ກະຊວງສຶກສາທິການ ແລະກີລາ ໄຂສວນ 7 ຕຸລາ

ກະຊວງສຶກສາທິການ ແລະກີລາ ຈັດພິທີໄຂສວນ 7 ຕຸລາ ຂຶ້ນວັນທີ 10 ຕຸລາ 2022 ທີ່ກະ ຊວງສຶກສາທິການ ແລະກີລາ (ສສກ) ໂດຍມີທ່ານ ຮສ ປອ ພຸດ ສິມມາລະວົງ ລັດຖະມົນຕີກະຊວງສຶກສາທິການ ແລະກີລາ ທ່ານ ນາງ ປອ ດາລາວອນ ກິດຕະພັນ ຫົວໜ້າຫ້ອງການກະຊວງ ສສກ ທ່ານຫົວໜ້າກົມຮອງກົມຂະແໜງການ ແລະພະນັກງານພາຍໃນກະຊວງເຂົ້າຮ່ວມ.

ທ່ານລັດຖະມົນຕີກະຊວງ ສສກ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບຈັດໃຫ້ມີສວນ 7 ຕຸລາ ເກີດຂຶ້ນໃນບໍລິເວນກະຊວງ ສສກ ອັນເປັນຈຸດໜຶ່ງ ສະແດງໃຫ້ເຫັນສັນຍາລັກພິເສ ຂອງຄູເປັນບ່ອນຜັກຜ່ອນ ຈຸດຊົມທີວທັດຂອງແຂກຄົນທີ່ເຂົ້າມາຕິດຕໍ່ພົວພັນວຽກງານພາຍໃນກະຊວງ ແລະຈະກາຍເປັນຈຸດເລີ່ມຕົ້ນໃນການສ້າງສິ່ງແວດລ້ອມທີ່ດີ ແລະເປັນຕົນແບບເພື່ອຂະຫຍາຍອອກໃນຈຸດອື່ນໆພາຍໃນກະຊວງ ແລະວິທະຍາເຂດທີ່ຂຶ້ນກັບລວມທັງສູນສະຖາບັນຕ່າງໆ ປະກອບສ່ວນເສີມ ສ້າງ ສ ສີຂຽວ ແລະສິ່ງແວດລ້ອມທີ່ດີພາຍໃນບ່ອນປະຕິບັດໜ້າທີ່ວຽກງານ.

ທ່ານ ນາງ ປອ ດາລາວອນ ກິດຕະພັນ ກ່າວວ່າ : ເຖິງແມ່ນວ່າ ສວນ 7 ຕຸລາ ແຫ່ງນີ້ສ້າງຂຶ້ນໃນພື້ນທີ່ນ້ອຍໆໃນມູມໜຶ່ງຂອງກະຊວງສຶກສາທິການ ແລະກີລາແຕ່ກໍມີຄວາມໝາຍກາຍເປັນສັນຍະລັກຂອງຂະແໜງການສຶກສາໂດຍສະເພາະຄຳວ່າຄູຍັງເປັນສ່ວນຕົ້ນແບບໃຫ້ແກ່ວິທະຍາເຂດທີ່ຂຶ້ນກັບກະຊວງ ສສກ ໃຫ້ນຳເອົາໄປເປັນແບບຢ່າງສ້າງພື້ນທີ່ສີຂຽວສິ່ງແວດລ້ອມທີ່ດີໃນຂອບເຂດບໍວິເວນການປະຕິບັດໜ້າທີ່ວຽກງານເພື່ອປະກອບສ່ວນເຂົ້າໃນວຽກງານ ສ ສີຂຽວ ຂອງນະຄອນຫຼວງວຽງຈັນ ເພາະການສ້າງສິ່ງແວດລ້ອມທີ່ດີເລີ່ມຕົ້ນຈຸດນ້ອຍໆໃກ້ຕົວ ແລະສາມາດຂະຫຍາຍອອກໄປໃຫ້ກວ້າງຂວາງກວ່າເກົ່າ.

แชร์