ມຽນມາ ກຽມນຳເຂົ້ານໍ້າມັນເຊື້ອໄຟ ຈາກຣັດເຊຍ

ຕາມຂ່າວຈາກ ນະຄອນຢາງກຸ້ງ, ວັນທີ 18 ສິງຫານີ້, ມຽນມາປະກາດການກະກຽມນຳເຂົ້ານໍ້າມັນເຊື້ອໄຟໃນລາຄາມິດຕະພາບ ແລະມີຄຸນນະພາບໂດຍສະເພາະນໍ້າມັນ ແອັດຊັງ ແລະກາຊວນ ຈາກຣັດເຊຍ ໂດຍເປັນຜົນຈາກການເດີນທາງຢ້ຽມຢາມຣັດເຊຍ ຢ່າງເປັນທາງການຢູ່ນະຄອນຫລວງ ມົດສະກູ ຂອງທ່ານ ພົນເອກ ມິນອ່ອງລາຍ (Min Aung Hlaing), ຜູ້ນຳລັດຖະບານຂອງມຽນມາ ແລະຍັງມີແຜນສຳຫລວດພະລັງງານຮ່ວມກັບ ຣັດເຊຍ ແລະຈີນ ອີກດ້ວຍ. ນອກຈາກນີ້ທ່ານ ພົນເອກ Min Aung Hlaing ຍັງຕ້ອນຮັບ ທ່ານ Sergei Lavrov, ລັດຖະມົນຕີກະຊວງການຕ່າງປະເທດຣັດເຊຍ ທີ່ນະຄອນຫລວງ ເນປີດໍໃນວັນທີ 3 ສິງຫາປີນີ້.

ຮຽບຮຽງຂ່າວໂດຍ: ສະໄຫວ ລາດປາກດີ

แชร์