ເຂື່ອນນ້ຳຂອງໄຊຍະ ຈະສ້າງສຳເລັດທ້າຍປີນີ້

   ໂຄງການກໍ່ສ້າງເຂື່ອນໄຟຟ້າພະລັງງານນ້ໍາ-ນໍ້າຂອງທີ່ແຂວງໄຊຍະບູລີ ພາຍຫຼັງທີ່ລົງມືມາແຕ່ຊຸມປີມານີ້ຮອດປະຈຸບັນຫຼາຍໜ້າວຽກແມ່ນມີຜົນສຳເລັດ     ສະເລ່ຍແລ້ວ 98% ຂອງໜ້າວຽກທັງໝົດຂະນະທີ່ໂຄງການຈະໃຫ້ສຳເລັດ 100% ໃນທ້າຍປີ 2019 ໂດຍເຂື່ອນມີກຳລັງຕິດຕັ້ງທັງໝົດ 1,28 ພັນເມກາວັດ.

  ໃນວັນທີ 30 ມີນາ 2019 ນີ້, ຄະນະຜູ່ແທນຂັ້ນສູງພັກແຮງງານ ສປປ ເກົາຫຼີ, ນໍາໂດຍທ່ານ ລີຊູຢອງ, ກໍາມະການກົມການເມືອງສູນກາງພັກ, ຮອງປະ ທານພັກແຮງງານ,ຫົວໜ້າຄະນະພົວພັນຕ່າງປະເທດສູນກາງພັກແຮງງານເກົາຫຼີ,ໄດ້ຢ້ຽມຢາມ ແລະເຮັດວຽກຢູ່ແຂວງໄຊຍະບູລີ, ໃຫ້ການຕ້ອນຮັບໂດຍທ່ານ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງໄຊຍະບູລີ, ພ້ອມດ້ວຍການນໍາທຸກພານສ່ວນຂອງແຂວງໃຫ້ການຕ້ອນຮັບຢ່າງອົບ ອຸ່ນ.

  ກ່ອນອື່ນທີມງານຂອງຄະນະຜູ້ແທນຂັ້ນສູງພັກແຮງງານ ສປປ ເກົາຫຼີແມ່ນໄດ້ຢ້ຽມຢາມໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງ, ພ້ອມທັງໄດ້ຮັບຟັງການລາຍງານຫຍໍ້ຂອງການກໍ່ສ້າງເຂື່ອນດັ່ງກ່າວຈາກທ່ານ ກິດພົບ ສະສົມຊັບ, ຜູ້ຊ່ວຍຜູ້ຈັດການໂຮງໄຟຟ້າໄຊຍະບູລີ, ບາງຕອນທ່ານໄດ້ກ່າວວ່າ: ໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງມາຮອດປະຈຸບັນແມ່ນມີຄວາມຄືບໜ້າແລ້ວ 98 ກວ່າ%, ລັກສະນະຂອງເຂື່ອນເປັນເຂື່ອນນໍ້າໄຫຼໂດຍສະເລ່ຍການ ໄຫຼຂອງນໍ້າແມ່ນ 4.000 ແມັດກ້ອນຕໍ່ ວິນາທີ, ມີຄວາມສູງ28,5 ແມັດຄວາມກ້ວາງຂອງສັນເຂື່ອນ 820 ແມັດ, ມີບານປະຕູລະບາຍນໍ້າ 7 ປ່ອງ ແລະ ບານປະຕູ ລະບາຍຕະກອນ 4 ປ່ອງ, ມີຊ່ອງທາງ ເຮືອຂຶ້ຶຶຶຶຶຶນລ່ອງກວ້າງ 12 ແມັດ, ຍາວ700 ແມັດສາມາດຮັບຮອງເຮືອຂົນສົ່ງສິນຄ້າໄດ້ 500 ໂຕນ, ເຂື່ອນດັ່ງກ່າວມີກຳລັງ ຕິດຕັ້ງໄຟຟ້າທັງໝົດ 1.285 ເມກາວັດ, ມີ 8 ຊຸດ, ໃນນີ້ມີເຄື່ອງກຳເນີດໄຟຟ້າຂະໜາດ 175 ເມກາວັດ 7 ຊຸດສົ່ງໄຟຟ້າຜ່ານລະ ບົບສາຍສົ່ງ 500 ກິໂລໂວນຂາຍໃຫ້ການ ໄຟຟ້າຜະລິດແຫ່ງປະເທດໄທ ແລະເຄື່ອງກຳເນີດໄຟຟ້າ 60 ເມກາວັດຈຳນວນ 1 ຊຸດແມ່ນຈະໄດ້ສົ່ງຜ່ານສາຍສົ່ງ 115 ກິໂລໂວນ ເພື່ອຮັບໃຊ້ໃນ ສປປ ລາວ, ລວມມູນຄ່າການກໍ່ສ້າງທັງໝົດ 4 ຕື້ໂດລາ ສະຫະລັດ, ການກໍ່ສ້າງຈະສໍາເສັດ 100% ໃນທ້າຍປີ 2019 ຈາກນັ້ນທີມງານດັ່ງກ່າວກໍ່ໄດ້ເຂົ້າຢ້ຽມຊົມໜ້າວຽກການກໍ່ ສ້າງຕົວຈິງຢູ່ໂຮງໄຟຟ້າ.

 ໂອກາດດັ່ງກ່າວ ທ່ານ ລີຊູຢອງ, ພ້ອມດ້ວຍຄະນະກໍ່ໄດ້ເຂົ້າຢ້ຽມຂໍ່ານັບ ທ່ານ ພົງສະຫວັນ ສິດທະວົງ, ເຈົ້າແຂວງໄຊຍະບູລີ, ພ້ອມທັງໄດ້ຮັບຟັງສະພາບການພັດທະນາເສດຖະກິດ-ສັງຄົມຂອງແຂວງຈາກທ່ານເຈົ້າແຂວງ, ໂດຍລວມແລ້ວການພັດທະນາເສດຖະກິດສັງຄົມຂອງແຂວງແມ່ນອິງໃສ່ 3 ທ່າແຮງຕົ້ນຕໍໃນການພັດທະນາເຊັ່ນ: ການຜະລິດກະສິກໍາ, ການບໍລິການ-ການທ່ອງທ່ຽວ ແລະອຸດສາຫະກໍາໄຟຟ້າ,ໂດຍອີງໃສ່ 3 ທ່າແຮງດັ່ງກ່າວເຮັດໃຫ້ເສດຖະກິດຂອງແຂວງຂະຫຍາຍຕົວໃນລະດັບ 8,7%, ລາຍໄດ້ສະເລ່ຍ 2.550 ໂດລາຕໍ່ຄົນຕໍ່ປີ, ທ່ານເຈົ້າແຂວງຍັງໄດ້ຮຽກຮ້ອງໃຫ້ ທ່ານ ລີຊູຢອງ ຊ່ວຍລະດົມນັກທຸລະ ກິດ, ຜູ້ປະກອບການຂອງ ສປປ ເກົາຫຼີ ໃຫ້ເຂົ້າມາລົງທຶນຢູ່ແຂວງໄຊຍະບູລີ ເປັນຕົ້ນແມ່ນລົງທຶນໃສ່ໃນການຜະລິດສະບຽງອາຫານສໍາເລັດຮູບຈາກຜົນຜະລິກກະສິກໍາຂອງປະຊາຊົນເພື່ອບໍລິໂພກພາຍໃນ ແລະສົ່ງອອກຂາຍໄປຕ່າງປະເທດ.

ຂ່າວ: ອຸ່ນເຮືອນ ໂພທິລັກ     

แชร์