ລາວຟອດຊີຕີ ເປີດໂຕລົດ 2 ລຸ້ນໃໝ່ຫຼ້າສຸດ ໃນຕະຫຼາດລາວ

ວັນທີ 30 ກັນຍາຜ່ານມາ ລາວຟອດຊີຕີ ຕົວແທນຜູ້ຈັດຈຳໜ່າຍຜະລິດຕະພັນລົດຟອດໜຶ່ງດຽວໃນ ສປປ ລາວ ໄດ້ຈັດພິທີເປີດດໂຕລົດລຸ້ນໃໝ່ຫຼ້າສຸດ  2 ລຸ້ນໃນນັ້ນມີຟອດເນັກເຈນເນີເຣນຊັນ ເເລະຟອດເອເວີເຣດສະປອດໂດຍມີທ່ານ ດາວວອນ ພະຈັນທະວົງ ຮອງປະທານສະພາການຄ້າເເລະອຸດສະຫະກໍາເເຫ່ງຊາດລາວ, ທ່ານ ປີເຕີເຣມອນ ເອກອັກຄະລັດຖະທູດສະຫະລັດອາເມລິກາ ປະຈໍາລາວ,ທ່ານ ເວັນເເມັກອີນທອສ ຜູ້ບໍລິຫານທົ່ວໄປຂອງບໍລິສັດລາວຟອດຊີຕີ, ມີບັນດາເເຂກຖືກເຊີນພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ລົດ 2 ລຸ້ນ ທີ່ນຳມາສະເໜີຄັ້ງນີ້, ມີລົດຟອດເອເວີເຣດທ໌ ສະປອດ 4x2 6AT(Ford Everest Sport 4x2 6AT) ມາພ້ອມກັບເຄື່ອງຈັກ 2.0 ລິດ ເທີໂບດ່ຽວ, ພ້ອມກັບລະບົບເກຍອັດຕະໂນມັດ 6 ສະປີດ, ທີ່ໃຫ້ກຳລັງແຮງມ້າສູງເຖິງ 170 ແຮງມ້າ ທີ່ 3.500 ຮອບຕໍ່ນາທີ ແລະແຮງບິດສູງສຸດ 405 ນິວຕັນແມັດ ທີ່ 1.750-2.500 ຮອບຕໍ່ນາທີ ແລະ ລົດຟອດເຣນເຈີ ແວວແທກ 10AT(Ford Ranger Wildtrak 10AT) ສຸດຍອດລົດກະບະເຕັກໂນໂລຊີທີ່ມາພ້ອມເຄື່ອງຈັກ 2.0 ລິດ Bi-Turbo (ເທີໂບຄູ່) ພ້ອມກັບເກຍອັດຕະໂນມັດ 10 ຄວາມໄວ, ມອບກຳລັງ 210 PS ຢູ່ທີ່ 3.750 ຮອບຕໍ່ນາທີ ແລະແຮງບິດສູງສຸດ 500 ນິວຕັນແມັດ ທີ່ 1.750-2.000 ຮອບຕໍ່ນາທີ.

ທ່ານ ເວັນເເມັກອິນທອສ ກ່າວວ່າ: ລົດທີ່ນຳມາວາງຈຳໜ່າຍຄັ້ງນີ້, ໄດ້ພັດທະນາຊ່ວງລ່າງ, ເພີ່ມຄວາມກວ້າງຂອງຖານລໍ້ຫລາຍຂຶ້ນເພື່ອປະສິດທິພາບ ແລະຄວາມໝັ້ນຄົງຂອງການຂັບຂີ່ ແລະຫ້ອງໂດຍສານກວ້າງຂວາງຫລູຫລາພ້ອມເຕັກໂນໂລຊີໃໝ່ໆ ເປັນຕົ້ນມີລະບົບຊ່ວຍຈອດອັດສະລິຍະທີ່ຈະເຮັດໃຫ້ການຈອດລົດສະດວກ ແລະງ່າຍຂຶ້ນ, ລະບົບເບກອັດຕະໂນມັດຂະນະຖອຍຫລັງເມື່ອມີສິ່ງກີດຂວາງ ແລະລະບົບຄວບຄຸມລົດໃຫ້ຢູ່ລະຫວ່າງກາງເລນເພື່ອຊ່ວຍໃຫ້ລົດບໍ່ອອກຈາກນອກເລນໃນຂະນະຂັບຂີ່.

ລົດທີ່ນຳມາວາງຈຳໜ່າຍຄັ້ງນີ້, ໄດ້ພັດທະນາຊ່ວງລ່າງ, ເພີ່ມຄວາມກວ້າງຂອງຖານລໍ້ຫລາຍຂຶ້ນເພື່ອປະສິດທິພາບ ແລະຄວາມໝັ້ນຄົງຂອງການຂັບຂີ່ ແລະຫ້ອງໂດຍ ສານກວ້າງຂວາງຫຼູຫຼາພ້ອມເຕັກໂນໂລຊີໃໝ່ໆ ເປັນຕົ້ນມີລະບົບຊ່ວຍຈອດອັດສະລິຍະທີ່ຈະເຮັດໃຫ້ການຈອດລົດສະດວກ ແລະງ່າຍຂຶ້ນ, ລະບົບເບກອັດຕະໂນມັດ ຂະນະຖອຍຫຼັງເມື່ອມີສິ່ງກີດຂວາງ ແລະລະບົບຄວບຄຸມລົດໃຫ້ຢູ່ລະຫວ່າງກາງເລນເພື່ອຊ່ວຍໃຫ້ລົດບໍ່ອອກຈາກນອກເລນໃນຂະນະຂັບຂີ່.

แชร์