ບໍລິສັດ ວາບດາຕ່າ Warp Data ຊຸກຍູ້ນະຄອນຫຼວງພະບາງ ຈັດງານບຸນຊ່ວງເຮືອ ມູນຄ່າ 10 ລ້ານກີບ

ວັນທີ 16 ສິງຫາ 2022 ນີ້ ນະຄອນຫຼວງພະບາງ ໄດ້ຈັດພິທີມອບໃບກຽດຕິຄຸນໃຫ້ບໍລິສັດ ວາບດາຕ່າ ສູນຂໍ້ມູນຂ່າວສານ ບ້ານປາກແວດ ເມືອງຊຽງເງິນ ທີ່ໄດ້ປະກອບສ່ວນທາງດ້ານວັດຖຸປັດໃຈ ເປັນເງິນສົດ ມູນຄ່າ 10,000,000 ກີບ ເຂົ້າໃນການຈັດງານບຸນຫໍ່ເຂົ້າປະດັບດິນ ຊ່ວງເຮືອເດືອນເກົ້າ ( 9 ) ປະຈຳປີ ພສ 2565 ຄສ 2022 ທີ່ນະຄອນ-ຫຼວງພະບາງ ມໍລະດົກໂລກ.

ພິທີມອບ-ຮັບໄດ້ຈັດຂຶ້ນ ທີ່ຫ້ອງປະຊຸມຫ້ອງວ່າການນະຄອນຫຼວງພະບາງ, ມີທ່ານ ຈ່າງ ຫຼິນເວິນ Mr Lin Wen Zhang ຮອງຜູ້ບໍລິຫານບໍລິສັດ ວາບດາຕ່າ ມບັນດາການນຳນະຄອນຫຼວງພະບາງ, ແລະທິມງານທະນາຄານເຂົ້າຮ່ວມເປັນສັກຂີ.

ໃນພິທີທ່ານ ຈ່າງ ຫຼິນເວິນ Mr Lin Wen Zhang ໄດ້ກ່າວມອບເງິນອຸປະຖຳງານບຸນຫໍ່ເຂົ້າປະດັບດິນ ຈຳນວນ 10,000,000 ກີບ ປະກອບສ່ວນໃຫ້ນະຄອນຫຼວງພະບາງຈັດງານບຸນ ມີບັນຍາກາດຄຶກຄື້ນເບີກບານມ່ວນຊື່ນເຊິ່ງໃຫ້ກຽດກ່າວຮັບໂດຍທ່ານ ວຽງທອງ ຫັດສະຈັນ ເຈົ້ານະຄອນຫຼວງພະບາງ ພ້ອມດ້ວຍຄະນະທີ່ໄດ້ເຂົ້າຮ່ວມເປັນສັກຂີ.

ໂອກາດດັ່ງກ່າວທ່ານ ວຽງທາອງ ຫັດສະຈັນ ເຈົ້ານະຄອນ-ຫຼວງພະບາງ ໄດ້ມອບໃບກຽດຕິຄຸນຂອງທ່ານເຈົ້ານະຄອນເພື່ອສະແດງຄວາມຮູ້ບຸນຄຸນເປັນອານຸສອນເອກອ້າງຜົນງານຂອງ ບໍລິສັດ ວາບດາຕ່າ ສູນຂໍ້ມູນຂ່າວສານທີ່ໄດ້ໃຫ້ການອຸປະຖຳຊຸກຍູ້ຊ່ວຍເຫຼືອນະຄອນຫຼວງພະບາງຈັດງານບຸນຕະຫຼອດມານອກນັ້ນທ່ານຍັງໄດ້ອວຍພອນຕໍ່ທ່ານ ຈ່າງ ຫຼິນເວິນ Mr Lin Wen Zhang ພ້ອມດ້ວຍທີມງານ ແລະພະນັກງານໃນສັງກັດຈົ່ງມີສຸຂະພາບແຂງແຮງປະສົບຜົນສຳເລັດທຸກໜ້າທີ່ວຽກງານ ແລະມີຄວາມຈະເລີນຮຸ່ງເຮືອງຂຶ້ນຢ່າງບໍ່ຢຸດຢັ້ງ.

ຂ່າວໂດຍ: ສົມພອນ ວິໄລຜົນ

แชร์