ອຸທິຍານແຫ່ງຊາດຫີນໜາມໜໍ່ ເປັນມໍລະດົກໂລກທາງທຳມະຊາດ       

ສປປ ລາວ  ກຽມສົ່ງຄຳຮ້ອງ ສະເໜີອຸທິຍານແຫ່ງຊາດຫີນໜາມໜໍ່ ເປັນມໍລະດົກໂລກທາງທຳມະຊາດ ເຖິງສູນມໍລະດົກໂລກອົງການອຸຍແນັສໂກ ໃນທ້າຍເດືອນກັນຍາ 2022 ເພື່ອຂໍຄໍາປຶກສາກ່ຽວກັບຄວາມຄົບຖ້ວນຂອງຂໍ້ມູນ ຫລັງຈາກນັ້ນສູນມໍລະດົກໂລກ ຈະສົ່ງຄໍາເຫັນກັບຄືນມາພາຍໃນເດືອນພະຈິກ 2022 ເພື່ອໃຫ້ກະກຽມເອກະສານຮ່າງຄໍ້າຮ້ອງ ໄດ້ປັບປຸງທາງດ້ານເນື້ອໃນ,ຂໍ້ມູນເອກະສານເພີ່ມຕື່ມ ເພື່ອກະກຽມໃຫ້ແກ່ການສົ່ງເອກະສານຄໍາຮ້ອງສະບັບສົມບູນໃນເດືອນກຸມພາ 2023 ເພື່ອພິຈາລະນາຮອບສຸດທ້າຍ ແລະ ຕ້ອງໄດ້ລໍຖ້າຈົນເຖິງ ເດືອນມິຖຸນາ ປີ 2024,ສູນມໍລະດົກໂລກອົງການອຸຍແນັສໂກ ຈະແຈ້ງຜົນຂອງການຍື່ນເອກະສານຄຳຮ້ອງ ແລະ ປະກາດເປັນມໍລະດົກໂລກ ຮ່ວມຊາຍແດນກັບອຸທິຍານແຫ່ງຊາດມໍລະດົກໂລກຂອງ ສສ ຫວຽດນາມ.

ໃນວັນທີ27 ກັນຍາ 2022 ນີ້, ໄດ້ມີກອງປະຊຸມຄະນະກໍາມະການລະດັບຊາດເພື່ອມໍລະດົກໂລກ ເພື່ອຮັບຟັງການລາຍງານຄວາມຄືບໜ້າຂອງວຽກງານຕ່າງໆ ທີ່ປິ່ນອ້ອມ, ກະກຽມເນື້ອເອກະສານຄໍາຮ້ອງສະເໜີອຸທິຍານແຫ່ງຊາດ ຫີນໜາມໜໍ່ ເປັນມໍລະດົກໂລກ,ຄວາມຄືບໜ້າໃນການກະກຽມເອກະສານຄຳຮ້ອງ ແລະ ແຜນການເຮັດວຽກໃນຕໍ່ໜ້າ ເພື່ອນຳສົ່ງເອກະສານຄຳຮ້ອງເຖິງສູນມໍລະດົກໂລກ ແລະ ການຮ່ວມມືກັບ ສສ ຫວຽດນາມ,ພ້ອມທັງຮັບຟັງການລາຍງານເນື້ອໃນຂໍ້ມູນໃນເອກະສານຮ່າງ ຄໍາຮ້ອງສັງລວມຫຍໍ້ຈາກຜູ້ຊ່ຽວຊານກະກຽມຮ່າງຄຳຮ້ອງ ໂດຍສະເພາະໃນວາລະປະ ກອບຄຳເຫັນ ແລະ ປຶກສາຫາລືນັ້ນ ບັນດາຜູ້ເຂົ້າຮ່ວມປະຊຸມທີ່ໄດ້ປະກອບຄໍາເຫັນໃສ່ບາງຂໍ້ມູນທີ່ຍັງບໍ່ທັນຊັດເຈນ ກ່ຽວກັບຂໍ້ມູນທີ່ຕິດພັນກັບຂະແໜງການ ແລະ ໂຄງການລົງທຶນພັດທະນາຂອງສູນກາງ ແລະ ທ້ອງຖິ່ນຮັບຜິດຊອບ ທີ່ມີທີ່ຕັ້ງໂຄງການຢູ່ອ້ອມຮອບ ແລະໃກ້ຄຽງກັບອຸທິຍານແຫ່ງຊາດຫີນໜາມໜໍ່ ອີກດ້ວຍ.

ໃນໂອກາດນີ້,ທ່ານນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ກໍໄດ້ມີຄຳເຫັນວ່າ: ການສະເໜີເປັນມໍ ລະດົກໂລກ ຮ່ວມຊາຍແດນ ລະຫວ່າງ ອຸທິຍານແຫ່ງຊາດຫີນໜາມໜໍ່ ແລະ ອຸທິຍານ ແຫ່ງຊາດ ຟອງຫຍາແກບັງ ມໍລະດົກໂລກຂອງ ສສ ຫວຽດນາມ ວຽກງານບູລິມະສິດຂອງສອງປະເທດລາວ-ຫວຽດນາມ ເຊິ່ງໄດ້ຕົກລົງຮ່ວມມືກັນຜ່ານຫລາຍຂອບວຽກງານ ທັງແບບສອງຝ່າຍ ແລະ ການຮ່ວມມືຜ່ານເວທີສາກົນ ເປັນຕົ້ນ ໃນສັນຍາວ່າດ້ວຍການຮ່ວມມືທະວິພາຄີ ລະຫວ່າງ ລັດຖະບານຂອງ ສປປ ລາວ ແລະ ລັດຖະບານ ສສ ຫວຽດນາມ 2021-2025, ແຜນການຮ່ວມມືດ້ານສິລະປະ,ວັດທະນະທຳ ແລະ ທ່ອງທ່ຽວລະຫວ່າງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສປປ ລາວ ແລະ ກະຊວງ ວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ 2021-2025 ແລະ ການຮ່ວມມືກັນພາຍໃຕ້ສົນທິສັນຍາມໍລະດົກໂລກ 1972 ຂອງອົງການອຸຍແນັສໂກ ວ່າດ້ວຍການປົກປັກຮັກສາ ມໍລະດົກໂລກທາງດ້ານວັດທະນະທໍາ ແລະ ທຳມະຊາດ.

ທ່ານນາງ ສວນສະຫວັນ ວິຍະເກດ ຍັງກ່າວຕື່ມອີກວ່າ: ລັດຖະບານແຫ່ງ ສປປ ລາວ ຍາມໃດກໍໃຫ້ຄວາມສຳຄັນຕໍ່ຄຸນຄ່າມໍລະດົກທາງດ້ານວັດທະນະທຳ, ປະຫວັດສາດ ແລະ ທຳມະຊາດ ໂດຍໄດ້ເອົາໃຈໃສ່ປົກປ້ອງ ຟື້ນຟູອະນຸລັກ ສືບທອດ ແລະ ສົ່ງເສີມ ມໍລະດົກຂອງຊາດໃຫ້ຍືນຍົງຄົງຢູ່ຄູ່ກັບຊາດລາວ ຄົນລາວຕະຫລອດໄປ,ຖືເອົາທ່າແຮງທາງດ້ານມູນເຊື້ອວັດທະນະທຳ,ປະຫວັດສາດ ແລະ ທຳມະຊາດ ເປັນໃຈກາງ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ,ເປັນແຮງຍູ້ດັນເຮັດໃຫ້ສັງຄົມລາວໄດ້ພັດທະນາກ້າວຂຶ້ນ ບົນພື້ນຖານການປົກປັກຮັກສາ ເຊີດຊູເອກະລັກທາງດ້ານວັດທະນະທໍາ,ປະຫວັດສາດ ແລະ ທຳມະຊາດ ຂອງຕົນ ຊຶ່ງເປັນຊັບພະ ຍາກອນທາງດ້ານມໍລະດົກອັນລ້ຳຄ່າຂອງຊາດ ເປັນສະເໜ່ດຶງດູດນັກທ່ອງທ່ຽວທັງພາຍ ໃນ ແລະ ຕ່າງປະເທດ ໃຫ້ຫລັ່ງໄຫລກັນມາທ່ຽວຊົມ ສຶກສາຮຽນຮູ້ ແລະ ສຳຜັດກັບວັດທະນະທຳປະຫວັດສາດ ແລະ ທຳມະຊາດ ອັນອຸດົມຮັ່ງມີຂອງປະເທດລາວ ປະ ກອບສ່ວນສຳຄັນໃນການສ້າງແຫລ່ງລາຍຮັບ ທາງດ້ານເສດຖະກິດຂອງຊາດ ຕາມເປົ້າໝາຍຂອງການພັດທະນາແບບຍືນຍົງ.

ຂະນະເມື່ອບໍ່ດົນມານີ ທ່ານ ອິນທີ ເດືອນສະຫວັນ ປະທານກຸ່ມບໍລິສັດ ອິນທິຣາກຣຸບໃຫ້ທັດສະນະວ່າ: ຈາກອຸດົມການທີ່ຄ້າຍກັນ, ຄວາມເຊື່ອອັນດຽວກັນ ມື້ນີ້ພວກເຮົາຈະຮ່ວມມືກັນສ້າງ Phongha & Hin Namnor ແລະບັນດາເຂດທີ່ມີທ່າແຮງຂອງແຂວງຄຳມ່ວນໃຫ້ກາຍເປັນ Capital Adventure of Asia

Phongnha ເຂດຜາຫີນທຳມະຊາດທີ່ແຂວງ ກວາງບີງປະເທດຫວຽດນາມ ທີ່ຖືກຮັບຮອງຈາກ UNESCO ໃຫ້ເປັນມໍລະດົກໂລກທາງທຳມະຊາດ, ເຂດທີ່ຢູ່ເຊື່ອມຕໍ່ກັບ ປ່າສະຫງວນຫີນຫນາມຫນໍ່ ແຂວງຄຳມ່ວນ ທີ່ກຳລັງຈະຖືກຮັບຮອງເປັນມໍລະດົກທາງທຳມະຊາດແຫ່ງທຳອິດຂອງປະເທດລາວຈາກ UNESCO ເຊັ່ນກັນ,ເຊີ່ງແນ່ນອນມັນຈະເປັນມໍລະດົກທາງທຳມະຊາດທີ່ເຊື່ອມຕໍ່ລາວ-ຫວຽດນາມທີ່ສາມາດເພີ່ມແຮງດືງດູດນັກທ່ອງທ່ຽວທີ່ມີອານຸພາບສູງ.

ທ່ານ Chau A Nguyen - Founder ຂອງບໍລິສັດ  Oxalis, ບໍລິສັດພັດທະນາການທ່ອງທ່ຽວຖໍ້າແບບອານຸລັກຂອງຫວຽດນາມ, ທ່ານໄດ້ນຳພາຢ່າງໄກ້ສິດຕິແທດ, ແລະທຸ້ມເທທຸກຢ່າງ ຈົນສາມາດສ້າງພະລິດຕະພັນການທ່ອງທ່ຽວຖໍ້າ ຈົນຢູ່ໃນແຖວຫນ້າຂອງໂລກໃນເວລາພຽງ 11 ປີ.

ມື້ນີ້ຂ້າພະເຈົ້າດີໃຈທີ່ໄດ້ມີໂອກາດມາຖອດຖອນບົດຮຽນ ແລກປ່ຽນປະສົບການ.ຄວາມສຳເລັດຂອງ Oxalis ແມ່ນນຳສະເຫນີປະສົບການ ການທ່ອງທ່ຽວຖຳ້ທີ່ມີຄວາມອາລັງການຂອງມັນ ຄຽງຄູ່ກັບການປົກປັກຮັກສາ, ການເຮັດວຽກກັນເປັນທີມຂອງທຸກໆພາກສ່ວນ, ການສ້າງຄວາມພໍດີຂອງພະລິດທະພັນ, ສະຫລຸບແລ້ວກໍ່ແມ່ນການທ່ອງທ່ຽວ ອານຸລັກ ແບບຊຸມຊົນມີສ່ວນຮ່ວມ (Eco Tourism) ເຊີ່ງ Greendiscovery ກໍ່ມີເປົ້າຫມາຍອັນດຽວກັນ.

แชร์