ຈຳປາສັກ ຍ້ອງຍໍຜູ້ລະດົມ ແລະໃຫ້ທຶນໂຄງການລະບົບໄຟຟ້າແສງຕາເວັນ ສວນສາທາລະນະ

ວັນທີ 16 ສິງຫາ ຜ່ານມາ, ແຂວງຈຳປາສັກ ຈັດພິທີມອບ-ຮັບການມອບໃບຍ້ອງຍໍໃຫ້ບຸກຄົນ, ອົງການຈັດຕັ້ງສາກົນ ທີ່ມີຜົນງານດີເດັ່ນໃນການລະດົມ ແລະໃຫ້ທຶນຊ່ວຍເຫລືອໂຄງການລະບົບໄຟຟ້າແສງຕາເວັນ ສວນສາທາລະນະ (ສະໜາມແດງ) ນະຄອນປາກເຊ ໃນມູນຄ່າ 48.000 ໂດລາສະຫະລັດ ຫລືປະມານ 720 ລ້ານກວ່າກີບ ເຊິ່ງມອບໂດຍທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ມີພາກສ່ວນກ່ຽວຂ້ອງເຂົ້າຮ່ວມ.

ພາກສ່ວນທີ່ໄດ້ຮັບການຍ້ອງຍໍຄັ້ງນີ້ປະກອບມີ: ທ່ານ ນາງ ໄບບ້າ ຊາລີນາ (Ms Baiba Zarina) ອຸປະທູດ ສະຫະພາບ ເອີຣົບ ປະຈຳ ສປປ ລາວ ແລະທ່ານ ອາວີ ຊາກາກ (Dr Avi Sarkar), ຫົວໜ້າ ປະຈໍາພາກພື້ນ ຂອງອົງການສະຫະປະຊາຊາດ, ທັງສອງແມ່ນມີຜົນງານ ດີເດັ່ນ ໃນການລະດົມ ແລະໃຫ້ທຶນຊ່ວຍເຫລືອໂຄງການລະບົບໄຟຟ້າແສງຕາເວັນ ສວນສາທາລະນະ (ສະໜາມແດງ) ນະຄອນປາກເຊ ແຂວງຈຳປາສັກ ເພື່ອເຮັດໃຫ້ສະຖານທີ່ດັ່ງກ່າວມີຄວາມສະຫວ່າງໃນຍາມກາງຄືນ, ສ້າງສະພາບແວດລ້ອມຕົວເມືອງໃຫ້ໜ້າຢູ່, ໃຫ້ມີຄວາມສະອາດ, ສວາຍງາມ ແລະ ສີຂຽວ ເພື່ອຄຸນນະພາບຊີວິທີ່ດີຂອງຊຸມຊົນ ແລະ ຂອງປະຊາຊົນ, ຍູ້ຂະບວນການສ້າງເມືອງ ແລະນະຄອນປາກເຊ ໃຫ້ມີສະພາບແວດລ້ອມໜ້າຢູ່ ແລະເຂັ້ມແຂງຮອບດ້ານ.
ຂ່າວ: ທັດຊະນະ.

แชร์