ເຈົ້າແຂວງຈຳປາສັກ ຢ້ຽມຢາມໂຮງງານໄມ້ທີ່ແຂວງບິ່ງເຝືອກ

ຄະນະຜູ້ແທນຂັ້ນສູງແຂວງຈໍາປາສັກ ນໍາໂດຍທ່ານ ວິໄລວົງ ບຸດດາຄຳ ກໍາມະການສູນກາງພັກເລຂາພັກແຂວງ ເຈົ້າແຂວງຈໍາປາສັກໄດ້ໄປຢ້ຽມຢາມໂຮງງານປຸງແຕ່ງໄມ້ VRG Dongwha MDF ຢູ່ສວນອຸດສາຫະກຳ ມິນຮືງ III (ຊອນແທ່ງ) ທີ່ເປັນພື້ນຖານເສດຖະກິດຂອງແຂວງບິ່ງເຝືອກ ສສ ຫວຽດນາມ ໃນວັນທີ 21 ສິງຫາ ຜ່ານມາໂດຍໄດ້ຮັບການຕ້ອນຮັບຈາກ ທ່ານ ເຈີ່ນ ວັນ ມີ ຮອງປະທານຄະນະກຳມະການປະຊາຊົນແຂວງບິ່ງເຝືອກ, ມີຄະນະຜູ້ບໍລິຫານໂຮງງານປຸງແຕ່ງໄມ້ດັ່ງກ່າວ ແລະຜູ້ຕາງໜ້າບັນດາການນຳ, ຂະແໜງການທີ່ກ່ຽວຂ້ອງໃຫ້ການຕ້ອນຮັບ.

ການຢ້ຽມຢາມຄັ້ງນີ້, ທ່ານເຈົ້າແຂວງຈຳປາສັກພ້ອມຄະນະໄດ້ຮັບຟັງການລາຍງານຈາກຜູ້ຕາງໜ້າບໍລິສັດຫຸ້ນສ່ວນໄມ້ VRG Dongwha MDF ກ່ຽວກັບຂະບວນການລົງທຶນ, ສະພາບການຜະລິດ ແລະແຜນການພັດທະນາທຸລະກິດຢູ່ຫວຽດນາມ. ບໍລິສັດ ຫຸ້ນສ່ວນໄມ້ ດັ່ງກ່າວ ແມ່ນບໍລິສັດຫຸ້ນສ່ວນລະຫວ່າງກຸ່ມບໍລິສັດ Dongwha ສ ເກົາຫຼີ ແລະ ກຸ່ມອຸດສາຫະກຳຢາງຫວຽດນາມ ໄດ້ຮັບການສ້າງຕັ້ງເມື່ອປີ 2008. ບໍລິສັດມີເຄື່ອງພິມໄມ້ອັດ MDF ຍາວ 47 ແມັດ - ເປັນເຄື່ອງພິມໃຫຍ່ ແລະ ທັນສະໄໝທີ່ສຸດຢູ່ ຫວຽດນາມ. ວັດຖຸດິບຕົ້ນຕໍແມ່ນໄມ້ຢາງພາລາ, ໄມ້ມ່ວງຫິມະພານ, ໄມ້ແປກຊຶ່ງສະໜອງມາຈາກແຂວງບິ່ງເຝືອກ, ບິ່ງເຢືອງ, ໄຕນິງ ແລະດັກນົງ. ດ້ວຍກຳລັງການຜະລິດ 2 ສາຍຂອງໂຮງງານດ້ວຍເນື້ອທີ່ໄມ້ MDF ກວ່າ 700.000 ຕາແມັດຕໍ່ປີ, ສ້າງລາຍຮັບໄດ້ 142 ລ້ານກວ່າໂດລາ, ສ້າງວຽກເຮັດງານທຳຢ່າງໝັ້ນຄົງ ແລະເປັນປະຈຳໃຫ້ຄົນງານ ແລະນັກຊ່ຽວຊານຕ່າງປະເທດ 240 ຄົນ. ຄຽງຄູ່ກັນນັ້ນ, ບໍລິສັດ ຫຸ້ນສ່ວນໄມ້ VRG Dongwha MDF ພວມຍູ້ແຮງການຜັນຂະຫຍາຍບັນດາເອກະສານນິຕິກຳ ແລະ ຂັ້ນຕອນຍື່ນສະເໜີລັດຖະບານເພື່ອອະນຸຍາດໃຫ້ສືບຕໍ່ລົງທຶນກໍ່ສ້າງສາຍການຜະລິດເລກ 3, ໃນເນື້ອທີ່ 30 ເຮັກຕາ ຂອງເຂດອຸດສາຫະກຳມິນຮືງ III. ໄລຍະທີ 2, ດ້ວຍຍອດຈຳນວນລົງທຶນປະມານ 150 ລ້ານໂດລາ, ໄດ້ຮັບການອອກແບບ 600.000 ແມັດກ້ອນ ຂອງໄມ້ MDF/ປີ. ຄາດວ່າສາຍດັ່ງກ່າວຈະໄດ້ເລີ່ມກໍ່ສ້າງໃນທ້າຍປີນີ້ ແລະຈະສຳເລັດເປີດນຳໃຊ້ໃນເດືອນເມສາ ປີ 2024, ເຮັດໃຫ້ກຳລັງການຜະລິດຂອງໂຮງງານຢູ່ບິ່ງເຟືອກບັນລຸ 1,3 ລ້ານຕາແມັດ/ປີ.

ໂອກາດດັ່ງກ່າວ, ທ່ານເຈົ້າແຂວງຈໍາປາສັກໄດ້ສະແດງຄວາມຂອບໃຈຕໍ່ການຕ້ອນຮັບ ແລະອວຍພອນບັນດາການນຳບໍລິສັດຫຸ້ນສ່ວນໄມ້ VRG Dongwha MDF ໃຫ້ສືບຕໍ່ພັດທະນາ ແລະມີຜົນສຳເລັດໃຫ້ຫຼາຍກວ່າເກົ່າ

แชร์