ຈີນ ຂົນສົ່ງສິນຄ້າທາງລົດໄຟເພີ່ມຂຶ້ນເກືອບ 6%

ຕາມຂ່າວຈາກ ຊິນຮວາ, ວັນທີ 22 ສິງຫາ 2022 ກະຊວງຄົມມະນາຄົມຈີນເປີດເຜີຍປະລິມານການຂົນສົ່ງສິນຄ້າທາງລົດໄຟເພີ່ມຂຶ້ນ 5,9% ຕໍ່ປີໃນ 7 ເດືອນຜ່ານມາໂດຍຍັງຄົງຮັກສາທ່າອ່ຽງການເຕີບໂຕຕໍ່ເນື່ອງຈາກໄລຍະ 6 ເດືອນຕົ້ນປີນີ້. ຂະນະທີ່ການຂົນສົ່ງສິນຄ້າຫລາຍກວ່າ 2,89 ຕື້ໂຕນ ໃນໄລຍະເວລາດັ່ງກ່າວ ແລະມີການຂົນສົ່ງ ສິນຄ້າ 414 ລ້ານກວ່າໂຕນ ໂດຍສະເພາະເດືອນກໍລະກົດ ເພີ່ມຂຶ້ນ 12.3% ເມື່ອທຽບໃສ່ປີກາຍ. ສ່ວນປະລິມານສິນຄ້າທີ່ຜ່ານທາງລົດໄຟຂອງຈີນໃນລະຫວ່າງ ເດືອນມັງກອນ ຫາເດືອນກໍລະກົດເພີ່ມຂຶ້ນ 9,2% ເມື່ອທຽບໃສ່ປີກາຍເປັນຫລາຍກວ່າ 2,05 ພັນຕື້ໂຕນ.

ຮຽບຮຽງຂ່າວໂດຍ: ສະໄຫວ ລາດປາກດີ

แชร์