ທ່ານ ນາງ ແສງເດືອນ ອ່າງຄໍານາກສະຫວັດ ຮັບລາງວັນຜູ້ປະກອບການແມ່ຍິງດີເດັ່ນອາຊຽນ

ຖືເປັນລາງວັນອັນມີຄຸນຄ່າ ແລະເປັນລາງວັນທີ່ປະສົບຜົນສຳເລັດບາດກ້າວສຳຄັນໃນການພັດທະນາທຸລະກິດຂອງບໍລິສັດ ກຸ່ມແສງອ່າງຄຳຈຳກັດຜູ້ດຽວ ແລະໂຮງແຮມອ່າງຄຳ ທີ່ຖືກຄັດເລືອກໄດ້ຮັບລາງວັນຜູ້ປະກອບການແມ່ຍິງດີເດັ່ນອາຊຽນປະຈຳປີ 2022.

ທ່ານ ນາງ ແສງເດືອນ ອ່າງຄໍານາກສະຫວັດ ໃຫ້ສຳພາດນັກຂ່າວເສດຖະກິດ-ສັງຄົມ ໃຫ້ຮູ້ວ່າ: ບໍລິສັດ ກຸ່ມແສງອ່າງຄຳ ຈຳກັດຜູ້ດຽວ ໃນປີ 2002 ກໍໄດ້ເປີດກິດຈະການບໍລິການໂຮງແຮມອ່າງຄໍາ ໃນການບໍລິການມີຫ້ອງນອນຫ້ອງອາຫານຮັບຈັດງານແຕ່ງງານກອງປະຊຸມງານລ້ຽງຕ່າງໆ ອອກກໍາລັງກາຍ, ສະປາ, ລອຍນໍ້າ (ມີຄູຮຕ່າງປະເທດຮັບສອນສະເພາະ) ແລະ ຮັບບໍລິສັດທົ່ວພາຍໃນແລະຕ່າງປະເທດສໍານັກງານອົງການຈັດຕັ້ງຕ່າງແລະສະຫະພັນແມ່ຍີງຊາວຫນຸມນັກກີລາພາຍໃນແລະຕ່າງປະເທດກໍໃດ້ມາໃຊ້ບໍລິການຢູໂຮງແຮມອ່າງຄໍາຂອງພວກເຮົາ ໃນປີ2012 ກໍໃດ້ຂະຍາຍໄປທີ່ວັງວຽງແຂວງວຽງຈັນມາເຖີງປີ 2019-ປີ2021.



ສຳລັບການຮັບລາງວັນຜ່ານຄະນະປະທານ ສທຍນວ ເປັນເອກະພາບກັນຍັງຕ້ອງໄປຜ່ານ ສທຍ ສູນກາງ ແລະຜ່ານປະເທດເຈົ້າພາບພ້ອມຄະນະຕື່ມອີກຈື່ງສາມາດຮັບເອົາລາງວັນ AWEN AWard ເອົາບຸກຄົນດີເດັ່ນ ຊຶ່ງໜຶ່ງໃນນັ້ນມີບໍລິສັດ ກຸ່ມແສງອ່າງຄຳ ຈຳກັດຜູ້ດຽວ ຂ້າພະເຈົ້າກໍມີຄວາມພາກພູມໃຈຫລາຍທີ່ມີໂອກາດຖືກຄັດເລືອກໄປຮັບເອົາລາງວັນອັນຊົງກຽດນີ້ ຍ້ອນໄລຍະຜ່ານມາຂ້າພະເຈົ້າກໍໃດ້ຢູໃນສາມາຄົມນັກທຸລະກິດຍິງນະຄອນຫລວງວຽງຈັນໃນຕໍາແຫນ່ງຮອງປະທານ ຕະຫລອດຫລາຍປີຜ່ານມາກໍຈະດໍາເນີນກິດຈະການນີ້ ແລະສ້າງຄວາມເຂັມແຂງໃຫ້ເຕີບໃຫຍ່ຮຽນຮູ້ປະສົບການສິ່ງໃໝ່ຈຶ່ງໄດ້ຂະຍາຍສາຂາຕື່ມອີກ.

ສະນັ້ນກໍຂໍຝາກຄວາມຫວັງນີ້ສົ່ງຕໍ່ໄປຍັງຜູ້ທີ່ລິເລີ້ມເຮັດທຸລະກິດໃຫມ່ທີ່ຍັງບໍ່ທັນມີປະສົບການຫລາຍກັບສະພາບການເຫນັງຕິງລ້ານທຸລະກິດຕ້ອງອົດທົນຜ່ານຜ່າອຸປສັກ ຫັນປ່ຽນໄປຕາມສະພາບທຸລະກິດທີຈະເຕີບໃຫຍ່ຫລືລຸດລົງຂໍໃຫ້ຕັ້ງສະຕິມີເຫດມີຜົນມີການປືກສາຜູ້ຮູ້ຜູ້ທີ່ມີປະສົບການແກ້ໃຂບັນຫາ ແລະ ປະກອບສວ່ນເສັຍພັນທະຊ່ວຍຊາດ.

แชร์