ໂຮງຮຽນບ້ານດອນ ໄດ້ຮັບເຄື່ອງຊ່ວຍເຫຼືອຈາກອົງການພີດ 3000

 ວັນທີ 25 ມີນາ 2019 ນີ້,ໂຮງຮຽນປະຖົມສົມບູນບ້ານດອນເມືອງຊຳເໜືອ ແຂວງຫົວພັນໄດ້ຮັບການຊ່ວຍເຫຼືອອຸປະກອນການສຶກສາຈາກອົງການພີດ 3000 ສ. ເກົາຫຼີ ໃນໂອກາດທີ່ອົງການດັ່ງກ່າວລົງມາຢ້ຽມຢາມໂຮງຮຽນປະຖົມບ້ານດອນທີ່ເປັນໂຮງຮຽນພາຍໃຕ້ການຊ່ວຍທືນກໍ່ສ້າງຂອງ ຕົນອຸປະກອນທີ່ນຳມາມອບຄັ້ງນີ້ປະ ກອບມີເຄື່ອງກີລາ 133 ຊຸດ, ອຸປະ ກອນການສຶກສາປະເພດປື້ມຂຽນ, ສໍດຳ, ບິກ, ຄອມພິວເຕີໂນດບຸກ, ຊຸດເຄື່ອງສ່າຍພາບໂປຣເຈັກເຕີ 1 ເຄື່ອງ, ຈັກກ໊ອບປີ, ປິນເຕີ ແລະ ໂຕະຫີນ 2  ຊຸດ ລວມມູນຄ່າທັງໝົດ 38 ລ້ານກີບ.

 ຊຶ່ງກ່າວມອບໂດຍທ່ານ ຄິມ ຕາງຫນ້າອົງການພີດ 3000, ກ່າວຮັບໂດຍທ່ານ ນາງ ສຸກສີດາ ເກດເກສອນ ອຳນວຍການໂຮງ ຮຽນປະຖົມສົມບູນບ້ານດອນ, ມີ ທ່ານ ກິໂກໂນວັນ ບຸນສົງຄາມ ຮອງເຈົ້າເມືອງຊຳເໜືອ, ພາກສ່ວນທີ່ກ່ຽວຂ້ອງຂັ້ນແຂວງ ແລະເມືອງ ຊຳເໜືອ ເຂົ້າຮ່ວມເປັນສັກຂີພິຍານ.

 ໃນໂອກາດດຽວກັນ, ຄະນະດັ່ງກ່າວຍັງໄດ້ລົງສຳຫຼວດພື້ນທີ່ເພື່ອກໍ່ສ້າງໂຮງຮຽນປະຖົມສົມບູນບ້ານລ້ອງເອືອດ ເມືອງຊຳເໜືອ ຊຶ່ງໂຄງການກໍ່ສ້າງໄດ້ຮັບການ ຊ່ວຍເໜືອຈາກອົງການພີດ 3000 ມູນຄ່າ 60 ພັນໂດລາ ຄາດວ່າຈະ ເລີ່ມລົງມືກໍ່ສ້າງໃນມໍ່ໆນີ້.

ໂດຍ: ໄອແກ້ວ

• 02/04/2019