ຍທຂ ແຂວງໄຊສົມບູນ ປາຖະກະຖາວັນຄ້າຍວັນເກີດ ປະທານໄກສອນ ພົມວິຫານຄົບຮອບ 102 ປີ ແລະ ວັນຄ້າຍວັນເກີດປະທານ ສຸພານຸວົງ ຄົບຮອບ 113 ປີ

ພິທີ ປາຖະກະຖາວັນຄ້າຍວັນເກີດ ປະທານໄກສອນ ພົມວິຫານ ແລະ ວັນຄ້າຍວັນເກີດປະທານ ສຸພານຸວົງ ຄົບຮອບ 113 ປີ ແລະ ເຊື່ອມຊືມເອກະສານສອງວັນປະຫວັດສາດສາຍພົວພັນມິດຕະພາບ ລາວ-ຫວຽດນາມ ແລະ ເອກະສານມະຕິກອງປະຊຸມ ຄົບຄະນະບໍລິຫານສູນກາງ ພັກ ຄັ້ງທີ 4 ສະໄໝທີ XI ແລະ ເອກະສານມະຕິກອງປະຊຸມ ຄະນະບໍລິຫານງານພັກ ແຂວງໄຊສົມບູນ ຄັ້ງທີ່ 8 ສະໄໝທີ 1 ໄດ້ຈັດຂຶ້ນໃນຕອນເຊົ້າຂອງວັນທີ 29 ກັນຍາ 2022 ນີ້ ທີ່ພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ໂດຍການເປັນປະທານຂອງ ທ່ານ ຄຳພຸດ ແກ້ວວົງພອນ ຮອງຫົວໜ້າພະແນກ ໂຍທາທິການ ແລະ ຂົນສົ່ງ ແຂວງໄຊສົມບູນ ແລະ ພະນັກງານລັດຖະກອນພາຍໃນພະແນກຂອງຕົນ ແລະ ພາກສ່ວນກ່ຽວຂ້ອງເຂົ້າຮ່ວມ.

          ໃນພິທີ ຜູ້ເຂົ້າຮ່ວມໄດ້ຮັບຟັງ ປາຖະກະຖາວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 102 ປີ ແລະ ວັນຄ້າຍວັນເກີດປະທານ ສຸພານຸວົງ ຄົບຮອບ 113 ປີ ແລະ ຮັບຟັງການເຊື່ອມຊືມເອກະສານສອງວັນປະຫວັດສາດສາຍພົວພັນມິດຕະພາບ ລາວ-ຫວຽດນາມ ຈາກທ່ານ ຢໍ່ເລົ່າ ຢົງຊາ, ຮອງຫົວໜ້າພະແນກ ໂຍທາທິການ ແລະ ຂົນສົ່ງ ແຂວງ ແລະ ຍັງໄດ້ຮັບຟັງການເຊື່ອມຊືມເອກະສານມະຕິກອງປະຊຸມ ຄົບຄະນະບໍລິຫານສູນກາງ ພັກ ຄັ້ງທີ 4 ສະໄໝທີ XI ແລະ ເອກະສານມະຕິກອງປະຊຸມ ຄະນະບໍລິຫານງານພັກ ແຂວງໄຊສົມບູນ ຄັ້ງທີ່ 8 ສະໄໝທີ 1 ຈາກທ່ານ ຄຳພຸດ ແກ້ວວົງພອນ ຕື່ມອີກ ທັງນີ້ກໍເພຶ່ອເຮັດໃຫ້ພະນັກງານ-ລັດຖະກອນພາຍໃນພະແນກ ໄດ້ຮັບຮູ້ ແລະ ເຂົ້າໃຈຄວາມໝາຍ-ສໍາຄັນ ທາງປະຫວັດສາດ ຊຶ່ງໄດ້ສະແດງໃຫ້ເຫັນເຖິງມູນເຊື້ອແຫ່ງການປະຕິວັດ ຂອງປະທານ ໄກສອນ ພົມວິຫານ ແລະ ປະທານ ສຸພານຸວົງ ໃນຂະບວນການຕໍ່ຕ້ານຝຣັ່ງເພື່ອກອບກູ້ເອົາເອກະລາດ ແລະ ມູນເຊື້ອແຫ່ງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງສອງຊາດລາວ-ຫວຽດນາມ ທີ່ເປັນປັດໄຈສໍາຄັນໃນການຕັດສິນໄຊຊະນະ ຂອງການປະຕິວັດ ໃນພາລະກິດປົດປ່ອຍຊາດໃນເມື່ອກ່ອນ ກໍຄືການສ້າງສາພັດທະນາ

 ໃນປັດຈຸບັນ. ສະນັ້ນ ການຈັດພິທີປາຖະກະຖາ ແລະ ເອກະສານທີ່ສໍາຄັນໃນຄັ້ງນີ້ ກໍເພື່ອເປັນການປູກຈິດສໍານຶກ, ໂຄສະນາ-ສຶກສາອົບຮົມ ບັນດາສະມາຊິກພັກ, ພະນັກງານຫຼັກແຫຼ່ງຂອງຕົນ ໄດ້ຮັບຮູ້, ເຂົ້າໃຈ ເຖິງຄວາມໝາຍຄວາມສໍາຄັນຂອງວັນປະຫວັດສາດດັ່ງກ່າວ ໂດຍສະເພາະແມ່ນ ການອຸທິດສະຕິປັນຍາ, ການເສຍສະຫຼະເຫື່ອແຮງ, ກຳລັງວັງຊາເຄື່ອນໄຫວຮັບໃຊ້ຊາດ, ຮັບໃຊ້ປະຊາຊົນ ຢ່າງບໍ່ຮູ້ອິດເມື່ອຍ ເພື່ອພ້ອມກັນເອົາໃຈໃສ່ຄົ້ນຄ້ວາຮໍ່າຮຽນເອົາມູນເຊື້ອປະຕິວັດ, ຄຸນທາດການເມືອງອັນໜັກແໜ້ນ, ຄວາມສະຫຼາດຫຼັກແຫຼມ, ໄຫວພິບອັນແຫຼມຄົມ ແລະ ນໍ້າໃຈການຕໍ່ສູ້ ຢ່າງເດັດດ່ຽວຂອງທ່ານຜູ້ນຳ, ນັກປະຕິວັດປົດປ່ອຍຊາດ ມາເປັນແບບຢ່າງ ໃນການຈັດຕັ້ງປະບັດວຽກງານຂອງຕົນ ກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ ໃຫ້ບັນລຸຜົນສໍາເລັດ ພ້ອມທັງສືບຕໍ່ເອົາໃຈໃສ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມ ຂອງສາຍພົວພັນຮອບດ້ານ ລະຫວ່າງ ສອງຊາດລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງທະນົງແກ່ນ ຕະຫຼອດໄປ.

ບກ ທ່ານ ຄຳສາວ ເລືອງຄຳທິບ.

ພາບ-ຂ່າວ ນາງ ຄຳໝັ້ນ ພຽງພິລາ

แชร์