ບໍລິສັດ ຈັດໃຫ້ ເນັ້ນຄຸນນະພາບໃນວຽກງານການບໍລິຫານແກ່ສັງຄົມ

ບໍລິສັດຈັດໃຫ້ຈຳກັດຜູ້ດຽວ ເປັນບໍລິສັດໜຶ່ງທີ່ເຫັນຄວາມສຳຄັນໃນວຽກງານການພັດທະນາບຸກຄະລາກອນບຸກຄົນກໍ່ຄືວຽກງານດ້ານການບໍລິການ ແລະການພັດທະນາບຸກຄະລິກກະພາບຊຶ່ງເປັນຫົວໃຈຫລັກຂອງການບໍລິການທີ່ບໍລິສັດຈັດໃຫ້ຈະປະກອບສ່ວນໃຫ້ກັບແຕ່ລະອົງກອນເພື່ອເຮັດໃຫ້ອົງກອນ ຫຼືບໍລິສັດນັ້ນໆສາມາດສ້າງຄວາມ ປະທັບໃຈ ແລະຄຸນນະພາບທີ່ດີຂອງບໍລິສັດໃນວຽກງານການບໍລິການແກ່ສັງຄົມ.

ທ່ານ ນາງ ວາລາລັກ ວິລະນາມ ປະທານບໍລິສັດ ຈັດໃຫ້ ຈຳກັດຜູ້ດຽວໃຫ້ຮູ້ວ່າ: ສຳລັບແນວຄວາມຄິດຂອງການສ້າງຕັ້ງບໍລິສັດນີ້ຂຶ້ນມາເພື່ອໃຫ້ບໍລິການແກ່ສັງຄົມນີ້ກໍ່ຍ້ອນເຫັນວ່າປະເທດຂອງພວກເຮົາກຳລັງມີການພັດທະນາຂຶ້ນ, ບັນດາຕ່າງຊາດກໍ່ໃຫ້ຄວາມສົນໃຈຫຼາຍບໍ່ສະເພາະແຕ່ມາທ່ອງທ່ຽວຍັງມາລົງທຶນຄ້າຂາຍ ແລະອື່ນໆ, ແນນ່ອນວ່າເຮົາໃນນາມເຈົ້າພາບເມື່ອເວົ້າເຖິງຂອດຂອງການບໍລິການແລ້ວແມ່ນຍັງຫ່າງໄກກັບປະເທດທີ່ເຂົາເຈົ້າມີຄວາມຈະເລີນ, ດັ່ງນັ້ນຈະເຮັດແນວໃດໃຫ້ຂອດຂອງການບໍລິການພາຍໃນປະເທດຂອງພວກເຮົາຍັບໃກ້ກັບສາກົນ ຫຼືເທົ່າທຽມສາກົນ ແລະສ້າງຄວາມປະທັບ ໃຈແກ່ລູກຄ້າໃນຕໍ່ໜ້າ, ຊຶ່ງສິ່ງນີ້ຖືເປັນຫົວໃຈຫຼັກຂອງບໍລິສັດ ຈັດໃຫ້ທີ່ຢາກປັບສັກກະຍາພາບ ແກ່ພະນັກງານບໍລິການຂອງບັນດາບໍລິສັດທີ່ໃຫ້ບໍລິການມີຄຸນນະພາບສູງຂຶ້ນ.

ທ່ານ ນາງ ວາລາລັກ ວິລະນາມ  ປະທານບໍລິສັດ ຈັດໃຫ້ ຈຳກັດ ຜູ້ດຽວໃຫ້ຮູ້ວ່າ: ໃນການໃຫ້ບໍລິການຈັດຝຶກອົບຮົມຂອງບໍລິສັດດັ່ງກ່າວ, ແມ່ນເຫັນໄດ້ຄວາມສຳຄັນຂອງການພັດທະນາບຸກຄະລາກອນດ້ານການບໍລິການ, ຂະນະທີ່ບໍລິສັດໂອໂຕລາວ ທີ່ຮູ້ກັນດີສຳຫຼັບລົດເບ້ນ, ທ່ານ ອາໂນລັກ ທຳມະວົງ ຜູ້ອຳນວຍການຝ່າຍຂາຍຂອງບໍລິສັດໄດ້ບອກວ່າ: ຍາມໃດບໍລິສັດກໍ່ເຫັນຄວາມສຳຄັນຂອງວຽກງານການພັດທະນາບຸກຄະລາກອນເພື່ອເຮັດໃຫ້ການບໍລິການທີ່ມີຢູ່ກ້າວໄກທັນກັບສາກົນເທື່ອລະກ້າວ ແລະສິ່ງສຳຄັນແມ່ນການບໍລິການທີ່ປະທັບໃຈແກ່ລູກຄ້າໃນຕໍ່ໜ້າ, ດັ່ງນັ້ນໂອໂຕລາວຈຶ່ງໄດ້ຮ່ວມມືກັບບໍລິສັດ ຈັດໃຫ້ ຈຳກັດ ນີ້ຈັດຊຸດຝຶກອົບໃຫ້ກັບພະນັກງານຂອງບໍລິສັດເປັນເວລາ 4 ວັນດ້ວຍກັນ ແລະປະຈຸບັນ ແມ່ນໄດ້ດຳເນີນການແລ້ວ.

ທ່ານ ອາໂນລັກ ທໍາມະວົງ ຜູ້ອໍານວຍການຝ່າຍຂາຍບໍລິສັດ ໂອໂຕລາວ ໃຫ້ຮູ້ວ່າ: ໃນທາງວິທະຍາກອນຂອງບໍລິສັດຈັດໃຫ້ ຈໍາກັດຜູ້ດຽວ  ໄດ້ກ່າວວ່າ: ການລົງມາຝຶກອົບຮົມໃຫ້ກັບບຸກຄະລາກອນຂອງບໍລິສັດໂອໂຕລາວນີ້ຖືເປັນການຝຶກຮູບແບບໃໝ່ ແລະເປັນຄັ້ງທໍາອິດທີ່ໄດ້ຮ່ວມມືກັນກໍ່ວ່າໄດ້, ສຳລັບຫຼັກສູດຂອງການຈັດຊຸດຝຶກອົບຮົມຂອງບໍລິສັດຈັດໃຫ້ແມ່ນຈະມີຄວາມແຕກຕ່າງກັນໄປແລ້ວແຕ່ວ່າອົງກອນນັ້ນໆຕ້ອງການຢາກປັບປຸງ ຫຼືພັດທະນາຂອດການບໍລິການດ້ານໃດເພີ່ມເຕີມເພື່ອເຮັດໃຫ້ການບໍລິການມີຄຸນນະພາບ, ຝຶກອົບຮົມແລ້ວສາມາດນຳໄປໃຊ້ໄດ້, ໂດຍທີມງານຄູຝຶກທີ່ມີຄວາມຊຳນານສະເພາະດ້ານ ແລະພາຍຫຼັງສຳເລັດແລ້ວ, ບໍລິສັດຍັງມີການຕິດຕາມປະເມີນ ຜົນເພີ່ມຕື່ມເພື່ອໃຫ້ຮູ້ວ່າຮຽນຮູ້ແລ້ວມີການປ່ຽນແປງໃນທາງທີ່ດີຂຶ້ນ ຫຼືບໍ່ ແລະຍັງຕ້ອງປັບປຸງຈຸດໃດເພີ່ມຕື່ມ ຫຼືບໍ່ ທ່ານ ສະທິດ ຜົນທິບວິທະຍາກອນບໍລິສັດຈັດ ໃຫ້ຈໍາກັດພ້ອມກັນນີ້, ທ່ານຮອງ ປະທານບໍລິສັດ ຈັດໃຫ້ ຈໍາກັດ ຜູ້ດຽວກໍ່ໄດ້ກ່າວວ່າ: ການຝຶກການຮຽນການສອນຄັ້ງນີ້ແມ່ນໄດ້ເນັ້ນນໍາໃຊ້ທິດສະດີຄຽງຄູ່ກັບ ການປະຕິບັດຕົວຈິງໄປພ້ອມ, ເພື່ອໃຫ້ນັກສໍາມະນາກອນມີຄວາມ ສົນໃຈໃນການຮຽນຮູ້ຫຼາຍຂຶ້ນ ແລະຫຼັກສູດທີ່ນໍາມາຝຶກອົບຮົມແມ່ນໄດ້ເລືອກເຟັ້ນໃຫ້ແທດເໝາະ ກັບອົງກອນ, ດ້ວຍຄູຝຶກທີ່ມີປະສົບການຫຼາຍກວ່າ 10 ປີ.

ທ່ານ ມີໄຊ ສຸກລັດສະໝີ ຮອງປະທານບໍລິສັດ ຈັດໃຫ້ ຈໍາກັດ ຜູ້ດຽວບໍລິສັດ ຈັດໃຫ້ ຈຳກັດຜູ້ດຽວ ເປັນບໍລິສັດທີ່ໃຫ້ການບໍລິການທາງດ້ານວິທະຍາກອນ, ດ້ານການພັດທະນາບຸກຄະລິກກະພາບ, ດ້ານການຮຽນຮູ້ເດີນແບບລວມໄປເຖິງບໍລິການດ້ານການຈັດງານກິດຈະກໍາ ແລະງານອີເວັ້ນຕ່າງໆ.

ຂ່າວ: ບຸນນິກ ມະນີ

• 27/10/2022