ສທຄ ສະຫຼຸບວຽກງານປະຈຳປີ

  ກອງປະຊຸມສະພາທະນາຍຄວາມທົ່ວປະເທດປະຈຳປີ 2018 ໄດ້ຈັດຂຶ້ນວັນທີ 29 ມີນາ 2019 ທີ່ຫໍປະຊຸມແຫ່ງຊາດພາຍໃຕ້ເປັນປະທານຂອງທ່ານ ໄຊສີ ສັນຕິວົງ ລັດຖະມົນກະຊວງຍຸຕິທຳ, ທ່ານ ຄຳໃສ ສຸລິນທອນ ປະທານຄະນະບໍລິຫານສະພາທະນາຍຄວາມລາວບັນດາສະຖາບັນອ້ອມຂ້າງກະຊວງຍຸຕິທໍາບັນ ດາກົມສືບສວນ-ສອບສວນ, ຄະນະບໍລິຫານງານສະພາທະນາຍຄວາມ, ສະມາຊິກທະນາຍຄວາມໃນທົ່ວປະເທດເຂົ້າຮ່ວມ.

  ທ່ານ ວໍລັດສະໝີ ສຸລິປະພັນ ຮອງປະທານສະພາທະນາຍຄວາມລາວໄດ້ລາຍງານຜ່ານບົດສະຫຼຸບການເຄື່ອນໄຫວປະຕິບັດພາລະບົດບາດ ແລະໜ້າທີ່ແຜນງານໃນປີຜ່ານມາວ່າ: ສະພາທະນາຍຄວາມ ຫຼື ສທຄ ໄດ້ຖືເອົາພາຍໃຕ້ການນຳພາຂອງພັກ, ຂອງກະຊວງຍຸຕິທຳ ແລະຄະນະພັກຂັ້ນຕ່າງໆດ້ວຍການປະສານສົມທົບໃຫ້ການຊ່ວຍເຫຼືອບັນດາຂະແໜງການ, ອົງການຕ່າງໆລວມທັງອົງການພັກ, ອົງການລັດ, ແນວລາວສ້າງຊາດ, ອົງການຈັດຕັ້ງມະຫາຊົນໃນແຕ່ລະຂັ້ນ ແລະ ປະຊາຊົນບັນດາເຜົ່າໃນທົ່ວປະເທດໂດຍຄວາມເປັນເຈົ້າການຄຸ້ມຄອງມີຜົນສຳລັດຫຼາຍດ້ານໃນນັ້ນສະເພາະຂະແໜງການເງິນແມ່ນໄດ້ຄຸ້ມຄອງບໍລິ ຫານດີສົມຄວນໂດຍພະນັກງານທຸກຄົນໄດ້ມີຄວາມຊື່ສັດຕໍ່ໜ້າທີ່ຄວາມຮັບຜິດຊອບ ຂອງຕົນ ສຳລັບປີ 2017 ມີຍອດລາຍຮັບ 127 ລ້ານກວ່າກີບສ່ວນປີ 2018 ມີ 494 ກວ່າລ້ານກີບ ແລະລາຍຈ່າຍ 390 ລ້ານກວ່າກີບ ສ່ວນຍອດເຫຼືອ 231 ລ້ານກວ່າກີບ ພ້ອມນັ້ນຍັງໄດ້ຊ່ວຍເຫຼືອທາງດ້ານກົດໝາຍທີ່ເປັນພັນທະຂອງສະພານາຍຄວາມຕາມກຳນົດໄວ້ໃນລະບຽບການກໍ່ຄືທະນາຍຄວາມຕ້ອງໃຫ້ການຊ່ວຍເຫຼືອທາງດ້ານກົດໝາຍ 40 ຊົ່ວ ໂມງຕໍ່ຄົນຕໍ່ປີ ແລະຊ່ວຍ ເຫຼືອແກ້ໄຂຄະດີໜຶ່ງເລື່ອງຕໍ່ຄົນຕໍ່ປີໃນນັ້ນແມ່ນໄດ້ຊ່ວຍເຫຼືອໃຫ້ແກ່ປະຊາຊົນມີ 226 ເລື່ອງ, ມີ 1.330 ເທື່ອຄົນເປັນຄະດີແພ່ງ 182 ເລື່ອງ ແລະຄະດີອາ ຍາ 84 ເລື່ອງ.

 ນອກນັ້ນຍັງໄດ້ເຄື່ອນໄຫວຈັດຕັ້ງປະຕິບັດແຜນການຂອງທະນາຍຄວາມທີ່ໄດ້ວ່າງອອກໃນປີ 2018 ບັນລຸຜົນສຳເລັດເປັນຢ່າງດີ ແລະມີຫຼາຍດ້ານເມື່ອທຽບໃສ່ປີ 2017 ໄດ້ມີລັກສະນະພົ້ນ ເດັ່ນຂຶ້ນຄື: ດ້ານກົງຈັກການຈັດຕັ້ງກໍ່ໄດ້ຮັບການປັງປຸງ, ມີບາດກ້າວເຕີບໃຫຍ່ຂະ ຫຍາຍຕົວນັບທັງຈຳນວນ ແລະ ຄຸນນະ ພາບອັນໄດ້ເປັນປະກອບສ່ວນສຳຄັນໃນການສ້າງເງື່ອນໄຂໃຫ້ປະຊາຊົນບັນດາເຜົ່າໄດ້ເຂົ້າເຖິງການບໍລິການດ້ານກົດໝາຍ, ເຂົ້າເຖິງຂະບວນຍຸຕິທຳ ແລະ ພ້ອມຕ້ານການລ່ວງລະເມີດສິດອັນຊອບທຳຂອງປະຊາຊົນ.

ຂ່າວ: ແພງຕາ   

แชร์