ເມືອງບົວລະພາ ທຳລາຍສິນຄ້າໝົດອາຍຸ

 ເພື່ອປະຕິບັດຕາມກົດໝາຍວ່າດ້ວຍການປົກປ້ອງຜູ້ຊົມໃຊ້  ແລະ ຂໍ້ຕົກລົງວ່າດ້ວຍການຈັດຕັ້ງປະຕິບັດວຽກງານປົກປ້ອງຜູ້ຊົມໃຊ້ຂອງຂະແໜງອຸດສາຫະ ກຳ ແລະ ການຄ້າແຂວງຄຳມ່ວນ.

  ໃນວັນທີ 26 ມີນາ 2019 ທີ່ ຜ່ານມາຫ້ອງການອຸດສາຫະກໍາ ແລະການຄ້າເມືອງບົວລະພາ, ໄດ້ສົມທົບກັບພາກສ່ວນທີ່ກ່ຽວຂ້ອງນໍາເອົາສີນຄ້າທີ່ນຳເຂົ້າແບບຜິດກົດໝາຍ, ສິນຄ້າລອກລຽນແບບ ແລະໝົດອາຍຸເພື່ອມາທຳລາຍເປັນຕົ້ນແມ່ນອາຫານສຳເລັດຮູບ, ໝີ່ໄວໆ, ປາກະປ໋ອງ,ເຂົ້າໝົມຢາປົວພະຍາດ ແລະ ເຄື່ອງດື່ມປະເພດຕ່າງໆເປັນຕົ້ນແມ່ນນ້ຳອັດລົມ, ນົມສຳເລັດຮູບ ແລະອື່ນໆລວມທັງໝົດ 32 ລາຍການລວມມູນຄ່າທັງໝົດ 10.379.000 ກີບ (ສິບລ້ານສາມແສນເຈັດສິບເກົ້າພັນກີບ), ຊຶ່ງສິນຄ້າດັ່ງກ່າວແມ່ນໄດ້ຢືດມາຈາກ 5 ກຸ່ມບ້ານຄື: ກຸ່ມບ້ານຕາຫຼອງ, ກຸ່ມບ້ານຂະຍູ້, ກຸ່ມນ້ຳຈະຫລາ,ກຸ່ມບ້ານຈະແລດ ແລະເຂດເທດສະບານເມືອງຄື: ບ້ານທ່າແຮ່, ບ້ານນາສົມບູນ ແລະ ບ້ານປ່າກ້ວຍໃຕ້. ການທຳລາຍສີນຄ້າທີ່ຜິດກົດໝາຍ ແລະ ໝົດອາຍຸໃນຄັ້ງນີ້ ນຳພາໂດຍທ່ານ ບຸນໝອມ ນໍລະມຸນ ຫົວໜ້າຫ້ອງການອຸດສາຫະກຳ ແລະ ການຄ້າເມືອງໃຫ້ກຽດເຂົ້າຮ່ວມໂດຍ ທ່ານ ຄັນທະລັງສີ ໄຊຍະລາດ ຮອງເຈົ້າເມືອ ງເມືອງບົວລະພາພ້ອມດ້ວຍບັນດາຫົວໜ້າ, ຮອງຫົວໜ້າຫ້ອງການພະນັກງານວິຊາການທີ່ກ່ຽວຂ້ອງຕະຫລອດຮອດການຈັດຕັ້ງບ້ານ, ນາຍບ້ານເຂົ້າຮ່ວມເປັນສັກຂິພິຍານຢ່າງພ້ອມພຽງ.

  ຈຸດປະສົງຂອງການທຳລາຍໃນຄັ້ງນີ້ກໍ່ເພື່ອປະຕິບັດຕາມຄຳສັ່ງ ແລະແຈ້ງການຂອງພະແນກອຸດສາຫະກຳການຄ້າແຂວງໃຫ້ປາກົດຜົນເປັນຈິງ ແລະ ເພື່ອເປັນການສະກັດກັ້ນການລັກລອບການນຳເຂົ້າສິນຄ້າປະເພດຕ່າງໆແບບຜິດກົດໝາຍ ແລະສິນຄ້າທີ່ໝົດອາຍຸໃຫ້ໝົດໄປຈາກເມືອງບົວລະພາ, ຊຶ່ງສິນຄ້າດັ່ງກ່າວແມ່ນໄດ້ນໍາໄປຈູດທຳລາຍທີ່ສຸສານບ້ານນາພະນັງເມືອງບົວລະພາ.

ຂ່າວ: ບຸນປະພາດ 

แชร์