ຄະນະພັກຮາກຖານພະແນກພະລັງງານ ແລະບໍ່ແຮ່ ຈັດກອງປະຊຸມເຊື່ອຊຶມເອກະສານສຳຄັນຕ່າງໆຂອງພັກ-ລັດ

ໃນວັນທີ 21 ຕຸລາ 2022 ຢູ່ທີ່ຫ້ອງປະຊຸມຂອງຫ້ອງການຄຸ້ມຄອງລະບົບສົ່ງໄຟຟ້າແຂວງອຸດົມໄຊ ຄະນະພັກຮາກຖານພະແນກພະລັງງານ ແລະບໍ່ແຮ່ແຂວງອຸດົມໄຊ ໄດ້ຈັດກອງປະຊຸມເຊື່ອມຊຶມບັນດາເອກະສານຕ່າງຂອງພັກ-ລັດ ໂດຍການເປັນປະທານຂອງ ທ່ານ ອາລຸນ ບຸນວິໄລ ເລຂາຄະນະພັກຮາກຖານຫົວໜ້າພະແນກ ພະລັງງານ ແລະບໍ່ແຮ່ ແຂວງອຸດົມໄຊ ພ້ອມດ້ວຍຄະນະ, ມີຄະນະພັກພ້ອມດ້ວຍສະມາຊິກພັກສົມບູນ, ສຳຮອງ ຈາກໜ່ວຍພັກພະແນກພະລັງງານ ແລະບໍ່ແຮ່ແຂວງ,ໜ່ວຍພັກບໍລິຫານ ຟຟລ.ອຊ, ໜ່ວຍພັກຄຸ້ມຄອງເຕັກນິກ ຟຟລ.ອຊ ແລະໜ່ວຍພັກຫ້ອງການຄຸ້ມຄອງລະບົບສົ່ງໄຟຟ້າແຂວງອຸດົມໄຊເຂົ້າຮ່ວມຢ່າງພ້ອມພຽງ.

ໂດຍເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ມີ: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ4 ສະໄໝທີ XI, ຄຳສັ່ງຂອງກົມການເມືອງສູນກາງພັກສະບັບເລກທີ 01/ກມສພ ລົງວັນທີ 03 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສເຂັ້ມແຂງ, ໜັກແໜ້ນ, ມະຕິກອງປະຊຸມ ສະໄໝສາມັນຄົບຄະນະບໍລິຫານງານພັກແຂວງອຸດົມໄຊ ຄັ້ງທີ6 ສະໄໝທີ IX ຂອງອົງຄະນະພັກແຂວງອຸດົມໄຊ, ຄຳສັ່ງແນະນຳຂອງຄະນະເລຂາທິການສູນກາງພັກ ສະບັບເລກທີ 169/ຄລສພ ລົງວັນທີ 15 ສິງຫາ 2022 ກ່ຽວກັບການເພີ່ມທະວີການນຳພາ-ຊີ້ນຳ ຕໍ່ການເຄື່ອນໄຫວວຽກງານກວດກາ ແລະ ແກ້ໄຂຜົນການກວດກາ, ຄຳສັ່ງຂອງທ່ານເຈົ້າແຂວງ ສະບັບເລກທີ 999/ອຊ ລົງວັນທີ 10 ຕຸລາ 2022 ວ່າດ້ວຍການເພີ່ມທະວີຈັດຕັ້ງປະຕິບັດຄຸ້ມຄອງພະນັກງານ, ລັດຖະກອນ ແລະ ກຳລັງປະກອບອາວຸດທົ່ວແຂວງອຸດົມໄຊ ແລະແຈ້ງການຂອງ ປກສ ສະບັບເລກທີ 6696/ປກສ.ອຊ ລົງວັນທີ 14 ກໍລະກົດ 2022 ກ່ຽວກັບການປະກອບເງິນເຂົ້າກອງທຶນຄວບຄຸມ, ສະກັດກັ້ນ ແລະແກ້ໄຂບັນຫາຢາເສບຕິດປະຈຳປີ 2022, ທັງນີ້ກໍເພື່ອເຮັດໃຫ້ສະມາຊິກພັກໄດ້ຮັບຮູ້, ເຂົ້າໃຈ ແລະນຳໄປຜັນຂະຫຍາຍເຂົ້າໃນການຈັດຕັ້ງປະຕິບັດວຽກງານຂອງຕົນເອງຢູ່ແຕ່ລະຂົງເຂດໃຫ້ສອດຄ່ອງ ແລະມີຜົນສຳເລັດຕາມລະດັບຄາດໝາຍ.

แชร์