ໂຮງຮຽນ ມສ ເທສະບານແຂວງຫຼວງນໍ້າທາ ຈັດກິດຈະກຳຖາມ-ຕອບ ຄວາມຮູ້ຮອບຕົວ

ເພື່ອເປັນການທົດສອບການຮຽນຮູ້ຂອງນ້ອງນັກຮຽນໃນໄລຍະ ຜ່ານມາ, ທັງເປັນການພັດທະນາຄວາມຮູ້ຄວາມສາມາດເປີດໂອກາໃນັກຮຽນໄດ້ຮັບຄວາມຮູ້ຢ່າງກວ້າງຂວາງ, ເປັນການປຸກລະ ດົມຈິດສຳນຶກ ແລະສ້າງປະສົບການໃຫ້ນ້ອງນັກຮຽນເພື່ອກະກຽມ ເຂົ້າສອບເສັງນັກຮຽນເກັ່ງລະດັບ ຕ່າງໆໃຫ້ໄດ້ຮັບຜົນດີ.ໃນອາທິດຜ່ານມາໂຮງຮຽນ ມສ ເທສະບານແຂວງຫຼວງນໍ້າທາ ຈັດກິດຈະກຳຖາມຕອບວິທະຍາ ສາດ ແລະຄວາມຮູ້ຮອບຕົວ, ໂດຍການເປັນປະທານຂອງທ່ານ ບຸນພະມາ ໄຊຍະຈັນ ຜູ້ອຳນວຍການໂຮງຮຽນ ມສ ເທສະບານແຂວງ ຫຼວງນໍ້າ, ທ່ານ ບຸນທຽນ ນັນທິລາດ ຫົວໜ້າຂະແໜງສາມັນພະແນກສຶກສາ ແລະກີລາແຂວງຫຼວງນໍ້າທາ, ມີສະມາຄົມມາຄົມພໍ່ແມ່ ນັກຮຽນ, ແຂກຖືກເຊີນ, ຄູ-ອາຈານ ຕະຫຼອດນ້ອງນັກຮຽນເຂົ້າຮ່ວມ.

ການແຂ່ງຂັນຄັ້ງນີ້, ຊັ້ນ ມ.ຕົ້ນໄດ້ແບ່ງອອກເປັນ 5 ກຸ່ມ, ຊັ້ນ ມ.ປາຍ 8 ກຸ່ມ, ມີ 13 ກອງເຊຍ, ຜົນການແຂ່ງຂັນປາກົດວ່າທີ 1 ຊັ້ນມ.ຕົ້ນ ໄດ້ແກ່ກຸ່ມ 2 ໄດ້ຮັບເງິນສົດ 4 ແສນກີບ, ທີ 2 ກຸ່ມ 1 ໄດ້ຮັບເງິນສົດ 3,2 ແສນກີບ, ທີ 3 ກຸ່ມ 3 ໄດ້ຮັບເງິນສົດ 2 ແສນ ແລະຊັ້ນມ.ປາຍ ທີ 1 ໄດ້ແກ່ກຸ່ມ 8 ໄດ້ຮັບເງິນສົດ 3 ແສນກີບ, ທີ 2 ກຸ່ມ 1 ໄດ້ຮັບເງິນສົດ 2,4 ແສນກີບ, ທີ 3 ກຸ່ມ 4 ໄດ້ຮັບເງິນສົດ 1,5 ແສນກີບ. ສ່ວນກອງເຊຍທີ 1 ໄດ້ແກ່ ຫ້ອງ 7/1 ໄດ້ຮັບເງິນສົດ 1 ແສນ ກີບ, ທີ 2 ຫ້ອງ 7/4 ໄດ້ຮັບເງີນສົດ 80 ພັນກີບ ແລະທີ 3 ຫ້ອງ 7/5 ໄດ້ຮັບເງິນສົດ 60 ພັນກີບ, ໃຫ້ ກຽດມອບລາງວັນກັ່ງກ່າວໂດຍ ທ່ານ ບຸນພະມາ ໄຊຍະຈັນຜູ້ອຳນວຍການໂຮງຮຽນ ມສ ເທສະ ບານແຂວງຫຼວງນໍ້າທາ.

ໂດຍ: ອຸ້ມ

แชร์