ຮູບເງົາຊ້າງນ້ອຍບິນໄດ້ເປີດໂຕແຊ໋ມລາຍໄດ້ສູງສຸດ

 ໃນອາທິດທີ່ຜ່ານມາຮູບເງົາເລື່ອງ Dumbo ຊ້າງນ້ອຍບິນໄດ້ຊຶ່ງຮູບເງົາແຟນຕາຊີປະເຊີນ ໄພເປີດໂຕຄອງແຊ໋ມພ້ອມລາຍໄດ້ 45 ລ້ານໂດລາສະຫະລັດໂດຍ ຮູບເງົາເລື່ອງນີ້ໄດ້ຮັບເກດ A ຈາກການຈັດອັນດັບຂອງ CinemaScore ພ້ອມກັບຜູ້ຊົມ 53%  ເປັນເພດຍິງຂະນະທີ່ 54% ເປັນຜູ້ຊົມອາຍຸຫຼາຍກວ່າ 25 ປີ.

ຂະນະດຽວກັນການເຂົ້າສາຍ ເລື່ອງຊ້າງນ້ອຍບິນໄດ້ໃນອາທິດ ທຳອິດໃນຕ່າງປະເທດສ້າງລາຍ ໄດ້ມະຫາສານສູງກວ່າ 71 ລ້ານ ໂດລາເຮັດໃຫ້ລາຍໄດ້ລວມຈາກ ການເຂົ້າສາຍທົ່ວໂລກເພີ່ມສູງ ກວ່າ 116 ລ້ານໂດລາ ໂດຍລາຍ ໄດ້ຕົ້ນຕໍໃຫຍ່ມາຈາກຝຣັ່ງ, ອິຕາລີ, ແອັດສະປາຍ, ຣັດເຊຍ, ອັງ ກິດ, ອາກຊັງຕິນ, ບຣາຊິນ ແລະ ເມັກຊິກ, ສ່ວນອັນດັບ 2 ຕົກເປັນ ຂອງ US ຮູບເງົາແນວສະຢອງຂັວນອາທິດຫຼ້າສຸດສ້າງລາຍໄດ້ ປະມານ 33,6 ລ້ານໂດລາ ລວມ ລາຍໄດ້ຈາກການເຂົ້າສາຍທົ່ວ  ໂລກ ເພີ່ມຂຶ້ນເປັນ  175  ລ້ານໂດລາ, ສ່ວນຂອງຮູບເງົາເລື່ອງຮີໂຣຍອດ ຍິງເກັ່ງທີ່ສຸດໃນຈັກກະວານ  (ມາຣເວລ) Captain Marvel ອາ ທິດທີ່ຜ່ານມາຕົກມາຢູ່ອັນດັບ 3 ມີລາຍໄດ້ປະມານ 20,5 ລ້ານໂດ ລາຍອດລວມຈາກການເຂົ້າສາຍ ໃນອາເມລິກາສູງກວ່າ 353,8 ລ້ານໂດລາ ຖືວ່າສ້າງລາຍໄດ້ສູງ ສຸດເປັນອັນດັບ 8 ໃນອາເມລິກາ. ດ້ານການສາຍຢູ່ຕ່າງປະເທດຕ້ອງ ຍອມຮັບວ່າ Captain Marvel ຍັງໂດ່ງດັງໃນອາທິດທີ່ຜ່ານມາ ສ້າງລາຍໄດ້  26,4 ລ້ານໂດລາ ຈາກທັງໝົດ 54 ຕະຫຼາດຮູບເງົາ ເຮັດໃຫ້ຍອດລາຍໄດ້ລວມຢູ່ຕ່າງ ປະເທດປະຈຸບັນນີ້ຢູ່ທີ່ 636,8 ລ້ານໂດລາສົ່ງຜົນເຮັດໃຫ້ຍອດ ເງິນລວມທັງໝົດຈາກການສາຍ ທົ່ວໂລກຢູ່ທີ່ 990,6 ລ້ານໂດລາ ແລະຄາດວ່າເປົ້າໝາຍ 1 ຕື້ໂດລາ ໜ້າຈະເຖິງໃນອາທິດນີ້.

 ນສພ ເສດຖະກິດ-ສັງຄົມ

แชร์