ຕິດຕາມການຊຸຍູ້ໂຄງການ ກ້າໄມ້ແຕກໃບສົດໃສຢືນຕົ້ນໃຫຍ່ງາມ

  ໃນລະຫວ່າງວັນທີ 24-28 ມີ ນາ 2019 ສູນກາງຊາວໜຸ່ມປະຊາຊົນປະຕິວັດລາວ ແລະບໍລິສັດຣາຊ-ລາວບໍ ລິການຈຳກັດໄດ້ລົງຕິດຕາມຊຸກຍູ້ການຈັດງຕັ້ງປະຕິບັດໂຄງການ “ກ້າໄມ້ແຕກ ໃບສົດໃສຢືນຕົ້ນໃຫຍ່ງາມ” ທີ່ບໍລິສັດໄດ້ສະໜັບສະໜູນເງິນທຶນໝູນວຽນຈຳນວນໜຶ່ງໃຫ້ແກ່ສູນກາງ ຊປລ ເພື່ອສ້າງໂອກາດ ແລະມອບທຶນບໍ່ມີດອກເບ້ຍໃນການສ້າງ ອາຊີບທີ່ໝັ້ນຄົງໃຫ້ກັບໄວໜຸ່ມທຸກຍາກ ທີ່ແຂວງອຸດົມໄຊ, ຜົ້ງສາລີ ແລະແຂວງບໍ່ແກ້ວ ຊຶ່ງມີທ່ານ ຄຳປຸ່ນ ແກ້ວວິພາກອນ ຮອງຫົວໜ້າກົມພັດທະນາວິຊາຊີບຊາວໜຸ່ມສູນກາງ ຊປລ, ທ່ານ ນະຣົງວິດ ຄອງສິນ ຜູ້ຈັດການອົງກອນສຳພັນບໍລິສັດຣາຊ-ລາວບໍລິການຈຳກັດພ້ອມນີ້ກໍມີພະນັກງານວິຊາການຈາກສູນກາງຊາວໜຸ່ມປະຊາຊົນປະຕິວັດລາວ,ພະນັກງານບໍລິສັດ ແລະສື່ມວນຊົນສູນກາງຈຳນວນໜຶ່ງເຂົ້າຮ່ວມຕິດ ຕາມ.

  ການລົງຕິດຕາມການຈັດຕັ້ງປະຕິບັດໂຄງການກ້າໄມ້ ແຕກໃບສົດໃສຢືນຕົ້ນໃຫຍ່ງາມຂອງທີມງານບໍລິສັດຣາຊ-ລາວຄັ້ງນີ້ແມ່ນໄດ້ໄປຕິດຕາມຊຸກຍູ້ທ້າວ ບຸນທະວີ ບ້ານນາຫວາຍ ເມືອງບຸນໃຕ້ທີ່ ເຄີຍກູ້ຢືມເງິນ 10,5 ລ້ານກີບ ນຳໂຄງ ການແຕ່ປີ 2012 ປະຈຸບັນໄດ້ສຳເລັດ ການຊຳລະທຶນຄືນໂຄງການໝົດແລ້ວ; ທ້າວ ບຸນເພັງ ໄຊຍະສິດ ອາຍຸ 30 ປີບ້ານ ດອນສະອາດ ເມືອງຫຼາ ແຂວງອຸດົມ ໄຊ ກູ້ຢືມ 10 ລ້ານກີບ ແຕ່ກາງປີ 2018 ແລະມອບທຶນຈຳນວນ 10 ລ້ານກີບ ໃຫ້ ກັບ ທ້າວ ຈອນ ໄຊຍະວົງ ອາຍຸ 20 ປີ ບ້ານຫ້ວຍທາດ ເມືອງເມີງ ແຂວງບໍ່ແກ້ວ ເພື່ອມາສ້າງຮ້ານສ້ອມແປງລົດຈັກຢູ່ທ້ອງຖິ່ນຂອງຕົນໃນກຳນົດ 3 ປີ.

  ຮອງຫົວໜ້າກົມພັດທະນາວິຊາຊີບຊາວໜຸ່ມສູນກາງ ຊປລ ກ່າວວ່າ: ຜ່ານການລົງຕິຕາມຊຸກຍູ້ແກ່ຊາວໜຸ່ມທີ່ໄດ້ຮັບການສະໜັບສະໜູນຈາກບໍລິສັດຣາຊ-ລາວບໍລິການຈຳກັດໄດ້ເຮັດໃຫ້ເຂົາເຈົ້າມີວຽກເຮັດງານທຳສາມາດປະກອບກິດຈະການເປັນຂອງຕົນເອງໄດ້ທີ່ສຳຄັນຄືມີລາຍຮັບໃນແຕ່ລະວັນມາສ້າງຖານະນະຄອບຄົວຈາກທີ່ເຄີຍທຸກຍາກກ້າວມາເປັນຜູ້ທີ່ມີລາຍຮັບລ້ຽງຊີບທີ່ໝັ້ນຄົງຈົນຫຼຸດພົ້ນອອກຈາກຄວາມທຸກຍາກຕາມແນວທາງຂອງພັກ-ລັດວາງອອກ.

  ຜູ້ຈັດການອົງກອນສຳພັນບໍລິສັດຣາຊ-ລາວບໍລິການຈຳກັດກ່າວຕື່ມວ່າ: ບໍລິສັດຣາຊ-ລາວໄດ້ສະໜັບສະໜູນເງິນທຶນໝູນວຽນປະຕິບັດໂຄງການນີ້ມາແຕ່ ຕົ້ນເດືອນເມສາ 2012 ຮອດປະຈຸບັນ ແມ່ນໄດ້ຊ່ວຍເຫຼືອຊາວໜຸ່ມໃນທຸກແຂວງທົ່ວປະເທດໄປແລ້ວ 36 ທຶນລວມເປັນ ເງິນຫລາຍກວ່າ 300 ລ້ານກີບ ປະກອບ ກິດຈະການເປັນຂອງຕົນເອງເຊັ່ນ: ກິດຈະການສ້ອມແປງລົດຈັກ, ຊ່າງຈອດ, ຊ່າງເສີມສວຍ, ຕັດຫຍິບເປັນເຈົ້າຂອງກິດຈະການຊຶ່ງເປັນການສ້າງລາຍຮັບໃຫ້ແກ່ຕົນເອງ ແລະຄອບຄົວດີຂຶ້ນເທື່ອລະກ້າວ, ພ້ອມນີ້ບໍລິສັດຍັງຄາດຫວັງວ່າຈະເປັນໂຄງການຕົ້ນແບບເພື່ອໃຫ້ບໍລິສັດເອກະຊົນອື່ນໆໃນລາວໄດ້ນຳເອົາຮູບ ແບບການຊ່ວຍເຫລືອທີ່ຍືນຍົງໄປນຳໃຊ້ ປະຕິບັດກັບຊາວໜຸ່ມຄົນອື່ນໆຕໍ່ໄປ.

แชร์