ເວທີປາໄສເສດຖະກິດຂັ້ນສູງ ລະຫວ່າງ ຫວຽດນາມ - ອົງການຮ່ວມມື ແລະພັດທະນາເສດຖະກິດ

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 18 ຕຸລາ ທີ່ຜ່ານມາ, ຫວຽດນາມ - ອົງການຮ່ວມມື ແລະພັດທະນາເສດຖະກິດ (OECD) ໄດ້ຈັດຕັ້ງເວທີປາໄສເສດຖະກິດຂັ້ນສູງ ຢູ່ນະຄອນຫຼວງ ຮ່າໂນ້ຍ.

ຕາມຂ່າວລະບຸວ່າ: ທ່ານ ມາເທຍສ ຄໍຣແມນ ເລຂາທິການໃຫຍ່ OECD ກ່າວຄຳເຫັນທີ່ເວທີປາໄສ, ຖືວ່າໃນ 3 ທົດສະວັດຜ່ານມາ, ຫວຽດນາມ ບັນລຸໄດ້ຄວາມກ້າວໜ້າສັງຄົມຫຼາຍພໍສົມຄວນ. ປັດຈຸບັນ, ຫວຽດນາມກາຍເປັນປະເທດທີ່ສາມາດຫຼີກລ່ຽງໄດ້ຈາກສະພາບການຊຸດໂຊມຍ້ອນພະຍາດລະບາດໂຄວິດ-19. OECD ຄາດວ່າ: ການເຕີບໂຕ GDP ຈະລື່ນກາຍ 6% ໃນປີນີ້ ແລະ ປີໜ້າ. ສິ່ງດັ່ງກ່າວຈະຊ່ວຍຊຸກຍູ້ແຫຼ່ງເງິນລົງທຶນໂດຍກົງຈາກຕ່າງປະເທດ, ເມື່ອບັນດາວິສາຫະກິດໃນ OECD ເຂົ້າມາລົງທຶນຢູ່ ຫວຽດນາມ, ຊ່ວຍຫັນລະບົບສະໜອງເປັນຫຼາຍຮູບຫຼາຍແບບ. ດັ່ງນັ້ນ, ຕໍ່ໜ້າສິ່ງທ້າທາຍ ຫວຽດນາມ ຄວນຊຸກຍູ້ບັນດາຄວາມພະຍາຍາມປະຕິຮູບເພື່ອຮັບປະກັນການເຕີບໂຕແບບຍືນຍົງ.

ໃນເວທີປາໄສ, ໂດຍຜ່ານການໄຈ້ແຍກຂອງ OECD, ບັນດາຜູ້ແທນໄດ້ປະກອບຄຳເຫັນຫຼາຍຂໍ້ກ່ຽວກັບການພັດທະນາເສດຖະກິດຂອງຫວຽດນາມດ້ວຍບັນດານະໂຍບາຍບໍລິຫານລັດວິສາຫະກິດ. ບາງຍຸດທະສາດຂອງ ຫວຽດນາມ ໃນການພັດທະນາສີຂຽວ ແລະຫັນເປັນດີຈີຕອນກໍຕ້ອງໄດ້ມີການອັບເດດເພື່ອແນໃສ່ມຸ່ງໄປເຖິງການສ້າງພື້ນຖານເສດຖະກິດແກ່ງແຍ້ງຍຸດທະສາດ, ສ້າງຄວາມເຂັ້ມແຂງດ້ວຍຕົນເອງ ແລະໝັ້ນຄົງ, ເຊື່ອມໂຍງເຂົ້າກັບສາກົນຢ່າງມີປະສິດທິຜົນ.

แชร์