ຄອບຄົວຮອງນາຍົກ ລະດົມທຶນ 2,4 ຕື້ກີບ ສ້າງໂຮງຮຽນປະຖົມສົມບູນພັນໄຊ

   ເນື່ອງຈາກເຫັນໄດ້ຄວາມສຳຄັນໃນການພັດທະນາວຽກງານການສຶກສາໂດຍສະເພາະແມ່ນບັນດາເຂດທ້ອງຖິ່ນທີ່ຫຼາຍບ່ອນຍັງມີຄວາມຕ້ອງການສິ່ງທີ່ຈຳ ເປັນໃຫ້ແກ່ການຮຽນ-ການສອນເປັນຕົ້ນຫ້ອງຮຽນ ແລະອຸປະກອນຕ່າງໆດັ່ງນັ້ນຄອບຄົວທ່ານ ສອນໄຊ ສີພັນດອນ ຮອງນາຍົກລັດຖະມົນຕີຈິ່ງໄດ້ມີການ ລະດົມທຶນຈາກສັງຄົມເພື່ອສ້າງໂຮງຮຽນປະຖົມສົມບູນພັນໄຊ ເມືອງຊຳເໜືອ ແຂວງຫົວພັນ ຊ່ຶງມາຮອດປະຈຸບັນໄດ້ສຳເລັດພ້ອມມີພິທີມອບ-ຮັບ ແລະເປີດໃຊ້ຢ່າງເປັນທາງການລວມມູນຄ່າກໍ່ສ້າງ 2,42 ຕື້ກີບ.

ພິທີມອບ-ຮັບໂຮງຮຽນປະຖົມສົມບູນພັນໄຊ ໄດ້ຈັດຂື້ນໃນວັນທີ 28 ມີນາຜ່ານມາທີ່ໂຮງຮຽນດັ່ງກ່າວ, ໂດຍໃຫ້ກຽດຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ, ພ້ອມດ້ວຍການນຳແຂວງ, ການນຳເມືອງຊຳເໜືອ, ຄູອາຈານ ແລະນ້ອງນ້ອຍນັກ ຮຽນເຂົ້າຮ່ວມ.

  ໂຄງການກໍ່ສ້າງໂຮງຮຽນປະຖົມບ້ານພັນໄຊແຫ່ງນີ້ໄດ້ລົງມື້ກໍ່ສ້າງມາແຕ່ວັນທີ່ 2  ກັນຍາ  2018 ເປັນອາຄານຮຽນ 2 ຊັ້ນ, ຂະໜາດ 9 x 33 ແມັດ, ມີ 6 ຫ້ອງຮຽນ, 1 ຫ້ອງການຄູ, ມີຫໍສະໝຸດ 1 ຫ້ອງ, ຫ້ອງນໍ້າສາທາລະນະ 1 ຫຼັງ, ແຕ່ລະຫ້ອງປະກອບດ້ວຍໂຕະຕັ້ງ, ກະດານ, ໄຟຟ້າ, ນໍ້າປະປາ ແລ ສິ່ງອຳນວຍຄວາມສະດວກຄົບຊຸດ, ສາມາດຮັບນັກຮຽນຊັ້ນປະຖົມ ແລະຊັ້ນມັດທະຍົມໄດ້ປະມານ 228 ຄົນ, ໂດຍແມ່ນບໍລິສັດໄຊເສດຖາກໍ່ສ້າງຂົວທາງຈຳກັດເປັນຜູ້ຮັບເໝົາກໍ່ສ້າງມີມູນຄ່າການກໍ່ສ້າງທັງໝົດ 2, 42 ຕື້ກີບ, ທຶນຈໍານວນດັ່ງກ່າວໄດ້ມາຈາກການລະດົມທຶນຈາກຂອງ ຄອບຄົວ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແລະໄດ້ສະໜັບສະ ໜູນງົບປະມານທັງໝົດຈາກ ທ່ານ ສີທັດ ໄຊສຸລິວົງ ປະທານທະນາຄານ S.T.B,

 ໃນພິທີມອບ-ຮັບໂຮງຮຽນຫຼັງໃໝ່ນີ້ໂອກາດດັ່ງກ່າວທ່ານຮອງນາຍົກລັດຖະມົນຕີຍັງໄດ້ນຳເອົາອຸປະກອນການຮຽນທີ່ຈຳເປັນຈຳນວນໜຶ່ງມາມອບໃຫ້ແກ່ນັກ ຮຽນເຊັ່ນ: ປື້ມຂຽນ, ສໍດຳ, ບິກຂຽນ ແລະອຸປະກອນການຫຼິ້ນກີລາໃຫ້ແກ່ໂຮງຮຽນ, ຈາກນັ້ນຍັງໄດ້ຮ່ວມເປີດປ້າຍ, ຕັດແຖບຜ້າ, ປູກຕົ້ນໄມ້ເພື່ອເປັນສິລິມຸງຄຸນ ແລະ ເປັນທີ່ລະນຶກໃຫ້ແກ່ໂຮງຮຽນເພື່ອເປັນສິລິມົງຄຸນ ແລະເປັນທີ່ລະນຶກໃຫ້ແກ່ໂຮງຮຽນອີກດ້ວຍ.

ຂ່າວ: ສິອຳພອນ    

แชร์