ຮອງຜູ້ບັນຊາການທະຫານສູງສຸດ ກອງທັບແຫ່ງຣາຊະອານາຈັກ ກຳປູເຈຍ ຢ້ຽມຢາມ ແລະ ເຮັດວຽກຢູ່ ສປປ ລາວ

ທ່ານ ພົນໂທ ຮຸນ ມາແນດ ຮອງຜູ້ບັນຊາການທະຫານສູງສຸດ , ຜູ້ບັນຊາການທະຫານບົກກອງທັບ ແຫ່ງຣາຊະ ອານາຈັກກຳປູເຈຍ ພ້ອມຄະນະ ໄດ້ເດີນທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ຢ່າງເປັນທາງການໃນລະ ຫວ່າງວັນທີ 29-31 ສິງຫາ 2022 ຊຶ່ງ ພິທີຕ້ອນຮັບຢ່າງເປັນທາງການໄດ້ຈັດຂຶ້ນໃນຕອນເຊົ້າຂອງວັນທີ 30 ສິງຫາ ນີ້ ທີ່ກະຊວງປ້ອງກັນປະເທດ ໂດຍໃຫ້ການຕ້ອນຮັບ ຂອງ ທ່ານ ພົນຕີ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິ ການກອງທັບປະຊາຊົນລາວ ພ້ອມດ້ວຍຄະນະ.

ພາຍຫຼັງສໍາເລັດພິທີຕ້ອນຮັບ ຢ່າງເປັນທາງການ, ສອງຝ່າຍ ໄດ້ພົບປະແລກປ່ຽນຕີລາຄາຄືນ ສະພາບວຽກງານດ້ານຕ່າງໆ ທີ່ໄດ້ຮ່ວມມືກັນຈັດຕັ້ງປະຕິບັດ ໃນໄລຍະຜ່ານມາ ບົນພື້ນຖານທີ່ມີ ມູນເຊື້ອສາຍພົວພັນອັນດີງາມ ລະຫວ່າງ ສອງຊາດ ກໍຄື ສອງ ກອງທັບ ລາວ- ກຳປູເຈຍ ເຖິງວ່າຈະພົບຄວາມຫຍຸ້ງຍາກແນວໃດກໍຕາມໃນໄລຍະຜ່ານມາ ສອງກອງທັບລາວ-ກຳປູເຈຍ, ກຳປູ ເຈຍ-ລາວ ຍາມໃດມີການເພີ່ມທະວີການຮ່ວມມື ຊຶ່ງກັນແລະກັນຢ່າງແໜ້ນແຟ້ນ ໂດຍສະເພາະວຽກງານຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ກຳປູ ເຈຍ, ກໍາປູເຈຍ-ລາວ , ສອງຝ່າຍເຫັນດີເປັນເອກະພາບເພີ່ມທະວີການພົວພັນຮ່ວມ ມື ຊ່ວຍເຫຼືອເຊິ່ງກັນ ແລະ ກັນ, ການແລກປ່ຽນຄະນະຜູ້ແທນຂອງທັງ ສອງຝ່າຍ ແລະ ການພົວພັນຮ່ວມມືທາງດ້ານ ການພັດທະນາເສດຖະກິດລະຫວ່າງ ກອງທັບປະຊາຊົນລາວ ແລະ ກອງທັບຣາຊະອານາຈັກ ກຳປູເຈຍ , ໂດຍສະເພາະ ການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ກໍາປູເຈຍ, ກຳປູເຈຍ-ລາວ ສ້າງໃຫ້ສະພາບໃນ ຂອບເຂດເສັ້ນຊາຍແດນມີຄວາມ ສະຫງົບສຸກໂດຍພື້ນຖານ, ນອກຈາກນັ້ນ ສອງຝ່າຍ ຍັງເຫັນດີ ເປັນເອກະພາບສືບຕໍ່ຮ່ວມມືໃນ ວຽກງານດ້ານການຊ່ວຍເຫຼືອມະນຸດສະທຳ, ການຕ້ານໄພພິບັດທາງທຳມະຊາດ, ແລກປ່ຽນເຝິກຊ້ອມໄພພິບັດ 3 ກອງທັບ ລາວ-ກຳປູເຈຍ -ຫວຽດນາມ , ແກ້ໄຂບັນຫາຢາເສບຕິດ ,ອາດຊະຍາກໍາຂ້າມຊາດ ລວມທັງບັນຫາອື່ນໆ ທີ່ສອງຝ່າຍໄດ້ສ້າງກົນໄກຮ່ວມກັນ .

ໃນໂອກາດເດີນທາງມາ ຢ້ຽມຢາມມິດຕະພາບ ຢູ່ ສປປ ລາວ ໃນຄັ້ງນີ້, ທ່ານ ຮອງຜູ້ບັນຊາການທະ ຫານສູງສຸດ ແຫ່ງ ຣາຊະອານາຈັກກຳປູເຈຍ ພ້ອມດ້ວຍຄະນະ ຍັງໄດ້ ເຂົ້າວາງພວງມາລາຢູ່ອະນຸສາ ວະລີນັກຮົບນິລະນາມ (ດາວ ແດງ) ແລະ ທ່ຽວຊົມບັນດາສະ ຖານທີ່ທ່ອງທ່ຽວທາງປະວັດສາດ ແລະ ວັດທະນະທໍາ ຈຳນວນ ໜຶ່ງຢູ່ນະຄອນຫຼວງວຽງຈັນ

-----------------

ໂດຍ: ໂຊເລ້ ບຸນເຮືອງ

 

แชร์