6 ເດືອນ ເສດຖະກິດແຂວງບໍ່ແກ້ວຂະຫຍາຍຕົວໃນລະດັບ 1,9%

ທ່ານ ອາຊາງ ລາວລີ ອະດີດຮອງນາຍົກລັດຖະມົນຕີໄດ້ລົງຢ້ຽມຢາມແຂວງບໍ່ແກ້ວ ແລະໂອ້ລົມພະນັກງານຫຼັກແຫຼ່ງການນໍາຂອງແຂວງທີ່ຫ້ອງວ່າການປົກຄອງແຂວງບໍ່ແກ້ວ ໃນວັນທີ 22 ສິງຫາ ຜ່ານມານີ້ຊຶ່ງທ່ານ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນໍາຂົງເຂດພັກ-ພະນັກງານ ໄດ້ລາຍງານສະພາບລວມ, ຈຸດພິເສດ, ການສ້າງພື້ນຖານໂຄງລ່າງ ໃນການພັດທະນາແຂວງບໍ່ແກ້ວໄລຍະຜ່ານມາ ແລະແຜນສືບຕໍ່ພັດທະນາແຂວງບໍ່ແກ້ວໃນຕໍ່ໜ້າ; ການພັດທະນາເສດຖະກິດແມ່ນໄດ້ເອົາໃຈໃສ່ຈັດຕັ້ງປະຕິບັດບັນດາໂຄງການລົງທຶນຂອງລັດຄຽງຄູ່ກັບການຍາດແຍ່ງເອົາການລົງທຶນ, ການປະກອບສ່ວນຈາກພາກສ່ວນເສດຖະກິດຕ່າງໆ ດ້ວຍຫຼາຍຮູບການ ເພື່ອສົ່ງເສີມການຜະລິດ ແລະ ການພັດທະນາເຮັດໃຫ້ເສດຖະກິດຂອງແຂວງໄດ້ຮັບການພັດທະນາຖືກທິດ. ໃນ 6 ເດືອນຕົ້ນປີເສດຖະກິດຂະຫຍາຍຕົວໃນລະດັບ 1,9%; ລວມຍອດຜະລິດຕະພັນພາຍໃນ GDP 1.621 ຕື້ກີບ ທຽບໃສ່ແຜນການປີ ປະຕິບັດໄດ້ 44,98%, ໃນນັ້ນ ກະສິກຳ-ປ່າໄມ້ ກວມ 41,25% ຂອງ GDP; ອຸດສາຫະກໍາ ກວມ 10,31%ຂອງ GDP; ການບໍລິການ ກວມ 48,44% ຂອງ GDP. ປີ 2022 ແຂວງບໍ່ແກ້ວ ໄດ້ຮັບໂຄງການລົງທຶນຂອງລັດຈຳນວນ 118 ໂຄງການ ມູນຄ່າ 26.663,28 ລ້ານກີບ ມາຮອດປັດຈຸບັນມີໂຄງການທີ່ສຳເລັດແລ້ວ ມີ 93 ໂຄງການ,ນອກນັ້ນແມ່ນພວມຈັດຕັ້ງປະຕິບັດ, ໄດ້ຊຸກຍູ້ສົ່ງເສີມການລົງທຶນພາກເອກະຊົນ ຊຶ່ງໄດ້ມີການກວດກາຄືນບັນດາສັນຍາ ແລະ MOU ທີ່ໄດ້ອະນຸມັດ ຫຼືເຊັນກັບບໍລິສັດ, ຖ້າໂຄງການໃດໄດ້ຮັບອະນຸມັດແລ້ວບໍ່ຈັດຕັ້ງປະຕິບັດແມ່ນໄດ້ລຶບລ້າງ ຊຶ່ງມີ 5 ໂຄງການ; ໄດ້ອະນຸມັດໂຄງການລົງທຶນໃໝ່ 5 ໂຄງການ ແລະເຊັນບົດບັນທຶກ. ຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ ຈໍານວນ 6 ໂຄງການ. ພ້ອມນັ້ນກໍໄດ້ໃຫ້ບຸລິມະສິດແກ່ສະພາການຄ້າ-ອຸດສາຫະກຳ, ສະມາຄົມນັກທຸລະກິດໜຸ່ມ ແລະ ນັກທຸລະກິດທີ່ເປັນຄົນລາວດຳເນີນໂຄງການຈຳນວນໜຶ່ງເຊັ່ນ: ໂຄງການພັດທະນາການຄ້າ-ການທ່ອງທ່ຽວດອນເຜິ້ງຄຳ, ການພັດທະນາແຫຼ່ງທ່ອງທ່ຽວໜອງຖານ, ດອນປຸ່ງ, ທ່າ ເຮືອ ບ້ານຂອນແກ້ວ, ການພັດທະນາຕະຫຼາດກາງຄືນ, ພັດທະນາແຫຼ່ງທ່ອງທ່ຽວຄ້າຍຝຣັ່ງເກົ່າ ແລະໂຄງການອື່ນໆ.

ໂອກາດນີ້, ທ່ານ ອາຊາງ ລາວລີ ກໍໄດ້ມີຄໍາເຫັນເນັ້ນໜັກໃຫ້ການນໍາຫຼັກແຫຼ່ງຂອງແຂວງຈົ່ງສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ 11 ຂອງສູນກາງພັກ ໃຫ້ທົ່ວເຖິງ, ປັບປຸງລະບົບການເຮັດວຽກຂອງຄະນະພັກ-ຄະນະພະແນກໃຫ້ມີຄວາມສອດຄ່ອງກັບວຽກງານຕົວຈິງ, ເພື່ອແກ້ໄຂປະກົດການຫຍໍ້ທໍ້ທີ່ເກີດຂຶ້ນຕໍ່ຖັນແຖວພະນັກງານ ແລະປະຊາຊົນ ທີ່ພົວພັນຕໍ່ບັນຫາຢາເສບຕິດ, ເພື່ອຮັບປະ ກັນເຮັດໃຫ້ແຂວງບໍ່ແກ້ວມີສະຖຽນລະພາບທາງດ້ານການເມືອງປະຊາຊົນມີຄວາມສະຫງົບສຸກຕໍ່ການປະກອບອາຊີບມີວຽກເຮັດງານທໍາທີ່ດີ, ສືບຕໍ່ລົງຮາກຖານກໍ່ສ້າງການເມືອງຕິດພັນກັບວຽກງານ 3 ສ້າງ ເພື່ອພັດທະນາຊົນນະບົດ, ເຕົ້າໂຮມຄວາມສາມັກຄີ, ຊຸກຍູ້-ສົ່ງເສີມການພັດທະນາເຂດເສດຖະກິດພິເສດສາມຫຼ່ຽມຄໍາ, ສ້າງທ່າແຮງຂອງແຂວງໃຫ້ເປັນແຂວງທີ່ມີສິນຄ້າສົ່ງອອກທີ່ແນ່ນອນ ແລະຜັນຂະຫຍາຍ 2 ວາລະແຫ່ງຊາດໃຫ້ເຂົ້າສູ່ວຽກງ

แชร์