ໂຄງການຊົນລະກະເສດ ແລະການຜະລິດເປັນສິນຄ້າຂະໝາດນ້ອຍສືບຕໍ່ມອບທຶນສົມທົບໃຫ້ 3 ບ້ານເປົ້າໝາຍຂອງໂຄງການຢູ່ ເມືອງຊຽງເງິນ

ໃນວັນທີ 25 ຕຸລາ 2022 ຢູ່ຫ້ອງປະຊຸມ ຫ້ອງວ່າການປົກຄອງເມືອງຊຽງເງິນ ແຂວງຫຼວງພະບາງ ໄດ້ມີພິທີມອບ-ຮັບ ທຶນສົມທົບໃຫ້ກຸ່ມຜະລິດ 3 ກຸ່ມ, 3 ບ້ານເປົ້າໝາຍຂອງໂຄງການປີ 2021 ແຕ່ໄດ້ຈັດຕັ້ງປະຕິບັດໃນປີ 2022ໃນນີ້ມີ: ບ້ານຊຽງເງິນ, ບ້ານໂພນໄຊ ແລະ ບ້ານເບີສິບ ໃນຈຳນວນເງິນ 570 ລ້ານກີບ, ໂດຍການເຂົ້າຮ່ວມຂອງທ່ານ ພູເງິນ ອຸດສະຫະ ຮອງເຈົ້າເມືອງຊຽງເງິນ, ທ່ານ ສັນຍາ ສຸພົນພັກດີ ຫົວໜ້າຂະແໜງຊົນລະປະທານ ຜູ້ປະສານງານໂຄງການຊົນລະກະເສດ ແລະ ການຜະລິດເປັນສິນຄ້າຂະໝາດນ້ອຍ (ຊກຂ) ຂັ້ນແຂວງ, ມີຄະນະກຳມະການຄຸ້ມຄອງໂຄງການຂັ້ນແຂວງ, ເມືອງ, ບ້ານ, ຊ່ຽວຊານ ແລະ ວິຊາການເຂົ້າຮ່ວມ.

ທ່ານ ພູວຽງ ຈິດຕະວົງຖໍ່ ຫົວໜ້າຫ້ອງການກະສິກຳ ແລະ ປ່າໄມ່ ເມືອງຊຽງເງິນ ໄດ້ລາຍງານການສ້າງຕັ້ງກຸ່ມຜະລິດກະສິກຳເປົ້າໝາຍຂອງໂຄງການປີ 2021 ມີ ທັງໝົດ 3 ບ້ານຄຶ: ບ້ານ ຊຽງເງິນ ກຸ່ມຜະລິດກະສິກຳ ລ້ຽງໝູລາດ ມີສະມາຊິກ 20 ຄອບຄົວ, ມີເນື້ອທີ່ລ້ຽງໝູ 15,66 ເຮັກຕາ. ໄດ້ສ້າງຕັ້ງກຸ່ມໃນວັນທີ 27 ກຸມພາ 2022 ແລະ ໄດ້ສໍາເລັດ ໃນວັນທີ 23 ມີນາ 2022. ໄດ້ຮັບທືນດ້ານພື້ນຖານໂຄງລ່າງ ຊົນລະປະທານ ຂະໜາດນ້ອຍ: 105.000.000 ກີບ, ທຶນດ້ານກະສິກໍາ: 85.000.000 ກີບ, ບ້ານ ໂພນໄຊ ກຸ່ມຜະລິດກະສິກໍາ ປູກເຂົ້າເປັນແນວພັນ ມີສະມາຊິກ 20 ຄອບຄົວ ແລະ ມີເນື້ອທີ່ປູກເຂົ້າ 11,21 ເຮັກຕາ. ໄດ້ສ້າງຕັ້ງກຸ່ມໃນວັນທີ 15 ກຸມພາ 2022 ແລະ ໄດ້ສໍາເລັດ ໃນວັນທີ 23 ມີນາ 2022. ໄດ້ຮັບທືນດ້ານພື້ນຖານໂຄງລ່າງຊົນລະປະທານຂະໜາດນ້ອຍ: 105.000.000 ກີບ, ທຶນດ້ານກະສິກໍາ: 85.000.000 ກີບ, ບ້ານ ເບີສິບ ກຸ່ມຜະລິດກະສິກໍາ ປູກໝາກເດືອຍ ແລະ ສາລີແຂງ ມີສະມາຊິກ 20 ຄອບຄົວ ແລະ ມີເນື້ອທີ່ປູກເຂົ້າ 35 ເຮັກຕາ. ໄດ້ລົງນໍາພາປະຊາຊົນສ້າງຕັ້ງກຸ່ມ ໃນວັນທີ 19 ກຸມພາ 2022 ແລະ ໄດ້ສໍາເລັດ ໃນວັນທີ 23 ມີນາ 2022. ໄດ້ຮັບທືນດ້ານພື້ນຖານໂຄງລ່າງ ຊົນລະປະທານ ຂະໜາດນ້ອຍ: 105,000,000 ກີບ ທຶນດ້ານກະສິກໍາ: 85,000,000 ກີບ, ລວມທັງ 3 ບ້ານໄດ້ຮັບທຶນດ້ານໂຄງລ່າງພື້ນຖານຂະໜາດນ້ອຍ ຈຳນວນ 315,000,000 ກີບ ແລະ ດ້ານກະສິກຳ: 255,000,000 ກີບ, ລວມມູນຄ່າທັງໝົດຂອງໂຄງການ ປີ 2021 ແມ່ນ 570,000,000 ກີບ, ໃນຕອນທ້າຍພິທີຍັງໄດ້ມີການມອບ-ຮັບເງິນຈຳນວນດັ່ງກ່າວໂດຍຊ້ອງໜ້າຄະນະກຳມະການທຸກພາກຊ່ວນເພື່ອນຳໄປຈັດຕັ້ງປະຕິບັດໃຫ້ໄດ້ຮັບຜົນດີ.

ພາບ-ຂ່າວ ໂດຍ ໄຊຍະສອນ ພັນທະວົງ

แชร์