ພິທີເປີດລາຍການໂທລະພາບ “ເຮືອນຂອງຂ້ອຍ“ ພາກທີ 3

ກະຊວງສຶກສາທິການ ແລະກິລາ, ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ, ແລະ ອົງການຢູນີເຊັບ, ຄຽງຄູ່ກັບສະຫະພາບເອີຣົບ, ກອງທຶນຮ່ວມມືສາກົນ ເພື່ອການສຶກສາ (GPE) ແລະອົງການພັດທະນາສາກົນຂອງປະເທດສະຫະລັດອາເມລິກາ ( USAID), ໄດ້ມີພິທີເປີດລາຍການໂທລະພາບ "ເຮືອນຂອງຂ້ອຍ" ພາກທີ 3 ໃນວັນທີ 28 ຕຸລາຜ່ານມາທີ່ນະຄອນຫຼວງວຽງຈັນ, ຊຶ່ງເປັນລາຍການໂທລະພາບທີ່ກ່ຽວພັນເຖິງການສຶກສາ ແລະໃກ້ຄວາມມ່ວນຊື່ນ, ເປັນທີ່ນີຍົມຊົມຊອບແລະເໝະສົມສຳລັບການພັດທະນາໄວເດັກໃນເຍົາໄວ. ລາຍການໂທລະພາບນີ້ມີຈຸດປະສົງເພື່ອສົ່ງເສີມການພັດທະນາທາງດ້ານຮ່າງກາຍ, ສະຕິປັນຍາ, ສັງຄົມ ແລະອາລົມຈິດຂອງເດັກນ້ອຍລາວ. ໂດຍມີທ່ານ ສຸລິອຸດົງ ສູນດາລາ ຮອງລັດຖະມົນຕີກະຊວງສຶກສາທິການ ແລະກິລາ, ທ່ານ ເຄວິນ ສະມິດ, ຜູ້ອໍານວຍການຫ້ອງການໂຄງການອົງການພັດທະນາສາກົນຂອງປະເທດສະຫະລັດອາເມລິກາ USAID ໃນລາວທ່ານ ອາຕູໂຣ ໂຣມບູລີ, ຜູ້ຕາງໜ້າອົງການ ຢູນີເຊບ ປະຈຳ ສປປ ລາວ (UNICEF) ພ້ອມດ້ວຍພາກສວ່ນກ່ຽວຂ້ອງເຂົ້າຮ່ວມ.

ໂອກາດນີ້, ທ່ານ ສຸລິອຸດົງ ສູນດາລາກ່າວວ່າ: "ເມື່ອເດັກກັບຄືນໄປໂຮງຮຽນຫຼັງຈາກການລະບາດຂອງພະຍາດໂຄວິດ 19 ແລ້ວ, ພວກເຮົາຈໍາເປັນຕ້ອງໄດ້ສຸມທຸກຄວາມພະຍາຍາມຂອງຕົນຢ່າງເຕັມທີໃນການຟື້ນຟູການຮຽນຮູ້ທີ່ຂອງເດັກນ້ອຍລາວ. ເປັນຄວາມຫວັງຂອງພວກເຮົາທີ່ລາຍການໂທລະທັດ "ເຮືອນຂອງຂ້ອຍ" ຈະປະກອບສ່ວນເຂົ້າໃນວຽກງານນີ້ ແລະຊ່ວຍໃຫ້ນັກຮຽນສາມາດຕາມທັນໃນການຮຽນຮູ້ທີ່ໄດ້ສູນເສຍໄປ.

ທ່ານ ເຄວິນ ສະມິດ ກ່າວວ່າ: “ອົງການ USAID ມີຄວາມຍິນດີທີ່ເຫັນວ່າລາຍການໂທລະພາບ "ເຮືອນຂອງຂ້ອຍ" ພາກ 3 ມີຜົນງານດີເດັ່ນ. ພວກເຮົາພູມໃຈທີ່ໄດ້ຮ່ວມມືກັບລັດຖະບານລາວເພື່ອໃຫ້ເດັກນ້ອຍລາວມີທັກສະພື້ນຖານທີ່ຈຳເປັນແກ່ການຈະເລີນເຕີບໂຕຂອງເຂົາເຈົ້າ.

ທ່ານ ນາງ ອີນາ ມາກຊີອູລີໂອນີເຕ , ເອກອັກຄະລັດຖະທູດສະຫະພາບເອີຣົບ ປະຈຳ ສປປ ລາວ, ທີ່ກ່າວຜ່ານວີດີໂອວ່າ: ການສຶກສາແມ່ນບຸລິມະສິດສຳຄັນສຳລັບການສະໜັບສະໜູນຂອງສະຫະພາບເອີຣົບຕໍ່ ສປປ ລາວ. ສໍາລັບພວກເຮົາແລ້ວ, ການສຶກສາບໍ່ພຽງແຕ່ເປັນການຮຽນຮູ້ເທົ່ານັ້ນ, ແຕ່ຍັງເປັນການພັດທະນາແບບຮອບດ້ານຂອງເດັກອີກດ້ວຍເພື່ອຮັບປະກັນວ່າພວກເຂົາມີສຸຂະພາບແຂງແຮງດີ, ໄດ້ຮັບຄວາມຮັກ ແລະການລ້ຽງດູທີ່ດີ. “ເຮືອນຂອງຂ້ອຍ“ ຊ່ວຍຮັບປະກັນໃຫ້ເດັກໄດ້ຮັບການລ້ຽງດູ ແລະໄດ້ກຽມຄວາມພ້ອມເພື່ອເຂົ້າໂຮງຮຽນ.

ທ່ານອາຣ໌ຕູໂຣ ໂຣມບູລີ, ກ່າວວ່າ: ຈຸດສຸມຕົ້ນຕໍຂອງ ເຮືອນຂອງຂ້ອຍ“ພາກທີ 3 ແມ່ນເພື່ອສະໜອງຂໍ້ມູນໃຫ້ແກ່ພໍ່ແມ່ເພື່ອສ້າງສະພາບແວດລ້ອມການລ້ຽງດູລູກຂອງຕົນ". ທ່ານກ່າວຕື່ມວ່າ "ຂ້າພະເຈົ້າຂໍຮຽກຮ້ອງໃຫ້ພໍ່ແມ່ຜູ້ປົກຄອງເບິ່ງລາຍການໂທລະພາບຮ່ວມກັບລູກຂອງຕົນ ແລະສືບຕໍ່ຊຸກຍູ້ສົ່ງເສີມຢ່າງຫ້າວຫັນໃນການຮຽນຮູ້ ແລະການພັດທະນາຂອງລູກນ້ອຍຂອງຕົນ. ນອກຈາກລາຍການໂທລະພາບແລ້ວ,ຍັງຈະສ້າງປຶ້ມນິທານທີ່ອີງໃສ່ “ເຮືອນຂອງຂ້ອຍ“ ພາກທີ່ 3 ອີກດ້ວຍ.ເຮືອນຂອງຂ້ອຍ“ ທີ່ 3 ຈະອອກອາກາດຜ່ານໂທລະພາບແຫ່ງຊາດລາວ ຊ່ອງ 3, ຊ່ອງລາວສະຕາຣ໌, ແລະETV ຂອງກະຊວງສຶກສາທິການ ແລະກິລາ (LAOSAT ຊ່ອງ .

ຂ່າວ:ອົງການຢູນິເຊັບ

แชร์