ເມືອງຫົງສາເປີດນຳໃຊ້ເດີ່ນກີລາບານເຕະຟຸດຊໍ

ພິທີເປີດນຳໃຊ້ເດີ່ນກີລາບານເຕະຟຸດຊໍ ເດີ່ນຫຍ້າທຽມຄັ້ງທໍາອິດເມືອງຫົງສາ ແຂວງໄຊຍະບູລີ ໄດ້ຈັດຂຶ້ນຫວ່າງບໍ່ດົນມານີ້ຢູ່ທີ່ເດີ່ນດັ່ງກ່າວ ໂດຍການໃຫ້ກຽດເຂົ້າຮ່ວມຂອງທ່ານ ຄໍາເພັດ ພົມມະລາດ ເຈົ້າເມືອງໆຫົງສາມີອໍາ ນວຍການບໍລິສັດທີເຈຊີກໍ່ສ້າງຂົວ-ທາງຈໍາກັດ, ມີແຂກຖືກເຊີນຂັ້ນແຂວງ, ຂັ້ນເມືອງເຂົ້າຮ່ວມຢ່າງພ້ອມພຽງ.

ທ່ານ ຄໍາສະຖຽນເຫຼືອງພານິດອໍານວຍການບໍລິສັດທີເຈຊີກໍ່ ສ້າງຂົວ-ທາງຈໍາກັດການກໍ່ສ້າງ ເດີ່ນກີລາດັ່ງກ່າວແມ່ນໄດ້ເລີ່ມລົງມືຈັດຕັ້ງປະຕິບັດມາແຕ່ວັນທີ 1 ທັນວາ 2018-1 ມີນາ 2019 ຈຶ່ງສໍາເລັດ 100% ລວມມູນຄ່າ ໃນການກໍ່ສ້າງທັງໝົດຈໍານວນ 590 ລ້ານກີບ, ຫຼັງຈາກນັ້ນຄະນະປະທານແຂກຖືກເຊີນກໍ່ໄດ້ຮ່ວມກັນຕັດແຖບຜ້າ ແລະເປີດພິທີຢ່າງ ເປັນທາງການ.

ທັງນີ້ກໍ່ເພື່ອເປັນການຕອບສະ ໜອງໃຫ້ແກ່ສັງຄົມໃນການສ້າງກິດຈະກໍາຮ່ວມກັນ, ມີບ່ອນອອກກໍາລັງກາຍທີ່ເໝາະສົມ ແລະເປັນຂະບວນການຟົດຟື້ນເຮັດໃຫ້ມີສຸຂະ ພາບແຂງແຮງ, ສາມາດຕອບສະ ໜອງໄດ້ຕາມຄວາມຕ້ອງການຂອງສັງຄົມໃນປະຈຸບັນ, ອະນາຄົດ ເປັນສ້າງລາຍຮັບເຂົ້າກອງທືນກີລາກາຍຍະກໍາຂອງເມືອງ ແລະໃນການຫຼິ້ນກີລາບານເຕະມີຄວາມສະດວກຫຼາຍຂຶ້ນເພື່ອຫ່າງໄກສີ່ງເຕິດ  ແລະປາກົດການຫຍໍ້ທໍ້ຕ່າງໆ ໃນສັງຄົມອີກດ້ານໜຶ່ງກໍ່ເພື່ອເປັນການຝືກຝົນຫຼໍ່ຫຼອມສົ່ງເສີມເຍົາວະ ຊົນຊາວໝຸ່ມໃຫ້ກາຍເປັນນັກກີລາ ທີ່ມີທັກສະມີຄຸນນະພາບທີ່ດີຂອງ ເມືອງສາມາດໄປຮ່ວມແຂ່ງຂັນໃນລະດັບແຂວງ, ລະດັບຊາດ ແລະ ລະດັບສາກົນໄດ້ດ້ວຍເຫດນັ້ນການ ນໍາຂັ້ນເມືອງຈຶ່ງເຫັນຄວາມສໍາຄັນຂອງກີລາບານເຕະຈຶ່ງໄດ້ຕົກລົງ ອະນຸມັດໃຫ້ບໍລິສັດທີເຈຊີກໍ່ສ້າງຂົ້ວ-ທາງຈໍາກັດເປັນຜູ້ກໍ່ສ້າງ ແລະ ຮັບເໝົາໃນການລົງທືນ.

 ນສພ ເສດຖະກິດ-ສັງຄົມ

แชร์