ສົກຮຽນໃໝ່ ໂຮງຮຽນອະນຸບານ-ປະຖົມ ອິດສະຫຼະພອນ ພ້ອມແລ້ວຮອງຮັບນ້ອງນັກຮຽນ

ໂຮງຮຽນ ອະນຸບານ - ປະຖົມ ອິດສະຫຼະພອນ ເປັນອີກໜຶ່ງໂຮງຮຽນເອກະຊົນທີ່ເພິ່ນເປີດການຮຽນການສອນແຕ່ລ້ຽງເດັກແຕ່ 2 ປີ ຫາ ຊັ້ນປະຖົມ ປີທີ 5 ປະຈຸບັນທາງໂຮງຮຽນມີຄວາມພ້ອມທຸກດ່ານຮັບນ້ອງນັກຮຽນໃໝ່.

ທ່ານ ນາງ ພອນມະນີ ໄຊຍະວົງ ອຳນວຍການ ໂຮງຮຽນອະນຸບານ - ປະຖົມ ອິດສະຫຼະພອນໃຫ້ຮູ້ວ່າ: ໂຮງຮຽນພວກເຮົາເລີ່ມເປີດການຮຽນການສອນແຕ່ປີ 2016 ແຕ່ລະສົກປີຜ່ານມາ ທາງໂຮງຮຽນມີກິດຈະກຳສຳລັບນັກຮຽນ ມີຫຼາກຫຼາຍແບບຈະແບ່ງອອກ ເປັນ2ຊ່ວງຄື: ຊ່ວງເຂົ້າຮຽນປົກກະຕິ ແະລະລຊ່ວງຮຽນອອນລາຍ.

ຊ່ວງປົກກະຕິ: ສຳລັບພວກເຮົາຈະເນັ້ນນັກຮຽນທາງດ້ານກິລາ, ດົນຕີ ແລະອາຫານສຶກສາ, ກິດຈະກຳການປະດິດຕ່າງໆ ແມ່ນແນ່ໃສໃຫ້ນັກຮຽນມີຈິນຕະນາການ ການປະດິດຄິດສ້າງການຂີດຂຽນໃຫ້ຖືກວິທີ ແລະອື່ນໆ ເພາະສິ່ງພວກນີ້ ມັນເປັນສິ່ງນ້ອຍໆທີ່ສະສົມ ແລະເຫັນຜົນໃນໄລຍະຍາວ.

ສຳລັບປະຖົມ, ພວກເຮົາກໍ່ເນັ້ນກິລາ, ອາຫານ, ສິລະປະກຳຫັດຖະກຳ,ດົນຕີແລະການຮຽນແມ່ນສຸດທ້າຍເພາະວ່າການນັກຮຽນໄດ້ມີຄວາມສຸກມ່ວນຊື່ນໃນການຮຽນສິ່ງໃໝ່ແມ່ນສຳຄັນໃນພື້ນຖານຂອງການຮໍ່າຮຽນຂອງນັກຮຽນ.

ສຳລັບກິດຈະກຳຕ່າງໆ ບໍ່ວ່າຈະຢູ່ຊັ້ນອະນຸບານ ຫຼືປະຖົມປະສົບການທີ່ເຄີຍເຮັດ ແລະເຄີຍສຳພັດແມ່ນສຳຄັນຫຼາຍສຳລັບການຈະເລີນເຕີຍໃຫຍ່. ບໍ່ຈຳເປັນຕ້ອງເກັ່ງທີ່ສຳຄັນແມ່ນເຄີຍສຳພັດໃຫ້ໄດ້ຫຼາກຫຼາຍປະເພດຫຼາກຫຼາຍຊະນິດປະສົບການແມ່ນສຳຄັນຫຼາຍ. ສະນັ້ນ, ກິດຈະກຳຂອງພວກເຮົາຈະມີຫຼາກຫຼາຍແບບ, ຫຼາຍຊະນິດ ໃຫ້ໄດ້ທົດລອງ, ໃຫ້ໄດ້ລົງມືແຕ່ຍັງນ້ອຍໄປຕາມຄວາມສາມາດຂອງເດັກແຕ່ລະອາຍຸ.

ທາງໂຮງຮຽນຈຸດເດັ່ນ ແລະຄວາມແຕກຕ່າງຂອງໂຮງຮຽນຈະແມ່ນຈຸດເດັ່ນທາງສິ່ງແວດແລ້ມຄືມີເດີ່ນໂຮງຮຽນກວ້າງຂວາງເປັນທຳມະຊາດ, ສ່ວນຫຼາຍເດີໂຮງຮຽນຈະເປັນຫຍ້າແທ້, ມີສະລອຍນໍ້າ, ຫ້ອງກິລາໃນຫົ່ມ ແລະໃນອາຄານ, ເດີນບານເຕະກາງແຈ້ງເປັນຫຍ້າແທ້. ເດັ່ນທາງດ້ານການຮຽນ: ແມ່ນພວກເຮົາບໍ່ໄດ້ເນັ້ນການຮຽນ ເປັນຫຼັກ, ພວກເຮົາຈະເນັ້ນດ້ານສຸຂະພາບ, ທາງຈິດໃຈ, ມາລະຍາດ ເປັນຫຼັກ. ການມີສຸຂະພາບດີ, ຈິດໃຈດີ, ມາໂຮງຮຽນມ່ວນຊື່ນ, ແຂງແຮງບໍ່ເປັນໄຂ້ເປັນຫວັດ, ການຮູ້ວິທີຮັກສາສຸຂະອະນາໄມຕົນເອງແມ່ນສຳຄັນຫຼາຍເພື່ອຫຼີກລ້ຽງການຕິດພະຍາດບໍ່ແມ່ນມີແຕ່ພະຍາດໂຄວິດ, ພະຍາດໄຂ້ຫວັດຕ່າງໆ ກໍ່ຫຼີກລ້ຽງຖ້າ ນັກຮຽນແລະພວກເຮົາຮູ້ແລະປະຕິບັດກ່ອນຮັບປະທານອາຫານ ຫຼືເອົາມືເຂົ້າປາກ ຕ້ອງລ້າງມືໃສ່ສະບູທຸກຄັ້ງ. ເມື່ອສຸຂະພາບດີ, ຈິດໃຈດີແລ້ວການສຶກສາຮໍ່າຮຽນກໍ່ຈະມາເອງ.

ປະຈຸບັນໂຮງຮຽນພວກເຮົາມີເລີ່ມແຕ່ລ້ຽງເດັກແຕ່ 2 ປີ ຫາ ຊັ້ນປະຖົມ ປີທີ 5. ແຕ່ລະຫ້ອງ ຈະມີຮັບນັກຮຽນ ໄດ້ສູງສຸດ 24 ຄົນຕໍ່ຫ້ອງ. ພວກເຮົາຈະເລີ່ມເປີດສົກຮຽນໃໝ່ ປະຈຳປີ 2022-2023 ແມ່ນວັນພະຫັດ ທີ 1 ກັນຍາ 2022 ນີ້. ພວກເຮົາມີຄວາມພ້ອມທີ່ຈະເປີດແລ້ວ.

ສຸດທ້າຍອຳນວຍການໃຫ້ຮູ້ວ່າກ່ອນອື່ນກໍຂໍຂອບໃຈຜູ້ປົກຄອງທຸກໆ ໃນນາມຜູ້ເປັນພໍ່ເປັນແມ່, ຫຼືພໍ່ເຖົ້າແມ່ເຖົ້າ, ລຸງປ້ານ້າອາທຸກໆທ່ານທີ່ໄດ້ສະໜັບສະໜູນໂຮງຮຽນຂອງພວກເຮົາໂດຍຕະຫຼອດ ແລະສຳລັບຜູ້ປົກຄອງໃໝ່ກໍ່ຂໍຂອບໃຈທີ່ໄວ້ວ່າງໃຈ, ເຊື່ອໜັ້ນກັບລະບົບການສຶກສາຂອງພວກເຮົາ. ພວກເຮົາຈະສືບຕໍ່ພັດທະນາການສຶກສາຂອງໂຮງຮຽນໃຫ້ ພັດທະນາໄປທຸກໆປີ ເພາະວ່າການຮໍ່າຮຽນມີການພັດທະນາຂຶ້ນຕະຫຼອດເວລາ. ສະນັ້ນ, ທາງໂຮງຮຽນຈະສຶບຕໍ່ຄົ້ນຄວ້າການທັກສະສິດສອນໃຫ້ທັນກັບສະພາບແວດລ້ອມໃໝ່ ແລະການຮຽນຮູ້ໃໝ່ໆ ໃຫ້ແກ່ນັກຮຽນຢ່າງບໍ່ຢຸດຢັ້ງ.ໂຮງຮຽນອະນຸບານ - ປະຖົມ ອິດສະຫຼະພອນຕັ້ງຢູ່ບ້ານໂນນຫວາຍ ຮ່ອມ 6, ເມືອງໄຊເສດຖາ, ນະຄອນຫຼວງວຽງຈັນ

ສົນໃຈຕິດຕໍ່ສອບຖາມ ໂທຫຼື ວອດແອັບ 020 54466405

แชร์