ລັດເລື່ອນຈ່າຍຄ່າທາງຮອດທ້າຍເດືອນມິຖຸນາ

 ເນື່ອງດ້ວຍຫຼາຍປັດໄຈທີ່ເຮັດໃຫ້ການເກັບຄ່າທຳນຽມທາງປະຈຳປີ 2019 ຂອງກະຊວງການເງິນສາມາດບໍ່ບັນລຸຕາມແຜນການທີ່ວາງໄວ້ໃນເບື້ອງຕົ້ນສະນັ້ນກະຊວງການເງິນຈຶ່ງອອກແຈ້ງການສະບັບເລກທີ 0975/ກງ, ລົງວັນທີ 1 ເມສາ 2019 ໂດຍເລື່ອນໄລຍະເວລາປົກກະຕິຂອງການຊຳລະຄ່າທຳນຽມທາງຈະສີ້ນສຸດໃນວັນທີ 31 ມີນາ ໄປເປັນວັນທີ 30 ມິຖຸນາ 2019 ແທນ.

  ໃນແຈ້ງການຂອງກະຊວງການເງິນທີ່ໄດ້ອອກແຈ້ງການໄປໃນວັນທີ 1 ເມສາຜ່ານມານັ້ນ, ໄດ້ລະບຸຈະແຈ້ງເຖິງບັນດາບຸກຄົນ, ນິຕິບຸກຄົນ ແລະການຈັດຕັ້ງ ທີ່ເປັນເຈົ້າຂອງຫຼືນຳໃຊ້ຍານພາຫະນະທຸກປະເພດໃນຂອບເຂດທົ່ວປະເທດໃຫ້ເຂົ້າໃຈ ແລະສືບຕໍ່ມາຊຳລະຄ່າທຳນຽມທາງຕື່ມຈົນກວ່າຈະສິ້ນສຸດໃນທ້າຍເດືອນມິຖຸນາ, ທັງນີ້ກໍເພື່ອເຮັດໃຫ້ການເກັບຄ່າທຳນຽມທາງປະຈຳປີ 2019 ຖືກຈັດຕັ້ງປະຕິບັດຢ່າງເປັນຂວນການ ແລະມີຄວາມເປັນເອກະພາບໃນຂອບເຂດທົ່ວປະເທດ, ສະນັ້ນກະຊວງການເງິນຈຶ່ງໄດ້ອອກແຈ້ງການສະບັບນີ້ເພື່ອໃຫ້ຜູ້້ຊົມໃຊ້ລົດທຸກປະເພດຮັບຮູ້ວ່າກະຊວງໄດ້ເລື່ອນໄລຍະເວລາປົກກະຕິຂອງການຊຳລະຄ່າທຳນຽມທາງປະຈຳປີ 2019 ຈາກວັນທີ 31 ມີນາ ເປັນວັນທີ 30 ມິຖຸນາ 2019 ຖ້າຫາກວ່າບັນດາບຸກຄົນ,ນິຕິບຸກຄົນ ແລະ ການຈັດຕັ້ງທີ່ເປັນເຈົ້າຂອ ງຫຼືນຳໃຊ້ຍານພາຫະນະທຸກປະເພດໃນຂອບເຂດທົ່ວປະເທດບໍ່ມາຊຳລະຕາມກຳນົດເວລາດັ່ງນັ້ນ (ນັບແຕ່ວັນທີ 1 ກໍລະກົດ -31 ທັນວາ 2019) ແມ່ນຈະຖືກປັບໃໝ 0,1% ຕໍ່ວັນຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີຕາມທີ່ໄດ້ກຳນົດໄວ້ໃນ VI ຂໍ້ 2.2 ຂອງຄຳແນະນຳຈັດຕັ້ງປະຕິບັດລັດຖະບັນຍັດວ່າດ້ວຍຄ່າທຳນຽມທາງສະບັບເລກທີ 3455/ກງ, ລົງວັນທີ 10 ຕຸລາ 2017.

  ຕາມຂໍ້ມູນຈາກສຳນັກຂ່າວເສດຖະກິດ-ການຄ້າ ໄດ້ລາຍງານໃນວັນທີ 1 ເມ ສາ 2019 ຮູ້ວ່າ: ການຈັດຕັ້ງປະຕິບັດແຜນການເກັບຄ່າທຳນຽມທາງ ແລະພາສີທີ່ດິນປະຈຳປີ 2019 ຂອງໜ່ວຍງານທີ່ກ່ຽວຂ້ອງແມ່ນໄດ້ເລີ່ມປະຕິບັດມາແຕ່ວັນທີ 1 ມັງກອນ ຈົນເຖິງວັນທີ 31 ມີນາ ເຫັນວ່ານະຄອນຫຼວງວຽງ ຈັນ (ນວ) ສາມາດປະຕິບັດໄດ້ເປັນຕົ້ນແມ່ນຄ່າທຳນຽມທາງ 1.397 ຄັນ, ພາສີທີ່ດິນຈຳນວນ 380 ຕອນ ແລະສາມາດເກັບລາຍຮັບໄດ້ 215 ລ້ານກີບ ຈາກທັງໝົດ 9 ຈຸດເກັບ, ຂະນະທີ່ໃນຄາດໝາຍຂອງການເກັບຄ່າທຳນຽມທາງ ແລະພາສີທີ່ດິນໝົດປີຕັ້ງໄວ້ 89,4 ຕື້ກີບ, ໃນນັ້ນສະເພາະຄ່າທຳນຽມທາງ 65 ຕື້ກີບ ແລະພາສີທີ່ດິນ 24,4 ຕື້ກີບ.

ຂ່າວ: ພິມພອນ     

แชร์