ຫສພ ຫວນຄືນມູນເຊື້ອສະຫະພັນນັກຮົບເກົ່າແຫ່ງຊາດລາວ ໃຕ້ຮົ່ມທຸງຂອງພັກ

ຫ້ອງວ່າການສູນກາງ ພັກປະຊາຊົນ ປະຕິວັດລາວ (ຫສພ) ສົມທົບກັບສະຫະພັນນັກຮົມເກົ່າ ຈັດປາຖະຂະຖາມູນເຊື້ອ ສະຫະພັນນັກຮົບເກົ່າແຫ່ງຊາດລາວ 20 ປີ ໃຕ້ຮົ່ມທຸງຂອງພັກ ວັນທີ 27 ກັນຍາ 2022 ຢູ່ຫ້ອງວ່າການສູນກາງພັກ ໂດຍມີ ສະຫາຍ ກິ່ງເພັດ ມົງຄົນວິໄລ ຄະນະປະຈໍາພັກ, ຮອງຫົວໜ້າຫ້ອງວ່າການສູນກາງພັກ, ບັນດາສະຫາຍຄະນະພັກ, ຄະນະຫ້ອງວ່າການສູນກາງພັກ ແລະ ພະນັກງານທົ່ວຫ້ອງວ່າການສູນກາງພັກ ເຂົ້າຮ່ວມ. ທັງນີ້, ກໍເພື່ອເປັນການສະເຫລີມສະຫລອງວັນສ້າງສະຫະພັນນັກຮົບເກົ່າແຫ່ງຊາດລາວ 20 ປີ( 9 ກັນຍາ 2022-9 ກັນຍາ2022)ໃຫ້ມີເນື້ອໃນເລິກເຊິ່ງ, ກວ້າງຂວາງທົ່ວຖັນແຖວພະນັກງານ-ລັດຖະກອນ ແລະ ປະຊາ ຊົນບັນດາເຜົ່າ.

ໂອກາດນີ້, ສະຫາຍ ພົນໂທ ແສງນວນ ໄຊຍະລາດ ໄດ້ຍົກໃຫ້ເຫັນຄວາມເປັນມາຂອງການສ້າງຕັ້ງນັກຮົບເກົ່າ ຢູ່ໃນໂລກ ແລະ ອົງການສະຫະພັນນັກຮົບເກົ່າ ຢູ່ ສປປ ລາວ, ໄດ້ເລົ່າເຖິງ ຄວາມເປັນມາຊາດລາວ ວິລະຊົນພິລະອາດຫານ, ສືບທອດມູນເຊື້ອການຕໍ່ສູ້ບໍ່ຍອມຈຳນົນຂອງບັນພະບູລຸດຜູ້ອາດຫານ ຕ້ານກັບຈັກກະພັດຜູ້ຮຸກຮານ ໂດຍພາຍໃຕ້ການນຳພາຂອງບັນດາວິລະບູລຸດ ຜູ້ເກັ່ງກ້າທັງ ຫລາຍ ແລະ ການຕໍ່ສູ້ກູ້ຊາດຕ້ານການລ່າເມືອງຂຶ້ນແບບເກົ່າ ແລະ ແບບໃໝ່ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ແລະ ການຕໍ່ສູ້ຕ້ານສົງຄາມຮຸກຮານ; ພ້ອມນີ້, ຍັງຍົກໃຫ້ເຫັນປະຫວັດການກຳເນີດຂອງສະຫະພັກນັກຮົບເກົ່າ ເຊັ່ນ: ຄວາມສຳນຶກກ່ຽວກັບນັກຮົບເກົ່າລາວ, ສະພາບແວດລ້ອມພາໃຫ້ສ້າງຕັ້ງສະຫະພັນນັກຮົບເກົ່າ, ຄວາມສຳຄັນ ແລະ ຄວາມຈຳເປັນພາວະວິໃສ ໃນການສ້າງຕັ້ງສະຫະພັນນັກຮົບເກົ່າ ແລະ ທັດສະນະຂອງພັກປະຊາຊົນ ປະຕິສັດລາວ ຕໍ່ກັບສະຫະພັນນັກຮົບເກົ່າ; ຜົນງານ ແລະການເຕີບໃຫຍ່ຂອງສະຫະພັນນັກຮົບເກົ່າແຫ່ງຊາດລາວຕະຫລອດ 20 ປີ ໃຕ້ຮົ່ມທຸງຂອງພັກ ແລະ ທິດທາງໃນຕໍ່ໜ້າ ໃນການເສີມຂະຫບາຍທາດແທ້ມູນເຊື້ອ ຂອງນັກຮົບເກົ່າໃນພາລະກິດປົກປັກຮັກສາ ແລະ ພັດທະນາປະເທດຊາດ.

ການປາຖະກະຖາ ດັ່ງກ່າວໄດ້ເຮັດໃຫ້ ພະນັກງານທົ່ວຫ້ອງວ່າການສູນກາງພັກໄດ້ຮັບຮູ້ໄດ້ ເຖິງປະຫວັດຄວາມເປັນມາ, ຄວາມໝາຍຄວາມສຳຄັນ, ທີ່ຕັ້ງ ພາລະບົດບາດ ຂອງສະຫະພັນນັກຮົບເກົ່າຕະຫລອດ 20 ປີທີ່ຜ່ານມາ ແລະ ໄດ້ຮຽນຮູ້ເຖິງຜົນງານ ແລະ ຄຸນງາມຄວາມດີຂອງບັນດາ ນັກຮົບຜູ້ພິລະອາດຫານທີ່ໄດ້ອຸທິດ ເລືອດເນື້ອ ແລະ ຊີວິດຂອງຕົນເຂົ້າໃນການຕໍ່ສູ້ປົກປ້ອງປະເທດຊາດ ແລະ ຜືນແຜ່ນດິນອັນຄົບຖ້ວນອຸດົມສົມ ແລະ ສົ່ງຕໍ່ໃຫ້ຄົນຮຸ່ນສືບທອດ ສືບຕໍ່ສ້າງສາພັດທະນາໃຫ້ມີຄວາມຈະເລີນຮຸ່ງເຮືອງຕໍ່ໄປ.

ຂ່າວ-ພາບ: ຫ້ອງວ່າການສູນກາງພັກ

แชร์