ອຸດົມໄຊ ຈະຊຸກຍູ້ສົ່ງເສີມການລົງທຶນ ເອກະຊົນໃຫ້ໄດ້ 680 ຕື້ກີບ

  ການຈັດຕັ້ງປະຕິບັດວຽກງານສົ່ງເສີມ ແລະຄຸ້ມຄອງການລົງທຶນຂອງພາກເອກະຊົນທັງພາຍໃນ ແລະຕ່າງປະເທດຢູ່ພາຍໃນ ແຂວງອຸດົມໄຊ ໃນໄລຍະ 1 ປີຜ່ານມາເຫັນວ່າມີຜົນສຳເລັດໃນລະດັບໜຶ່ງ, ດັ່ງນັ້ນຄະນະສົ່ງເສີມ ແລະ ຄຸ້ມຄອງການລົງທຶນຂັ້ນແຂວງຈຶ່ງໄດ້ວາງທິດທາງແຜນການເຄື່ອນໄຫວຈັດຕັ້ງປະຕິ ບັດໃນປີ 2019 ໂດຍກຳນົດຄາດຫມາຍສູ້ຊົນໃນແຕ່ລະວຽກງານຢ່າງລະອຽດ.

 ອີງຕາມບົດສະຫຼຸບການຈັດຕັ້ງປະຕິບັດວຽກງານສົ່ງເສີມ ແລະ ຄຸ້ມຄອງການລົງທຶນຂອງພາກເອກະຊົນຢູ່ແຂວງອຸດົມໄຊ ປະຈຳປີ 2018 ແລະ ທິດທາງແຜ ນການປີ 2019 ເຫັນວ່າແຂວງອຸດົມໄຊ ໄດ້ວາງຄາດຫມາຍສູ້ຊົນໃນການຈັດຕັ້ງປະຕິບັດວຽກງານດັ່ງກ່າວເປັນແຕ່ລະໜ້າວຽກຫຼັກຢ່າງລະອຽດໃນນັ້ນວຽກ ງານສົ່ງເສີມ ແລະ ດຶງດູດການລົງທຶນຕ້ອງຜັນຂະຫຍາຍຍຸດທະສາດຂອງແຂວງດ້ວຍການລົງສ້າງບັນຊີໂຄງການລົງທຶນ, ກຳນົດນະໂຍບາຍເພື່ອນຳສະເໜີສະ ພາປະຊາຊົນແຂວງ ແລະລັດຖະບານພິຈາລະນາ, ເຜີຍແຜ່, ໂຄສະນາກ່ຽວກັບທ່າແຮງ ແລະໂອກາດການລົງທຶນຂອງແຂວງໃຫ້ກວ້າງຂວາງ, ຊຸກຍູ້ບັນດາໂຄງການທີ່ໄດ້ເຊັນບົດບັນທຶກ ຄວາມເຂົ້າໃຈໃຫ້ເຄື່ອນໄຫວຢ່າງ ມີປະສິດທິພາບ ແລະສາມາດກ້າວ ໄປສູ່ການສຳຫຼວດລະອຽດ ແລະ ພັດທະນາໂຄງການໃນໄລຍະຕໍ່,ສູ້ຊົນຈັດຕັ້ງປະຕິບັດແຜນການດຶງດູດການລົງທຶນ ແລະສ້າງບັນຊີໂຄງການຮຽກການລົງທຶນຂອງພາກເອກະຊົນພາຍໃນແລະຕ່າງປະເທດໃນກິດຈະ ກຳສຳປະທານໃຫ້ໄດ້ຫຼາຍກວ່າ 20 ໂຄງການ ແລະກິດຈະການທົ່ວໄປໃຫ້ໄດ້ຫຼາຍກ່ວາ 80 ໂຄງການ, ຄາດຄະເນມູນຄ່າການລົງທຶນໃຫ້ບັນລຸ 680 ກວ່າຕື້ກີບ.

  ສ່ວນວຽກງານອື່ນໆໂດຍສະເພາະແມ່ນວຽກງານປັບປຸງກົນໄກການລົງທຶນ, ການຕິດຕາມ, ກວດກາ, ຊຸກຍູ້ການລົງທຶນ ແລະ ມາດຕະການໃນການຈັດຕັ້ງປະຕິບັດກໍໄດ້ກຳນົດໂດຍອີງໃສ່ທິດທາງແຜນການລວມ, ແນວທາງນະໂຍບາຍ ແລະລະບຽບຫຼັກການ.

ໂດຍ: ຄານມະນີ ຮຽນດໍຈັນ

• 01/04/2019