລາວນີ້.

ສຳລັບກິດຈະກຳພາຍໃນໝູ່ບ້ານເຮືອນລາວມີບໍລິການອາຫານເປັນຕົ້ນເຂົ້າປຸ້ນ, ມີການຫລີ້ນດົນຕີພື້ນເມືອງ, ມີການຕົບແຕ່ງແບບເຮືອນລາວແບບບູຮານຂອງບັນດາເຜົ່າເຄື່ອງຫັດຖະກຳຈັດສານທີ່ເປັນວັດທະນະທຳຂອງລາວ, ຕ່າງໆ ເພື່ອໃຫ້ພໍ່ແມ່ປະຊົນໄດ້ນຸ່ງຊຸດພື້ນເມືອງລາວເຂົ້າຖ່າຍຮູບ, ພ້ອມນີ້ຍັງມີບໍລິການຊຸດພື້ນເມືອງໃຫ້ເຊົ່ານຳອີກ. ສຳລັບລາຄາເຂົ້າໄປຢ້ຽມຊົມແມ່ນ 10 ພັນກີບຕໍ່ໜຶ່ງຄົນ.

• 03/11/2022