ໂຮງຮຽນເຄເອັນຊີ ສະຫລອງວັນຄູແຫ່ງຊາດ

ໂຮງຮຽນເຄເອັນຊີ ໄດ້ຈັດພິທີສະເຫລີມສະຫລອງວັນຄູແຫ່ງຊາດລາວຄົບຮອບ 28 ປີ (7/10/1994-7/10/2022)ຂຶ້ນເມື່ອວັນທີ 6 ຕຸລານີ້, ໂດຍມີບັນດາຄູ-ອາຈານ, ນັກຮຽນພາຍໃນໂຮງຮຽນເຂົ້າຮ່ວມ. ໃນພິທີນອກຈາກໄດ້ມອບໃບຍ້ອງຍໍໃຫ້ຄູ-ອາຈານ, ໃບປະກາດສະນີຍະບັດໃຫ້ນັກຮຽນແລ້ວ, ຍັງມີການຫວນຄືນປະຫວັດຄວາມເປັນມາຂອງວັນຄູແຫ່ງຊາດລາວແລະມີການແຂ່ງຂັນກິລາຕີບານນຳອີກ.

ທາງໂຮງຮຽນຈຸດເດັ່ນຂອງພວກເຮົາກໍຄືການເນັ້ນໜັກໃນການສິດສອນໃຫ້ນັກຮຽນສາມາດຍາດໄດ້ນັກຮຽນເກັ່ງຂັ້ນເມືອງຂັ້ນນະຄອນຫຼວງເຊິ່ງເປັນສິ່ງທ້າທາຍ ແລະ ເປັນວຽກບູລິມະສິດຂອງໂຮງຮຽນຂອງພວກເຮົາເຖິງວ່າຈະເປັນໂຮງຮຽນທີ່ເປັນນ້ອງໃໝ່ແຕ່ກໍສາມາດຕິດອັນດັບນັກຮຽນເກັ່ງເມືອງຫາດຊາຍຟອງໃນສົກຮຽນຜ່ານໆມາ.ຄຽງຄູ່ກັນນັ້ນ,ໂຮງຮຽນຂອງພວກເຮົາກໍຍັງເອົາໃຈໃສ່ໃນດ້ານກິລາແລະ ສິລະປະ ເຊິ່ງເປັນການເຝິກທັງຮ່າງກາຍ ແລະຈິດໃຈໃຫ້ກັບນັກຮຽນ. ມີຫລາກຫລາຍກິດຈະກໍາເຊັ່ນ: ແຂ່ງຂັນກິລາໂດຍສະເພາະບານເຕະທີ່ໄດ້ຮ່ວມແຂ່ງຂັນບານເຕະມິດຕະພາບກັບຫຼາຍໆສະໂມສອນ, ແຂ່ງຂັນສິລະປະ, ແຂ່ງຂັນຕອບຄໍາຖາມວິທະຍາສາດ ແລະແຂ່ງເວົ້າພາສາອັງກິດ, ແຂ່ງຂັນພິມດີດເປັນຕົ້ນ.

ປະຈຸບັນມີນັບແຕ່ຊັ້ນລ້ຽງເດັກ-ອະນຸບານຈົນເຖິງ ຊັ້ນມັດທະຍົມສົມບູນ. ນັກຮຽນ 800 ນ້ອງ. ພະນັກງານຄູອາຈານທັງໝົດ 53 ທ່ານ ສົກຮຽນໃໝ່ທາງໂຮງຮຽນເຄເອັນຊີແມ່ນພ້ອມເປີດຮັບນັກຮຽນໃນສົກຮຽນໃໝ່ທີ່ຈະມາເຖິງໃນວັນທີ 29.8.2022 (ກົງກັບວັນຈັນ),ມີສ່ວນຫຼຸດໃຫ້ແກ່ຜູ້ທີ່ຈ່າຍກ່ອນໝົດປີມີສ່ວນຫຼຸດ 10%.

ສຸດທ້າຍຢາກທານຝາກເຖິງຜູ້ປົກຄອງທີ່ຜ່ານມາມີຄວາມໄວ້ໃຈຝາກລູກມາຮຽນນຳ ແລະຜູ້ປົກຄອງໃໝ່ທີ່ບໍ່ທັນຮູ້ຝາກເບີໂທສະຖານທີ່ສະຖານທີ່ໂຮງຮຽນເຄເອັນຊີ,ບ້ານຖິ່ນຕົມ ເມືອງຫາດຊາຍຟອງ ນະຄອນຫຼວງວຽງຈັນ ໂທ: 030 5595299, 020 59690555

แชร์