ເປີດເຜີຍ 8 ລາຍຊື່ນ້ອງນັກຮຽນເກັ່ງລະດັບຊາດ

  ສຳເລັດຈົບງາມການສອບເສັງນັກຮຽນເກັ່ງຊັ້ນມັດທະຍົມສຶກສາລະດັບຊາດຈັດທີ່ຈັດຂຶ້ນໃນລະຫວ່າງວັນທີ 26-28 ມິນາຜ່ານມາທີ່ສະໂມສອນມະຫາວິທະ ຍາໄລແຫ່ງຊາດ ແລະໄດ້ມີການປະກາດຜົນຜູ້ຊະນະເລີດວັນທີ 29 ມີນາ 2019 ໂດຍໃຫ້ກຽດເຂົ້າຮ່ວມມອບລາງວັນໃຫ້ນ້ອງນັກຮຽນ ທ່ານ ຄຳຜາຍ ສີສະ ຫວັນ ຮອງລັດຖະມົນຕີກະຊວງສຶກສາທິການ ແລະກີລາພ້ອມດ້ວຍພາກສ່ວນກ່ຽວຂ້ອງຕະຫຼອດຄູອາຈານນ້ອງນັກຮຽນເຂົ້າຮ່ວມ.

  ການສອບເສັງແຂ່ງຂັນນັກຮຽນເກັ່ງຊັ້ນມັດທະຍົມສຶກສາລະດັບຊາດເປັນໜຶ່ງໃນກິດຈະກໍາບຸລິມະສິດທີ່ມີຄວາມສໍາຄັນປະຈໍາສົກຮຽນໃນແຕ່ລະປີ.ສໍາລັບຂັນ ມ4 ໄດ້ຈັດສອບເສັງເປັນປີທີ 10 ແລະ ມ7 ເປັນປີທີ 9 ໂດຍມີຈຸດປະສົງລະດັບຄາດໝາຍເພື່ອສົ່ງເສີມ ແລະ ຊຸກຍູ້ຂະບວນການສອນດີ-ຮຽນເກັ່ງຢູ່ໃນໂຮງ ຮຽນມັດທະຍົມໃນຂອບເຂດທົ່ວປະເທດໃຫ້ມີບັນຍາກາດຟົດຟື້ນມີລັກສະນະແຂ່ງຂັນ ແລະມີຄຸນນະພາບ,ສ້າງໂອກາດໃຫ້ນັກຮຽນໄດ້ສະແດງອອກດ້ານຄວາມຮູ້-ຄວາມສາມາດ, ພອນສະຫວັນ ແລະຫົວຄິດປະຄິດສ້າງຂອງຕົນເອງ.

 ສໍາລັບສົກຮຽນ 2018-2019 ມີນັກຮຽນເກັ່ງເຂົ້າຮ່ວມການສອບເສັງທັງໝົດ 144 ຄົນ, ຍິງ 55 ຄົນ, ໃນນັ້ນ, ມ4 ມີນັກສອບເສັງທັງໝົດ 72 ຄົນ , ຍິງ 32 ຄົນ. ສ່ວນ ມ7 ມີນັກສອບເສັງທັງ ໝົດ 72 ຄົນ, ຍິງ 23 ຄົນ.

 ຜ່ານການສອບເສັງຄັ້ງນີ້ຊັ້ນມັນທະຍົມທີຕົ້ມ ມ4 ໄດ້ຜູ້ຊະນະເລີດຫົວຍອດກະທິວິຊາພາສາລາວ-ວັນນະຄະດີທີ 1 ນາງ ພອນໄພລັກ ໄຊຊະນະຈາກໂຮງຮຽນ ມຕ ນິຣະດາ ຈອມເພັດ ນະຄອນຫຼວງວຽງຈັນ, ຄະນິດສາດທີ1 ທ້າວ ມັກມີໄຊ ໄຊຊະນະ ມຕ ນິຣະດາ ຈອມເພັດ ນະຄອນຫຼວງວຽງຈັນ,ຟິຊິກສາດທີ1 ທ້າວ ເຕັງມົວ ເບຍຊົງມົວ ມສ ພູ ວຽງ ແຂວງຊຽງຂວາງ ແລະເຄມີສາດຕົກເປັນຂອງທ້າວ ຖົງທໍ່ ໄຊກົວ ມສ ເຜົ່າວັງວຽງ ແຂວງວຽງຈັນ, ສ່ວນມັດທະຍົມປາຍວິສາພາສາລາວ-ວັນນະຄະດີທີ 1 ແມ່ນນາງ ພຸດສະຫວັນ ແກ້ວລົດສາ ມປ ພອນສະຫວັນ ນະຄອນປາກເຊແຂວງຈຳປາສັກ, ເຄມີສາດທີ 1 ທ້າວ ປີວ່າງ ຈົງດົງ ມສ ພອນສະຫວັນນະຄອນຫຼວງວຽງຈັນ, ຟິຊິດສາດ ທີ1 ທ້າວ ເລົາຢ່າງ ເຍ່ຍຢີ ມສ ພອນສະຫວັນ ນະຄອນຫຼວງວຽງຈັນ ແລະເຄມີສາດ ທ້າວ ຈ່າງມົວ ໄຊຈູມົວ ມສ ມິດຕະພາບນະຄອນຫຼວງພະບາງໂດຍຜູ້ສອບເສັງໄດ້ອັນດັບທີ 1,2,3 ແຕ່ລະວິຊານອກຈາກໄດ້ຮັບການຍ້ອງຍໍຍັງຈະໄດ້ຮັບທຶນສຶກສາຕໍ່ໃນວິຊາທີ່ຕົວມັກຢູ່ພາຍໃນ ແລະຕ່າງປະເທດ.

ຂ່າວ: ບຸນນິກ   

แชร์