ສຳເລັດການແຂ່ງຂັນຊ່ວງເຮືອຍາວ ຊີງຂັນນາຍົກ ຄັ້ງທີ I ປະຈຳປີ

ທ້າຍອາທິດຜ່ານມາທີ່ເຂດ ເສດຖະກິດພິເສດບຶງທາດຫຼວງ ເມືອງ ໄຊເຊດຖາ ນະຄອນຫຼວງວຽງຈັນ ການແຂ່ງຂັນຊ່ວງເຮືອຍາວປະເພດ 55 ສີພາຍ ຊີງຂັນທ່ານນາຍົກລັດ ຖະມົນຕີແຫ່ງ ສປປ ລາວ ຄັ້ງທີ I ປະຈຳປີ 2019  ຊຶ່ງສີພາຍເຮືອຊ່ວງ ນາວາສັກສິດປະກາດສັກດາຄອງ ແຊ໋ມການແຂ່ງຂັນຊ່ວງເຮືອຍາວ ປະເພດ 55 ສີພາຍ ພ້ອມເງິນລາງ ວັນ 25 ລ້ານກີບ.

ການແຂ່ງຂັນຄັ້ງນີ້ໃຫ້ກຽດເຂົ້າຮ່ວມແລະມອບລາງວັນຂອງທ່ານບໍ່ວຽງຄຳວົງດາລາລັດຖະມົນຕີກະຊວງວິທະຍາສາດ ແລະເຕັກໂນໂລຊີ, ທ່ານ ສີຫຸນສິດທິລືໄຊຮອງ ເຈົ້າຄອງນະຄອນຫຼວງວຽງຈັນ ແລະທ່ານຊົມພູ ແກ້ວປັນຍາຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນພ້ອມດ້ວຍບັນດາຫົວໜ້າ-ຮອງຫົວໜ້າ ພະແນກ, ເຈົ້າເມືອງ, ແຂກທີ່ຖືກ ເຊີນ, ພະນັກງານ, ທະຫານ-ຕຳຫຼວດຕະຫຼອດຮອດພໍ່ແມ່ປະຊາຊົນຊາວນະຄອນຫຼວງວຽງຈັນ ເຂົ້າ ຮ່ວມຊົມ ແລະເຊຍຢ່າງຫຼວງຫຼາຍ.

ການແຂ່ງຂັນລາຍການດັ່ງກ່າວຈັດຂຶ້ນກໍເພື່ອເປັນການສົ່ງເສີມການທ່ອງທ່ຽວ ສປປ ລາວ ກໍຄືນະຄອນ ຫຼວງວຽງຈັນໃຫ້ນັກທ່ອງທ່ຽວໃນ ທົ່ວໂລກໄດ້ຮັບຮູ້ແລະມາທ່ຽວລາວ ໃຫ້ນັບມື້ຫຼາຍຂຶ້ນເລື້ອຍໆສຳລັບປະເພດເຮືອຍາວປະເພດ 55 ສີພາຍມີເຮືອເຂົ້າຮ່ວມ 5 ລໍາ ແຂ່ງຂັນ ພົບກັນໝົດຄັດເອົາທີ 1-2  ຜ່ານເຂົ້າ ໄປຊີງຊະນະເລີດ ແລະອັນດັບທີ 3-4  ໄປຊີງທີ 3, ສ່ວນເຮືອປະເພດ 22 ສີພາຍ ແລະ12 ສີພາຍ ເປັນການຈັບສະຫຼາກປະກົບຄູ່ແຂ່ງຂັນ ເສຍຕົກຮອບເລີຍ. ຜ່ານການແຂ່ງ ຂັນຜົນປາກົດວ່າ: ປະເພດ 55 ສີພາຍ ອັນດັບທີ 1 ຕົກເປັນຂອງມະ ຫາວິທະຍາໄລແຫ່ງຊາດທີ່ໃຊ້ບໍລິການສີພາຍນາວາສັກສິດ, ອັນດັບ ທີ 2 ບ້ານແສນດິນ (ສີພາຍແສນດິນ+ນາວາໂຊກໄຊ+ເທບພິກຸນ ທອງ), ອັນດັບທີ 3 ເຈົ້າແມ່ແກ້ວ ມັງກອນ (ສີພາຍທະຫານແຂວງ ສາລະວັນ+ຊຸດຊ່າງລັ່ງປະເທດໄທ) ແລະອັນດັບທີ 4 ບ້ານກ້ວຍ ແຂວງ ບໍລິຄໍາໄຊ.

 ສ່ວນເຮືອປະເພດ 22 ສີພາຍ ອັນດັບທີ 1 ກະຊວງວິທະຍາສາດ ແລະເຕັກໂນໂລຊີ (ນຳໃຊ້ສີພາຍ ນາວາສັກສິດ), ອັນດັບທີ 2 ເທບ                   ທິດາສ້ອຍຟ້າ, ອັນດັບທີ 3 ບ້ານແສນດິນ ແລະອັນດັບທີ 4 ປາຫຍົກນໍາໂຊກບ້ານຊຽງຄວນ. ຂະນະ ທີ່ເຮືອປະເພດ 12 ສີພາຍ ອັນດັບທີ 1 ຣີສອດ ເມືອງວັງວຽງ (ນຳໃຊ້ສີພາຍນາວາສັກສິດ), ອັນດັບທີ 2 ຣີສອດປາກນ້ຳຄານ (ນໍາໃຊ້ສີພາຍນາວາສັກສິດ), ອັນດັບທີ 3 ເທບທິດາສອຍຟ້າ ແລະອັນດັບທີ 4 ຣີສອດປາກນ້ຳຄານ (ນໍາໃຊ້ສີພາຍ ນາວາສັກສິດ).

ສຳລັບລາງວັນຊະນະເລີດໃນການແຂ່ງຂັນຄັ້ງນີ້ປະເພດ 55 ສີພາຍ ໄດ້ຮັບຂັນເງິນນ້ຳໜັກ 1 ກິໂລກຣາມ ພ້ອມເງິນສົດ 25 ລ້ານ ກີບ, ທີ 2 ໄດ້ຮັບຂັນພ້ອມເງິນສົດ 18 ລ້ານກີບ ແລະທີ 3 ໄດ້ຮັບຂັນ ພ້ອມເງິນສົດ 10 ລ້ານກີບ. ສ່ວນ ລາງວັນປະເພດ 22 ສີພາຍ ແລະ 12 ສີພາຍ ທີ 1 ໄດ້ຮັບຂັນແຊ໋ມ ພ້ອມເງິນລາງວັນ 8 ລ້ານກີບ, ທີ 2 ໄດ້ຮັບຂັນພ້ອມເງິນສົດ 6 ລ້ານກີບ, ທີ 3 ໄດ້ຮັບຂັນພ້ອມເງິນສົດ 4 ລ້ານກີບ ແລະທີ 4 ໄດ້ຮັບລາງວັນ ຊົມເຊີຍເປັນເງິນສົດ 2 ລ້ານກີບ.

ໂດຍ: ບຸນນິກ

แชร์