ຄະນະສະຖານທູດຍີ່ປຸ່ນ ປະຈຳລາວ ຢ້ຽມຢາມບໍລິສັດ ລາວ ສືມຸລະ ຈໍາກັດ

ໃນວັນທີ 21 ສິງຫາ 2022 ທາງບໍລິສັດ ລາວ ສືມຸລະ ຈໍາກັດ ແລະອໍານາດການປົກຄອງເມືອງ ໄດ້ຕ້ອນຮັບການເຂົ້າມາຢ້ຽມຢາມຂອງທ່ານໂຄບາຢາຊິ ເຄັນອິຈິ ເອກອັກຄະລັດຖະທູດແຫ່ງປະເທດຍີ່ປຸ່ນ ປະຈຳ ສປປ ລາວ, ໃຫ້ກຽດຕ້ອນຮັບໂດຍທ່ານ ພິດສະໄຫມ ແກ້ວວົງສັກ ຮອງເລຂາພັກເມືອງພ້ອມຄະນະການນຳຂັ້ນເມືອງເລົ່າງາມ, ທ່ານ ຫນູຕຽມ ຄໍາປະເສີດ ຫົວຫນ້າພະແນກການຕ່າງປະເທດແຂວງສາລະວັນ ແລະທ່ານ ຢູຈິ ຮາລະ ຜູ້ອຳນວຍການບໍລິສັດ ລາວສືມຸລະ ຈຳກັດ ພ້ອມຄະນະ.

ຊຶ່ງການລົງຢ້ຽມຢາມຄັ້ງນີ້ແມ່ນໄດ້ຮັບຟັງການລາຍງານຜົນງານການຮ່ວມມືລະຫວ່າງເມືອງເລົ່າງາມ ກັບ ບໍລິສັດ ລາວ ສືມຸລະ ແລະພ້ອມທັງຮັບຟັງການລາຍງານແຜນຈັດຕັ້ງປະຕິບັດໂຄງການຮ່ວມມືສົ່ງເສີມການປູກພືດສະຫມຸນໄພ ໄຊໂກະ ທີ່ເມືອງເລົ່າງາມດ້ວຍຮູບແບບ 2+3 ແລະໄປຢ້ຽມຊົມສວນປູກພືດສະຫມຸນໄພຂອງບໍລິສັດ ລາວ ສືມຸລະ ຈໍາກັດ.ສຳນັກງານໃຫຍ່ຕັ້ງຢູ່: ບ້ານ ເຕເມພໍ່ປູມ ເມືອງເລົ່າງາມ ແຂວງສາລະວັນ.

แชร์