ໂຮງຮຽນ ເຄເອັນຊີ ພ້ອມທຸກດ້ານເປີດຮັບນັກຮຽນສົກຮຽນໃໝ່

ໂຮງຮຽນ ເອເອັນຊີ ເປັນໜຶ່ງໂຮງຮຽນເອກະຊົນທີ່ເພິ່ນເອົາໃຈໃສ່ທຸ່ມເທ່ທຸກດ້ານການສຶກສາເພື່ອໃຫ້ນັກຮຽນຮັບຄຸນນະພາບມາດຖານຂອງກະຊວງສຶກສາທິການແລະ ກີລາວ່າງອອກ ປະຈຸບັນທາງໂຮງຮຽນພ້ອມທຸກດ້ານແລ້ວເປີດຮັບນັກຮຽນ.

ທ່ານ ນາງ ທີບພະພອນ ແກ້ວໜູຈັນ ອຳນວຍການໂຮງຮຽນໃຫ້ຮູ້ວ່າ: ຊຶ່ງສົກຮຽນທີ່ຜ່ານມາທາງໂຮງຮຽນມີຫລາກຫລາຍກິດຈະກໍາເຊັ່ນ: ແຂ່ງຂັນກິລາໂດຍສະເພາະບານເຕະທີ່ໄດ້ຮ່ວມແຂ່ງຂັນບານເຕະມິດຕະພາບກັບຫຼາຍໆສະໂມສອນ, ແຂ່ງຂັນສິລະປະ, ແຂ່ງຂັນຕອບຄໍາຖາມວິທະຍາສາດ ແລະ ແຂ່ງເວົ້າພາສາອັງກິດ, ແຂ່ງຂັນພິມດີດເປັນຕົ້ນ.

ສຳລັບຈຸດເດັ່ນທາງໂຮງຮຽນຂອງພວກເຮົາກໍຄືການເນັ້ນໜັກໃນການສິດສອນໃຫ້ນັກຮຽນສາມາດຍາດໄດ້ນັກຮຽນເກັ່ງຂັ້ນເມືອງຂັ້ນນະຄອນຫຼວງເຊິ່ງເປັນສິ່ງທ້າທາຍ ແລະເປັນວຽກບູລິມະສິດຂອງໂຮງຮຽນຂອງພວກເຮົາເຖິງວ່າຈະເປັນໂຮງຮຽນທີ່ເປັນນ້ອງໃໝ່ແຕ່ກໍສາມາດຕິດອັນດັບນັກຮຽນເກັ່ງເມືອງຫາດຊາຍຟອງໃນສົກຮຽນຜ່ານໆມາ. ຄຽງຄູ່ກັນນັ້ນ, ໂຮງຮຽນຂອງພວກເຮົາກໍຍັງເອົາໃຈໃສ່ໃນດ້ານກິລາ ແລະສິລະປະເຊິ່ງເປັນການເຝິກທັງຮ່າງກາຍ ແລະຈິດໃຈໃຫ້ກັບນັກຮຽນ.

ປະຈຸບັນມີນັບແຕ່ຊັ້ນລ້ຽງເດັກ-ອະນຸບານ ຈົນເຖິງ ຊັ້ນມັດທະຍົມສົມບູນ. ນັກຮຽນ 800 ນ້ອງ. ພະນັກງານຄູອາຈານທັງໝົດ 53 ທ່ານ ຊຶ່ງປະຈຸບັນທາງໂຮງຮຽນມີຄວາມພ້ອມການເປີດຮັບນັກຮຽນເຂົ້າຮຽນສົກຮຽນໃໝ່? ມີສ່ວນຫຼຸດພິເສດແນວໃດແດ່.
- ໂຮງຮຽນເຄເອັນຊີ ແມ່ນພ້ອມເປີດຮັບນັກຮຽນໃນສົກຮຽນໃໝ່ທີ່ຈະມາເຖິງໃນວັນທີ 29.08.2022(ກົງກັບວັນຈັນ), ມີສ່ວນຫຼຸດໃຫ້ແກ່ຜູ້ທີ່ຈ່າຍກ່ອນໝົດປີມີສ່ວນຫຼຸດ 10%.

ສຸດທ້າຍຂໍຂອບໃຈຜູ້ປົກຄອງທິ່ຊ່ວຍຊຸກຍູ້ລູກຫລານເຂົ້າຮຽນທີ່ໂຮງຮຽນເຄເອັນຊີ ເຊິ່ງສະແດງອອກເຖິງຄວາມເອົາໃຈໃສ່ ແລະໃຫ້ຄວາມສໍາຄັນການສົ່ງເສີມວຽກງານການສຶກສາ ແລະພັດທະນາບຸກຄະລກອນຂອງຊາດໃຫ້ມີຄວາມຮູ້ຄວາມສາມາດເພື່ອປະກອບສ່ວນຢ່າງຕັ້ງຫນ້າເຂົ້າໃນການພັດທະນາການຮຽນ-ການສອນ ແລະ ພັດທະນາບັນດານ້ອງນັກຮຽນເຊິ່ງເປັນລູກຫລານປະຊາຊົນເມືອງຫາດຊາຍຟອງໃຫ້ມີຄຸນະພາບດີຂຶ້ນ.

ສະຖານທີ່ ໂຮງຮຽນເຄເອັນຊີ, ບ້ານຖິ່ນຕົມ, ເມືອງຫາດຊາຍຟອງ, ນະຄອນຫຼວງວຽງຈັນ ໂທ: 030 5595299, 020 59690555

แชร์