ທິດາສາຍແວວ ບ້ານຖິ່ນເພຍ ຄອງເຈົ້າທ່າສວນນໍ້າອິນແປງ

ການແຂ່ງຂັນບຸນຊ່ວງເຮືອທີ່ສວນວັນທະນາທໍາອິດແປງ ເມືອງຫາດຊາຍຟອງ ນະຄອນຫຼວງວຽງຈັນ ປະຈຳປີ 2022 ຈັດຂື້ນຄືກຄື້ນເຕັມໄປດ້ວຍບັນຍາກາດປະຊາຊົນ ແລະນັກລາຊຶ່ງປິນີ້ຊະນະເລີດເຮືອຍາວ 55 ສີພາຍຊະນະເລີດ: ທິດາສາຍແວວ ບ້ານຖິ່ນເພຍ ເມືອງຫາດຊາຍຟອງ ຮັບຂັນໂລ້1 ໜ່ວຍພ້ອມເງິນສົດ10.000.000 ກີບ.

ການແຂ່ງຂັນຈັດຂື້ນ 22 ກັນຍາ 2022 ທີ່ສວນນໍ້າອິນແປງ ຣີເວີໄຊ ເມືອງຫາດຊາຍຟອງ ນະຄອນຫຼວງວຽງຈັນ, ໂດຍພາຍໃຕ້ການເປັນປະທານຂອງທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ,ທ່ານສຸກສະຫວັນ ບຸດຕະວົງ ຮອງເຈົ້າເມືອງໆຫາດຊາຍຟອງ,ທ່ານ ແອັດ ພັນນິວົງ ປະທານບໍລິສັດ ອິນແປງ ກຣຸບ ຈຳກັດ ຫຼືສວນນໍ້າອິນແປງ ຣີເວີໄຊ ພ້ອມດ້ວຍນັກກີລາ ແລະພາກສວນກ່ຽວຂ້ອງເຂົ້າຮ່ວມ.

ໃນພິທີ, ທ່ານ ວິຊຽນ ໂລວັນ ຄະນະສະຫະພັນກິລາເຮືອຊ່ວງ ນະຄອນຫຼວງວຽງຈັນ ຕາງໜ້າໄດ້ຜ່ານຮ່າງຂໍ້ຕົກລົງຂອງເຈົ້າເມືອງຫາດຊາຍຟອງ ວ່າດ້ວຍການແຕ່ງຕັ້ງຄະນະຮັບຜິດຊອບການຈັດງານແຂ່ງຂັນຊ່ວງເຮືອ ປະຈຳປີ 2022 ທີ່ສວນນໍ້າອິນແປງ ຊຶ່ງປະກອບມີ ຄະນະຊີ້ນໍາລວມ ແລະ ອະນຸກໍາມະການຮັບຜິດຊອບຈັດການແຂ່ງຂັນ ເຊັ່ນ: ອະນຸກຳມະການເນື້ອໃນ, ອະນຸກຳມະການປ້ອງກັນຊາດ-ປ້ອງກັນຄວາມສະຫງົບ,ອະນຸກຳມະການທາງດ້ານສາສະໜາ ແລະ ຮີດຄອງປະເພນີ, ອະນຸກຳມະການ ການຕະຫຼາດ ແລະ ຈຳໜ່າຍສິນຄ້າ, ອະນຸກຳມະການຮັບແຂກ, ອະນຸກໍາມະການເຕັກນິກ ແລະ ຈັດການແຂ່ງຂັນ, ອະນຸກໍາມະການປະຄົບຄູ່ເຮືອ,ອະນຸກໍາມະການຈຸດປ່ອຍເຮືອ, ອະນຸກໍາມະການຕັດສິນຢູ່ຜາມໄຊ, ອະນຸກໍາມະການກູ້ໄພທາງນ້ຳ,ອະນຸກໍາມະການໂຄສົກ ແລະ ປະຊາສຳພັນພາກສະໜາມ ແລະ ອະນຸກຳມະການຮັກສາສຸຂະພາບ. ຫຼັງຈາກນັ້ນ,ບັນດາຜູ້ແທນທີ່ເຂົ້າຮ່ວມຈາກພາກສ່ວນຕ່າງໆ ໄດ້ພ້ອມກັນປະກອບຄຳຄິດຄຳເຫັນໃສ່ຮ່າງຂໍ້ຕົກລົງດັ່ງກ່າວຢ່າງສ້າງສັນ ແລະ ກົງໄປກົງມາ ເພື່ອເຮັດໃຫ້ຮ່າງຂໍ້ຕົກລົງດັ່ງກ່າວ ມີເນື້ອໃນສົມບູນ ແລະ ສາມາດນຳເອົາໄປຈັດຕັ້ງປະຕິບັດໃນມື້ແຂ່ງຂັນຕົວຈິງໄດ້ຢ່າງມີປະສິດທິພາບ.
ສຳລັບການແຂ່ງຂັນຊ່ວງເຮືອ ປະຈຳປີ 2022 ທີ່ສວນນໍ້າອິນແປງ ຣີເວີໄຊ ມີກຳນົດຈະຈັດຂຶ້ນໃນວັນທີ 22-23 ຕຸລາ 2022 ໂດຍຄາດວ່າຈະຈັດແຂ່ງຂັນປະເພດເຮືອຍາວ 55 ສີພາຍ ແລະກຳນົດຮັບສະໝັກພຽງ 8 ລໍາເທົ່ານັ້ນ ເລີ່ມຮັບສະໝັກນັບຕັ້ງແຕ່ມື້ນີ້ໄປຈົນເຖິງວັນທີ 21 ຕຸລາ 2022ຊຶ່ງເຮືອແຕ່ລະລໍາທີ່ເຂົ້າຮ່ວມແຂ່ງຂັນແມ່ນບໍ່ມີຄ່າສະໝັກແຕ່ມີເງິນຄໍ້າປະມານຈຳນວນ1.000.000 ກີບ. ສ່ວນປະເພດຂອງລາງວັນຊະນະເລີດໄດ້ຮັບຂັນໂລ້ 1 ໜ່ວຍ ພ້ອມເງິນສົດ10.000.000 ກີບ, ຮອງຊະນະເລີດໄດ້ຮັບຂັນໂລ້ 1 ໜ່ວຍ ພ້ອມເງິນສົດ 8.000.000 ກີບ, ອັນດັບທີ 3 ໄດ້ຮັບຂັນໂລ້ 1 ໜ່ວຍ ພ້ອມເງິນສົດ 6.000.000 ກີບ ແລະ ອັນດັບທີ 4 ໄດ້ຮັບເງິນສົດ 4.000.000 ກີບ. ນອກຈາກນີ້ເຮືອທີ່ເຂົ້າຮ່ວມຍັງຈະໄດ້ຮັບເງິນຄ່າລາກແກ່ລຳລະ 3.000.000 ກີບອີກດ້ວຍ.

ສະຫຼຸບຜົນການແຂ່ງຂັນບຸນຊ່ວງເຮືອທີ່ສວນວັນທະນາທໍາອິດແປງ ມ.ຫາດຊາຍຟອງ ນະຄອນຫຼວງວຽງຈັນ ໃນປະເພດເຮືອຍາວ 55ສີພາຍ ແລະ 12 ສີພາຍມີດັ່ງນີ້55ສີພາຍຊະນະເລີດ: ທິດາສາຍແວວ ບ.ຖິ່ນເພຍ ມ.ຫາດຊາຍຟອງ ນວ (ໄກທອງ+ທິດາສາຍແວວ),ອັນດັບ2: ເທບປະທານພອນ ບ.ຊຽງຄວັນ ມ.ຫາດຊາຍຟອງ ນວ (ພອນສະຫວັນ+ເທບທິດາສ້ອຍຟ້າ+ຫາດໄຊ+ເສືອຄີມ), ອັນດັບ3: ເທບສອນໄຊ ບ.ອານຸສອນໄຊ ມ.ປາກຊັນ ແຂວງ ບໍລິຄໍາໄຊ, ອັນດັບ 4: ພອນພະແກ້ວ ບ.ສີຖານໃຕ້ ມ.ຫາດຊາຍຟອງ ນວ.

ສຳລັບ 12 ສີພາຍຊະນະເລີດ: ໂຕ່ໂນ້ລູກເທບ (ສີພາຍຫາດໄຊ ມ.ທ່າພະບາດ ຂ.ບໍລິຄໍາໄຊ), ອັນດັບ 2: ບໍລິສັດ ອະພິມາ-ອະສັງຫາລິມະຊັບ (ເທບພິຊິດໄຊ), ອັນດັບ3: ພອນສະຫວັນ-ບ.ຊຽງຄວນ ມ.ຫາດຊາຍຟອງ, ອັນດັບ4: BK HONDA-ທ່ານາແລ້ງ ມ.ຫາດຊາຍຟອງ

แชร์