ສູນການແພດອະໄລແອນ-ໂຮງໝໍບໍາຣຸງຣາດ ສົນທະນາຫົວຂໍ້ DNA

ທ້າຍອາທິດທີ່ຜ່ານມາທີ່ນະຄອນຫຼວງວຽງຈັນ ສູນການແພດອະໄລແອນ ຫ້ອງການຕ່າງປະຈໍາລາວ ຮ່ວມກັບ ໂຮງໝໍບໍາຣຸງຣາດ ໄດ້ຈັດງານສົນທະນາຫົວຂໍ້ DNA ສາມາດປ່ຽນຊີວິດໄດ້ແນວໃດ ແລະ ນະວັດຕະກໍາການປິ່ນປົວພະຍາດຫົວໃຈລົ້ມເຫຼວ ໂດຍມີທ່ານ ດຣ ພົນລະກິດ ທີຄະຄິລິກຸນ ແພດຊ່ຽວຊານຫົວໃຈແລະພັນທຸກໍາ, ດຣ ປິຍະຊັດ ພິພັດພົງໂຊພົນ ແພດຊ່ຽວຊານຫົວໃຈ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນປະຈຸບັນການກວດພັນທຸກໍາແມ່ນສາມາດເຂົ້າເຖິງໄດ້ງ່າຍກວ່າເກົ່າ, ລາຄາການກວດກໍ່ຖືກລົງຈຶ່ງເປັນທີ່ຍອມຮັບຢ່າງແຜ່ຫຼາຍ. ການກວດພັນທະທຸກໍາແມ່ນເພື່ອກວດຫາເຊວທີ່ຜິດປົກກະຕິໃຫນພັນທຸກໍາເຊິ່ງຈະສາມາດບອກເຖິງຄວາມສ່ຽງທີ່ຈະກາຍເປັນພະຍາດຮ້າຍແຮງ ຫຼືການເກີດພູມແພ້ກັບຢາ. ການກວດຄັດກອງດັ່ງກ່າວແມ່ນວິທີການກວດຄັດກອງການປ້ອງກັນພະຍາດເພື່ອປັບປ່ຽນພຶດຕິກໍາເພື່ອລຸດຜ່ອນຄວາມສ່ຽງທີ່ຈະເກີດພະຍາດ, ຍິ່ງໄປກວດນັ້ນການກວດຄັດກອງຈະສາມາດຊ່ວຍໃຫ້ແພດວາງແຜນການປິ່ນປົວ,ການໃຫ້ຢາສໍາລັບຄົນເຈັບແຕ່ລະຄົນໄດ້ດີກວ່າ. ຊຶ່ງໂຮງໝໍບໍາຣຸງຣາດນໍາໃຊ້ເຕັກໂນໂລຍີໃນການກວດພັນທຸກໍາບວກກັບສູນກວດສຸຂະພາບທີ່ທັນສະໄໝທີ່ສາມາດຮອງຮັບຄົນເຈັບໄດ້ຢ່າງບໍ່ຈໍາກັດ. ສູນດັ່ງກ່າວມີທີມງານຫລາຍກວ່າ 20 ຄົນ ເຊິ່ງລວມມີແພດພັນທຸກໍາ, ພະຍາບານ, ການຢາ, ແລະບຸກຄະລາກອນທີ່ກ່ຽວຂ້ອງ. ສູນດັ່ງກ່າວໃຫ້ບໍລິການການກວດຄັດກອງພັນທຸກໍາທີ່ຫຼາກຫຼາຍລວມເຖິງການປຶກສາຜ່ານລະບົບວິດີໂອທາງໄກ.

ໃນປະຈຸບັນໂຮງໝໍບໍາຣຸງຣາດນໍາໃຊ້ເຕັກໂນໂລຍີ NGS ໃນການກວດຫາເຊວທີ່ຜິດປົກກະຕິ ເຊິ່ງການກວດດັ່ງກ່າວແມ່ນດໍາເນີນການທີ່ຫ້ອງວິເຄາະໃນໂຮງໝໍບໍາຣຸງຣາດແລະຫ້ອງວິເຄາະຕ່າງປະເທດ. ຫ້ອງວິເຄາະຂອງໂຮງໝໍບໍາຣຸງຣາດໄດ້ຮັບການຮັບຮອງຈາກວິທະຍາໄລແພດສາດອາເມລິກາ ເພື່ອຮັບປະກັນມາດຕະຖານສາກົນໃນຂັ້ນຕອນການວິເຄາະ, ຄວາມຊັດເຈນ ແລະ ຄຸນນະພາບຂອງການບົ່ງມະຕິພະຍາດ. ໃນນັ້ນສູນປ້ອງກັນພັນທຸກໍາແລະກວດສຸຂະພາບຄອບຄົວມີບໍລິການກວດຄັດກອງທີ່ຫຼາກຫຼາຍບໍ່ວ່າຈະເປັນການຄັດກອງມະເລັງ, ພະຍາດຫົວໃຈ, ການວາງແຜນຄອບຄົວ ແລະ ການປ້ອງກັນການແພ້ຢາ. ການກວດຄັດກອງພັນທຸກໍາສາມາດເຂົ້າເຖິງໄດ້ງ່າຍ ໂດຍສະເພາະສໍາລັບຄົນເຈັບທີ່ຢູ່ຕ່າງປະເທດ ຫຼືສະດວກເຂົ້າໄປໂຮງໝໍ, ໂດຍທີ່ທາງໂຮງໝໍບໍາຣຸງຣາດຈະສົ່ງຊຸດເກັບນໍ້າລາຍໄປໃຫ້. ຫຼັງຈາກສົ່ງຕົວຢ່າງກັບໃຫ້ໂຮງໝໍ ແລະຜົນວິເຄາະອອກແລ້ວທາງໂຮງໝໍຈະເຮັດການນັດໝາຍເພື່ອແຈ້ງຜົນ, ແນະນໍາຕ່າງໆຜ່ານວິດິໂອທາງໄກ

ຫົວໃຈເປັນອະໄວຍະວະທີ່ສໍາຄັນທີ່ສຸດ ແລະຖ້າຫົວໃຈເຮັດວຽກບໍ່ປົກກະຕິກໍ່ຈະສົ່ງຜົນໃຫ້ອະໄວຍະວະອື່ນ. ຜົນກະທົບດັ່ງກ່າວອາດນໍາໄປສູ່ຫຼາຍພະຍາດຕົວຢ່າງເຊັ້ນ ພະຍາດຫົວໃຈລົ້ມເຫຼວ, ພະຍາດເສັ້ນເລືອດໃນສະໝອງ, ພະຍາດເສັ້ນເລືອດຕີບ. ສູນປ້ອງກັນພັນທຸກໍາ ແລະກວດສຸຂະພາບຄອບຄົວ ຢູ່ຊັ້ນ 3 ຕືກ B ໂຮງໝໍບໍາຣຸງຣາດ, ສອບຖາມຂໍ້ມູນເພີ້ມ . (+66) 2-011-4890, (+66) 2-011- 4891  ເວລາ 8 ໂມງເຊົ້າ ຫາ 8 ໂມງແລງ.

แชร์